潮洲滷 (已結業)

近著灣仔站的石水渠街一帶有很多小店，其中這間「潮洲滷」主打潮洲滷水，價錢划算又大份。眼利的我一眼便認得是葵芳的老鋪，原來搬到灣仔！經過門外已經聞到陣陣滷水味，平常午市很多打工仔買外賣，旁晚亦有很多街坊加餸斬料。店內有超過十款的滷水選擇，櫥窗能觀賞到師傅斬料的手勢，更能看到掛滿的新鮮滷味，還推出不同不定時的優惠。滷水鵝招牌滷水鵝製作不容易，以秘製滷水汁浸泡再懸吊掛乾，鵝皮變得光鮮，鵝肉遠比鴨肉鬆軟入味，入口留香不鹹，更附上滷水汁及醋。值得一讚，滷汁包裝好乾淨不油膩，明顯下過功夫隔走雜質。滷水鵝腎大大片的鵝腎明顯比常吃的雞腎大塊，肉質爽脆之餘帶點柔軟，更有口感。滷水豬肚一條條豬肚外面脆嫩，裡面卻很綿軟，帶微微嚼勁。滷水豆腐綿韌的豆腐質感偏硬，豆味頗濃郁。滷水蛋香滑的滷水蛋滷水超入味。

今日打算扮全日乖乖囡，陪兩老喺灣仔飲完茶，還打算陪他們返屯門吃埋晚飯。來到灣仔街巿，打算買餸下廚，但老爸見到間滷水店就話：我少回家吃飯佢就少斬料加餸。佢嗰樣好似好想食咁……店子門面光鮮，掛滿肥美的滷水鵝鴨，亦擺放了很多不同種類的滷水食品，咁多選擇，老爸睇到流晒口水，哈！細閱貼在門口的餐牌，滷水食品有滷水鵝鴨、鵝翼、鵝掌、豬手、鵝腎、豬耳、豬大腸、雞翼、豆腐、雞蛋等等，還有飯類，而原隻雞脾飯連飲品都只是$25，抵到呢….老爸會揀咩呢? 最後要了一隻細滷豬手、半隻滷水鴨、兩件滷水豆腐、四隻滷水雞蛋，一家四口食，好豐富！看着師傅手起刀落，聽着響亮的斬切聲，加埋站在廚窗前聞着那份濃濃的鹹香滷水味，真的不禁垂涎！臨走時，店員還在枱上拿了滷水汁和酸汁各兩包給我。***************************回到家馬上打開盒子，嘩！無諗過半隻滷水鴨 （$65/半隻）有咁多，好有份量。師傅刀功了得，每件大小相若，厚度適中。老爸悉心地把每件逐一放在碟上，好開心咁！先嚐鴨脾上的一件，肉質相當香嫩，鴨皮下連帶一層薄肥膏，吃起來甘香油潤，但又不會覺得太肥膩，正合我心意。老爸試一件淨肉，肉質雖不及連骨的

以前係葵芳住的時候，放工返到屋企附近已經好夜，而呢間舖頭還會開著，所以成日都會到這間餐廳食宵夜，但自從搬左之後就冇左食過啦!之後黎到港島區返工，有時放工會去灣仔街市買餸，冇意中見到熟悉的名字，原來灣仔都有這間滷水店，所以間唔中都會買返屋企加餸!今天也不例外，雖然是星期六不用上班，但咁岩要去灣仔跟朋友食lunch，所以食完lunch又去灣仔街市買餸，順便買滷水鵝返屋企。這裡跟葵芳的不同，只是外賣店，沒有堂食，老闆親力親為，收錢斬料一手包辦。今次買了滷水鵝($123/斤)、滷水豬耳($20/隻)、滷水豬大腸($18)和滷水豆腐($10/件)。這裡的滷水鵝切得厚薄剛剛好，而且唔肥，肉都有幾多，唔會只係得骨，滷水味都幾入味。滷水豬耳爽口入味，豬大腸老闆幫忙去了入面的肥膏，所以食既時候一D都唔肥，而且冇大腸的臭味!這裡的滷水豆腐切到大大舊，食落好正!總括黎講，這間的滷水鵝唔算好貴，而且所有滷味都好入味，值得再次買返屋企加料呀!

收工後去斬料歸家，為家人做美食速遞員，哈哈！這家滷水店環境乾淨企理，隔著玻璃可看到陳列的各式滷味，又可以看到師傅斬料，透明度很高，感覺食得安心外賣滷味的選擇很多，而且價錢非常實惠，下次可以試試來買飯盒做 lunch 店家的醬汁是獨立包裝，滷水鼓油和酸汁都大方地給了兩包。滷味斬得工整美觀，拿到家仍然完好無缺 滷水鴨下面放了滷水豆腐，令到半隻滷水鴨看起來更豐富，賣相讓人食指大動阿！左邊的滷水鴨肉骨片開，適合喜歡啖啖肉的父親。另一邊是鴨槌，底下還有連骨的鴨肉，無論喜歡吃有骨無骨都照顧得到另外鴨肉肉質細嫩，質素十分高！這盒還有滷水蛋和豆腐，滷水蛋更是被某個為食的人光速吃光！她說好好味，所以忍不到嘴，哈哈！第二盒集合了家人喜愛的東西，有豬大腸、豬頭肉、豬耳和雞翼，陣容強大 被某人整理一下之後更可觀，每一樣都滷得入味好吃。滷水豬耳很彈牙，豬頭面半肥瘦有油香，豬大腸清潔徹底，很軟腍可口。滷水雞翼是雞全翼，$24 有四大隻，是抗通漲之選罷？雞槌、雞中翼和雞翼尖是三種不同滋味，就像一翼三食

早前，跟好姊妹到銅鑼灣食完抹茶甜品後，她想去灣仔石水渠街的 <潮洲滷> 斬料買潮州滷水嘢回家！當時，我見到店子的滷水嘢很吸引！ 但又怕家人不太好滷水肉類，大大件的豆腐的確是不錯的選擇！於是，我便買了四件滷水豆腐！老闆很熱情客氣！ 還送了兩隻滷水蛋給我，實在驚喜！多謝他那麼熱情好客，讓顧客也感到他的人情味！ 最近，跟好姊妹們來個週末輕鬆下午茶聚後，陪媽咪去灣仔買鞋！問她有無興趣食潮州滷水嘢呀？ 她說都好吖！帶她去到店子，她告訴我，原來她早前跟爸爸來灣仔時，也留意到這間小店，不過爸爸卻說不買啦！就無幫襯！第二次帶媽咪來，熱情好客的老闆見排在我們前面的一對中年夫婦拿不定主意買什麼？！ 於是，分別切了一小件的鴨肉及鵝肉給他們試清楚！也給媽咪試試！原來小店以家庭式的潮州人經營，一家四口樂也融融！ 總店在葵芳，然而分店設於灣仔，由老闆大仔主理！這是一間外賣店，不設堂食！供應的潮州滷水嘢包括：滷水鵝、滷水鴨、掌翼、鵝頭頸、腩肉、鵝腎、豬大腸、豬手、豬耳、豬頭肉、豆腐、雞蛋...等等！買滷水嘢會附上醋及滷水汁，好讓食客調教個人口味及嚐出正宗潮州風味！媽咪話：食潮州滷水嘢要蘸醋先夠風味！

「今晚加餸——」非油雞燒肉，非燒鵝叉燒，這晚成為我家晚餐的新桌上客是潮州滷水小食。這間位於灣仔的滷水小店隱藏於街市攤檔之中，卡片上更有寫明從灣仔地鐵站A3出口的前往方法。等候期間看到不少家庭主婦及傭人光顧，玻璃和牆身貼滿老闆與藝人的合照和各大報章雜誌的報道，相信足以證明小店的水準，能夠吸引源源不絕的捧場客。除了滷水小食之外，更有提供滷水飯盒，價格相宜，如果在附近上班或居住，定必會到此一嚐，這次目標實為外賣回家。滷水鵝($118/斤)切成鵝片，皮脂較薄，肉質偏瘦，鵝肉味濃，毫不油膩，個人比較喜歡沾上酸甜汁同吃，相反額外附送的滷水汁味道濃縮偏鹹，若非重口味人士其實單吃滷水鵝亦已經足夠。滷水鵝腎($18起)不及平時經常吃到的串燒雞腎爽口，反而質地軟中帶爽。坊間大多餐廳出品的大腸都相當肥膩，而這裡的滷水豬大腸($18起)卻截然相反，師傅預先將大腸劏開一半，將多餘油脂肥膏去除，入口爽滑之餘毫不覺膩。滷水蛋($10/兩隻)相當入味。滷水豆腐($10/兩件)外層有如豆卜一樣，而中間部分則較為結實，舖於飯盒底部盡吸滷水精華。能與家人團聚共享晚餐實在是幸福滿瀉，常言道一餐飯最重要的並非在於吃甚麼，而是在

灣仔街市附近開咗間專賣滷水食品嘅潮州滷,嗰晚仲有唔少街坊幫襯,睇嚟都幾受歡迎.原本想試滷水豬手再加其他嘢,可惜已經賣晒.所以呢次只係試咗滷水豬耳,腩肉,雞翼同豆腐.拎到返去一打開個盒就已經傳嚟陣陣滷水香味,佢哋另外仲跟咗兩包醬汁.個盒子已經係較大size嘅發泡膠盒,不過仍然塞得滿滿.滷水雞翼,我初初以為只係雞中翼,原來係雞全翼,仲會主動幫人斬埋件.每隻都幾飽滿,食起嚟皮脆肉嫩.滷水腩肉嘅肥肉部份軟腍唔膩,肉質算鬆化唔癡牙.滷水豬耳,都幾爽口同易咀嚼.滷水豆腐質感扎實,外皮煙韌,算有豆香同冇乜渣.呢度嘅滷水以鹹味為主,甜味稍輕,不過食材嘅質素唔錯,當中以豆腐同豬耳嘅表現最突出.

已有一段時間沒有回家吃飯, 很掛住阿媽靚湯, 一於回家一趟, 陪兩老在家中舒舒服服吃頓豐富的晚餐, 有什麼比得上這份幸福呢? 每次我回家吃飯, 兩老總會一早出去街巿買魚、買菜、買湯料, 還有斬料加餸, 好似慶祝我凱旋歸來咁, 很誇張, 或許他們覺得我平時無啖好食, 要在一晚之內補給所有, 哈!見他們大袋細袋, 又在廚房攪到一頭煙, 真的不好意思, 我又怎能次次空手回來, 今次除了帶個自家製竹炭包回家外, 斬料加餸就由我負責啦! 走到灣仔街巿, 行下行下, 發現了一間門面光鮮, 掛滿肥美的滷水鵝鴨的外賣店, 醒起老爸對潮州菜情有獨鐘, 一於在這店子挑選。細閱貼在門口的餐牌, 有多款的滷水食品, 如滷水鵝鴨、鵝翼、鵝掌、腩肉、鵝賢、豬耳、雞翼、豆腐、雞蛋等等, 咁多選擇, 揀咩好呢? 最後要了半隻滷水鴨、兩件滷水豆腐、兩隻滷水雞蛋, 還有店員所推介的鴨舌, 咁豐富, 相信一定夠三人吃。偷看着師傅手起刀落; 聽着響亮的斬切聲, 加埋站在廚窗前聞着那份芬芳鹹香的滷水味, 真的想即場立食, 但當然不能啦! 忍口! 臨走時, 店員在枱上拿了滷水汁和酸汁各兩包給我, 還細心地說, 如覺得不夠味才使用