百樂小館 (已結業)

很多老牌餐廳為吸引年輕客群，都會開設新的年輕副線，就像這晚的「百樂小館」，就正正是老派潮菜館「百樂潮州酒家」的副線。故此，環境下過一番苦功，環境闊落舒適，裝潢型格摩登，的確較易吸引年輕人光顧。再者，百樂潮州酒家一向有水準，因此，就算來到副線餐廳，亦不用擔心食物質素。招牌的「滷水骨香鵝肉片」（$148）相信是每柴必叫的指定菜式，上好的滷水，滑嫩的鵝片，造就出這一道經典潮州美食，就連墊底的豆腐也很美味而不能錯過。大家無懼膽固醇，勢要勇闖一嚐「滷水鵝肝」（$180），鵝肝切為厚薄均一，入口十分肥美，跟吃法式的煎鵝肝很不一樣，沒有油香豐潤的感覺，卻是粉軟綿綿。友人很想試試這高級版的鳳爪「鮑汁扣鳳爪」（$78），鳳爪做得軟身，亮點是濃厚的鮑汁滲到皮與肉之中，香濃得化不開。因為汁底實在很香，完全想不到甚麼反對理由不拌白飯來吃。店家亦提供不少小炒，就看看「雜菌炒牛仔粒」（$78）質素如何？牛仔粒本身應有一定質素，因為炒出來牛仔粒十分軟腍，既惹味又香口；雖然有不少蔬菜伴碟，但雜菌卻是不多。香口的食物總是人見人愛，「椒鹽鴛鴦魷魚」（$118）卻是一份價錢，卻有雙倍滋味，鮮魷及土魷沾粉漿酥炸，並鋪上大量金

百樂潮州酒家是我喜歡的潮菜館之一，百樂小館則是百樂潮州的副線，目標客群為年輕一族，以摩登潮菜作為賣點。平心而論，潮菜還是傳統的好，而百樂小館的吸引之處，就在「小館」二字。好些餐廳名店，如利苑、樂天重朝、稻成亞丁，都以「小館」作為副線，以親民的形象，或親民的價格打入年輕市場。百樂小館跟百樂相比，店風是迥然不同。走型格摩登路線，環境闊落舒適。價位跟百樂潮州其實是不相上下，勝在可選小碟的份量，正是小館的精髓所在，無論用餐人數多寡，選擇都不會因份量而有所局限。滷水骨香鵝肉片($148)百樂潮州有個出色的滷水膽，小館的水館亦不遑多讓，有上好的滷水，加上滑嫩的鵝片，美味得連墊底豆腐也不能錯過。潮式煙燻鴨胸($88)乍看煙燻鴨胸是現成貨色，吃着卻是有所區別。鴨胸外皮帶脆口感，煙燻香氣來得濃烈，面層上一層甜甜蜜汁，夾着鮮菠蘿片同吃，風味創新獨特，意想不到的驚喜。咸菜豬肚湯($128)除了百樂潮州的滷水外，湯品亦同樣出色。湯清而鮮，胡椒辣度恰到好處，咸菜豬肚嫩嫩的，暖胃的湯汁，冬天吃上最是合宜。百樂一品煲($198)稱得是一品煲，用的都是揀手靚料。當中有鮑魚、花膠、海參、帶子、明蝦，伴以菜菌同燴，花膠炆

家中長輩為潮州人, 經常回味家鄉菜, 出面大多酒樓都出品廣東菜, 要搵間好食而又正宗既潮州菜的確唔易, 今日我地去左尖沙咀美麗華商場呢間百樂小館品嚐一下潮州菜, 果然令我大開眼界, 終於明白長輩們對潮州菜回味無窮既感覺!! 呢間潮州菜平日晚都經常爆滿,幸好我已為大家預先訂檯, 免得浪費等位時間~ 一坐低但先有小食開開胃....同時點左幾款菜式試試....【滷水骨香鵝肉片】HK$148食潮州菜必食首選一定係滷水鵝, Order左個例牌試試, 滷水鵝肉質柔嫩, 皮外脂肪唔太厚, 滷水汁亦很入味~【椒鹽豆腐茄子粒】HK$48炸物配上椒鹽一向都是絕配! 一啖一粒既豆腐同茄子粒, 炸得外皮好乾身, 唔會好油膩, 超級脆口...特別係茄子粒, 茄子已被去皮, 咬開脆皮, 內裡有熱辣辣軟心茄子...【潮式蘿蔔灌漿】HK$48呢款菜式我都係第一次食, 家人話呢個菜式唔係間間潮州餐廳都可以食到, 事關烹調技巧比較煩複~ 但呢款正正給我帶來驚喜, 令我一試愛上, 下次再來定必encron!! 色澤金黃, 外皮非常脆, 入面包住爽甜蘿蔔粒,濕潤既饀料亦冇影響到香脆外皮, 外脆內軟岩哂形容呢款菜式, 正!!【

年近歲晚，就會有唔少朋友想聚一聚乘機搞團年飯，今次有朋友吹雞，又唔使小弟搞，就梗喺舉手啦。百樂小館以潮州嘢掛帥，但又有其他菜系，一舉兩得！而佢喺銅鑼灣老店百樂潮州嘅年輕分線，自然對其出品有多份信心！比起老店，百樂小館嘅環境的確「年輕」好多，以木條為主題，拉出唔同嘅線條，一掃潮州老餅嘅感覺。鹹酸菜、花生小碟食潮州菜，除鹵水以外，最懷念仲有鹹酸菜，餐前小食就有鹹酸菜及脆花生，小弟細個都試過加多碗潮州粥，就當一餐。今次餐牌就唔多提，因為好大本，頁數多，影起嚟較麻煩。但打開餐牌，就有介紹餐廳嘅品牌，先明白餐廳嘅英文名何解，所以，未開餐，先飲番杯功夫茶。嚟食潮州嘢，都好難會錯過潮州鹵水，有鵝肉片、鵝掌翼、五花腩肉、牛展、豬大腸、墨魚片、豬腳蹄、拼盤、雙拼……等等。有小份，亦有例牌選擇，更列明小份1-3人享用，例牌就4-6人享用，俾大家叫餸時有個預算。滷水骨香鵝肉片 $148滷水鵝就最誘人，鵝肉切片大細厚薄均一，肉質柔軟有口感，鵝味濃，滷水醇香沉實，果然喺老店嘅手勢。墊底嘅滷水豆腐，同樣軟滑帶淡淡豆香。除鹵水，仲有啲潮式嘅特色前菜，如潮式炸魚皮、潮州咸雞，潮式煙燻鴨胸。潮式煙燻鴨胸 $88碟鴨胸嘅

百樂小館是百樂潮州的分支，走年輕路線，份量及價錢都相當親民。對比打冷潮州菜，百樂小館固然是走截然不同的風格，高雅精緻得多。潮州人在餐前餐後都會喝一杯功夫茶，茶味濃郁香醇。滷水骨香鵝肉片 ($148)之前在外面吃過的滷水鵝片大多相當肥膩，滿口鵝皮脂肪，但這裡的鵝片脂肪比例適中，十分入味，而底下的滷水豆腐更是錦上添花。鮑汁扣鳳爪 ($78)鮑汁扣鳳爪不會像一般酒樓出品一樣煮得軟爛，毫無口感，反而入味之餘肉質爽彈。梅子肉碎粒豆腐湯 ($88/4人份) ($68/2人份)清澈見底的豆腐湯相當足料，滿滿盡是豆腐及肉碎。湯底清甜不油膩。潮式北蔥羊腩煲 ($288)寒冬臘月當然少不了暖洋洋的羊腩煲，除了羊腩之外更有冬菇、馬蹄、腐竹及竹筍等材料。無骨羊腩肥而不膩，肉質不韌。另外有一碗羊腩湯補上，更可以將生菜浸入湯中盡吸羊腩煲精華。金華炆大芥菜 ($98)鹹香的金華火腿與炆得軟腍的清淡大芥菜同吃味道能夠此消彼長。蘿蔔絲砂煲煨飯 ($168)當砂煲煨飯上菜的時候隨即飄香萬里，香氣撲鼻，恰似濃郁版的瑤柱蛋白炒飯。煨飯固然不如炒飯般乾身、粒粒分明，但是卻更加惹味，當中啖啖清甜蘿蔔絲，令人回味無窮。花生糖糠湯丸

百樂已經是這𥚃的常客，全因我是潮州人最愛潮食。九月適逢生日月份，又點少得潮菜呢？我的朋友會否對我太好，竟然釀製了一呈梅酒。半年釀製心意搭夠，味道超然酒精濃度不太高還有梅子香。 雜菌炒牛仔粒 牛仔粒嫩滑，每口牛都能鎖住肉汁。還有少許雜菇可減少膩度。 椒鹽蠔珠 平時蠔仔都是弄至蠔仔粥，不過此店力求創新；椒鹽蠔珠脆身又有口感，一粒粒完全是小食之選。 滷水骨香鵝肉片 原碟滷水鵝肉片賣相已經相當吸引，旁邊放有白醋汁以供享用。鵝肉油脂分佈平均，我要吸收了滷水汁大為入味。 潮州滷牛展 別以為牛展會比較硬身，不過師傅切是薄片紋理分明，滿滿滷水味道盡現。 咸菜豬肚湯 咸菜胡椒豬肚湯，一兜可分出5-6碗，胡椒香氣十分香濃。豬肚不太硬，胡椒味道濃烈不俗。 栗子方魚焗雞球 雞球經過焗製之後腍軟，栗子大大粒而且軟身而入味，旁邊更有方魚微脆大為滋味! 黃豆醬炒鯧魚片 極愛這個炒鯧魚片，利用紫蔥炒香味道非常惹味。軟身的魚片配上黃豆醬，原來大為匹配令人吃過不停。 金瓜九肚魚烙 椒鹽九肚魚吃得多，不如試下金瓜九肚魚烙。金瓜是南瓜味道淋軟，完全考師博的功架。淋軟的食物總是難以煎起，甜中帶脆身旁邊更有少許魚露增添美味。 鮮

人生有幾多個伯樂你唔會知道但係當你遇上了 你又可否捉得緊呢?! 正如機會在眼前你又有無諗過會係咁難捉得住?機會一瞬即逝 當你遇到請緊記要好好把握而我又可能已經遇上了 無論工作上 生活上 唔同範疇都有唔同既伯樂 唔係老點你 幫到你就已經係 唔一定要飛黃滕逹既伯樂話想請我地後輩食餐飯 多謝我地呢幾年既努力咁當然二話不說 SAY YES啦!!! 話去食潮洲野 咁即係打冷?! 比較少食 我真係唔在行........原來有呢種潮洲酒樓?! 我一直以為得大排檔咁樣個啲既舖頭裝修格調都一洗我心目中既打冷舖 飲杯茶 傾下計 一大班同事享受一下工作後的HAPPY HOUR地方算大 空間感好 又有獨立分隔 幾有私人空間炸魚皮係潮式名物 脆脆既炸皮加埋魚露同青蔥既汁 鮮味都好出原來魚皮可以咁食法炸蠔仔 個樣都好吸引 每粒蠔雖然並唔係頭咁大隻 但細細粒密密食 都好過癮鮮味同多汁 唔會好乾身 掓鹽味本身都好夠厚身既蘿蔔配上炸漿 有啲似炸蘿蔔絲咁不過佢原塊上 更加有口感同咬口 蘿蔔都好甜!!鵝片真係打冷必點之選 啖啖肉 又唔會有鵝個種羶味 點少少白醋 帶點酸更醒胃滷水入味非常 叫個白飯加滷水汁我諗都可以食兩碗手撕

C+搵食團 || 新潮 x 傳統潮州菜 - 【尖沙咀】百樂小館 -- 中菜好多時 食黎食去都係果幾味 比人覺得又悶又老餅 -- 所以ms.C食中菜多數都係同長輩食 前排同友人'sss行開TST 去睇完小丸子展 因為之前爭朋友一餐生日飯 所以今餐由友人'sss決定食咩 -- 友人'sss話要食潮州野 帶左ms.C去左 美麗華商場食四方 【百樂小館】食潮州菜 -- 上到去百樂小館 店面同一般既中菜館好唔同 裝修好時尚 -- 一大個雀籠 & 好多卡位既設計 可以比三五知己 有一個私人空間 唔怕嘈到人（我講緊我） -- 而且燈光配合好好 啱晒ms.C呢D相機食先既人 成晚影既相都勁靚 -- 一入座店員就會放底功夫茶 味道都好甘 P.S若果飲完茶 晚上會訓唔到覺既就要小心喇 -- 餐前小食 咸脆花生 & 咸菜 -- 椒鹽豆腐茄子粒 - $48 豆腐用上黑豆豆腐 豆味香之餘 炸完之後 入面都仲係嫩滑感 正！--因為呢到係

尖沙咀美麗華商場原來有間好靚ge潮州菜館，仲要價錢都唔算好貴，一於就入去試下!你睇，門面幾靚，完全唔似出面食打冷果D潮州菜館好中意裡面個大圓檯，坐得舒服又有少少私人空間感覺一黎就上茶，有2款，右邊細細杯係功夫茶，都幾特別!潮州菜點可以冇滷水?叫左個滷水鵝，D滷味又幾正wor，唔會太咸，而且個鵝肉質好好，一D都唔硬呀!呢個豬大腸幾肥美，原來呢個都係賣功夫架!其實豬大腸內仲有豬小腸，所以睇落先咁肥美，而且食落超有口感，好中意呢個!炸魚皮超級脆，最特別佢係有個韭菜醬係度，加少少一齊食又幾夾wor，同埋好fresh ge感覺~蘿蔔原來可以整成咁，呢個又係好好味，入口即溶咁!個feel似炸，但食落又唔會覺得好油~(甜、甘、辣、酸、咸、鮮 - 百合、涼瓜、紅椒、子薑、咸菜、墨豆)真係有6種菜6種味，幾特別，但我就唔太好，可以都係中意返D野味炒菜多D一向麻麻九肚魚，但個整得好香，咬落又唔覺有骨wor!個魚蛋手打魚蛋，勁彈牙好新鮮，不個個湯就咸左少少，但魚蛋堅好味唔夠飽，一於叫左個飯，個糯米飯炒到好香，又唔會太痴口，又有鮮蟹味，食埋都好飽啦~但係見到個甜品又好想試，最後都叫左，但真係冇叫錯，新鮮熱辣，

以往一提起吃潮州菜，就只會第一時間想起打冷，或者好傳統式的潮州菜館，大大碟要人多才吃得清。是夜來到這店，門外裝潢很新潮，一點都沒有傳統酒家感覺，再入內，一個個分隔好像雀巢般的隔局，各自形成一個個的獨立用餐區。如果人少，亦有二人枱、四人枱，好像西餐廳的隔局。每碟菜几乎都會分例牌份量及大份量兩種，今次我們人不多，點的都是例牌份量，所以就算下次得2人時，都可以再考慮過來這店二人世界牚枱腳。是夜大家都很滿意這店的菜色，吃得太開心，吃到差不多沒客人才捨得結帳離開。哈，走時可以乘機影下這裡的裝修，引下其他朋友下次陪我再來。一入座，店員立即端上功夫茶前菜中的鹹酸菜很好味，很快已經被友人吃光了。滷水骨香鵝肉片 $98推介!!! 肉質很嫰滑入味，跟店員閒談知道這個滷水汁已有50年歷史，由開店至今，會每日加湯再煲，所以特別入味，而鵝只會選用約120-180日大的，所以特別嫩。五香炸芋絲卷 $48第一次食這樣做法的炸芋，沒想過潮州菜都可以這樣吃，除了款式驚喜，味道很可口，皮脆卜卜，但芋未至於炸到很乾，不過都很熱氣的。杏汁白肺湯 $168極力推介!!! 這個湯淨說清洗豬肺工夫已夠多，還要煲得好飲真的不簡單，如

一到暑假總是有些老朋友回流返港，朋友共聚是必然的事。多數人都會選擇飲茶嘆返一盅兩件，或者到茶記單點菠蘿包、蛋撻及一杯絲奶茶等。不過一班人聚首一堂，中菜永遠是我心水之選。中菜講求細膩度，環境一般以舒適為主；而且傳統的工藝巧手確實不錯。我們一行12人想靜中帶旺的地方，選擇「百樂」是最好不過。位於美麗華交通非常方便，鄰近港鐵站；遊客都會光臨此店。已經不是第一次光顧「百樂」，再次到訪必有它的魅力。鳥籠中帶有私隱度是我大為喜愛，圓枱型的設計每位客人都能夠吃出每道菜式。朋友還未到齊，店員總是細心地遞上功夫茶；功夫茶利用翡翠盛載深得我心，苦中帶甘不會苦澀。旁邊有三碟前菜供應：酸菜、花生、辣椒油。潮式的酸菜少酸帶甜，份外開胃。花生脆身又有咬口，愈食愈滋味。終於人齊可以開飯，那麼久沒有返港必定懷念傳統食物。今晚真的喪點不是夢，有一種開懷大吃的感覺似的。椒鹽蠔珠 $48平時蠔仔都是弄至蠔仔粥，不過此店力求創新；椒鹽蠔珠脆身又有口感，一粒粒完全是小食之選。潮式蘿蔔灌漿 $48蘿蔔絲酥餅吃得多，倒不如轉投灌漿吧。單看外貌已經感覺到炸漿炸至金黃色，第一口已滿帶蘿蔔絲非常足料，滋味無比。潮式炸魚皮 $48炸魚皮本