一本食堂

營業中

休息中

呢間日本菜都幾隱蔽，喺大廈嘅三樓，但搭𨋢上去之後發現原來餐廳地方好大，座位乾淨寬敞，裝修仲要好日本風，食物種類都好多，除咗基本嘅刺身、壽司、丼飯、燒物、鍋物之外，日本拉麵、炒飯、火鍋樣樣齊，連石燒牛都有原隻活赤貝刺身同加拿大海膽好新鮮，特長燒鰻魚壽司真係成條鰻魚上，好抵食主食方面，滑蛋吉列豬扒鍋飯好唔錯，豬扒夠滑，飯量仲要好足，燒物亦都係心水，鹽燒豚肉同牛舌都係即叫即燒，上枱嘅時候仲係熱辣辣，鹽燒已經好好味呢個價錢有咁嘅食物質素，性價比算好高

最近同朋友去觀塘食飯，意外發現左呢間佈置精緻+食物抵食嘅餐廳，性價比好高☺️見到櫻花樹🌸同日本傘，就幻想下去左日本一趟！滑蛋吉列豬扒鍋飯只需$68，滑蛋香滑，估唔到飯底下面有金菇，吸曬d汁，加上脆香豬扒好match另外，炒軟殼蟹都幾惹味、香中帶辣，雖然係和式菜但帶幾分避風塘風味😆軟殼蟹都幾多肉，好滿足朋友就點了壽司來食，款款都超長刺身，好吸引呢！估唔到係觀塘搵到間咁性價比高嘅餐廳，好適合同friend去傾下計，食下唔同款式日本菜

觀塘好多各式各樣嘅樓上餐廳，今晚返工過嚟呢間食日本嘢嘅。樓上舖可能因為租金平啲，空間可以寬躺一啲，呢度樓底高，燈光較柔和， 感覺好舒適。【日本赤穗蠔】蠔係即開嘅，好大一隻，不算肥滿但好Creamy，點一隻都有跟冰盤及有齊配料， 值得Encore！【大大花之戀】真係好似佢個名咁大大件，要切開先放到入口， 哈哈！呢個價錢嚟講真係超抵食！【牡丹蝦+ 鮮帶子+ 三文魚剌身 】呢碟係特價餐牌嘅，唔係因為特價個份量就細咗喎，刺身都新鮮美味。【滑蛋吉列豬扒鍋飯】定食跟麵豉湯同前菜，晚市都只係50幾蚊，太抵食喇掛，而且都好味㗎喎！驚喜位係鐵鍋上有少少飯焦， 而且飯嘅份量好多，啱晒大食嘅我，哈哈！今餐令我最回味係個蠔，但要留意Menu係搵唔到㗎， 店員話會不定期轉時令新鮮蠔，但款式太多經常轉所以唔印落Menu，鍾意食蠔嘅朋友可以問店員介紹返！