九份飽 (蜆殼街) (已搬遷) 新店位置

這間食店都幾進取。有一次八號風經過該店都見有開門，這個情況就有好有壞啦對食客就當然係好事。但員工就可能辛苦啲囉不過這個問題都未必係我哋三言兩語解決。這間台菜店在開店初期都好多故事。很多人都在網上稱這間店嘅風格類似香港某一間台灣店。都係一句各有各說，不便評論。我想介紹嘅係佢哋嘅下午茶。我選擇佢哋嘅原因都係因為見到下午茶推薦。這裡不用加一、不用收茶錢。點選食物多少就計多少。這裡有一個超抵嘅下午茶餐只限星期一至五 價錢超抵 所以我開頭都唔係太相信 但都抱住一個試吓嘅心態 這三樣嘢都係下午茶里嘅內容 有主食、前菜和甜點 三樣都算合格 不過滷肉飯都係差啲 唔係太夠汁水 飯嘅份量就夠多 玉米腐皮卷就不過不失 都算合格嘅前菜有泰式辣醬配合 有點似泰菜最後嘅一個甜品 真係會令你覺得很開心那些芋圓很Q彈 有唔同口感和味道一套一人下午茶就係上圖這樣老實講這個餐真係一點都唔飽肚只可以講只可以令你唔太肚餓 不過都合格下次有機會就再試令一個餐P.S外賣都可以 唔需要加外賣盒錢

已經好耐冇出街食飯😫好掛住台灣嘅美食啊！早排經過呢間餐廳見到好多人排隊，今日放假決定一試以解相思之苦😚大概點半去到門口大概8人左右排緊隊，等咗大概30分鐘左右，店員出嚟量體溫，然後就可以入咗啦。餐廳面積唔係好大，加上疫情要有1.5米距離，所以接待人數比平時少，相信繁忙時間等候時間會比較耐。甜不辣略嫌炸得不夠香脆 ，調味亦較清淡，幸好有配上泰式辣醬，稍為加了一點分數蛋餅餅皮透薄有嚼勁，配上豐富的餡料，一流🤗鹽酥雞炸得酥脆，內裏保留滿滿的肉汁，忍唔住一口一口吃下去😋香噴噴的滷肉飯店家選用半肥瘦的腩肉作為材料，吃下去滿滿的幸福感，只可惜上枱時唔夠熱，減了少許分數湯底比較濃稠，味道佢比想像中淡，不過值得一讚份量挺多，而且牛腩及牛筋入味而且好冧👍🏻兩杯飲品味道正常，都係好飲嘅，而且胚芽珍珠奶茶胚芽好多最後讚一讚店家先，每張枱都有消毒搓手液比客人使用，個個保持衛生，食都食得放心啲啦😉