鐵牛台灣牛肉麵 (旺角中心第一座)

營業中

休息中

平時見鐵牛午市都好多人食，見咁耐無食，一於再食～午市套餐都有10幾款選擇，有飯有面咁～主要都係啲香酥排骨、鹽酥雞肉同牛肉等等既不同配搭～我今次揀左「滷肉香酥排骨便當」，香酥排骨都幾大塊，其實即係炸豬扒，有預先切開一條條，幾細心～但其實味道麻麻，炸得有啲乾！啲配菜都唔吸引，無咩點食⋯⋯個滷肉飯啲滷肉份量都okay,味道都夠味，可惜太肥喇，好多肥膏，唔太健康！跟餐加$9有凍珍珠奶茶，但味道一般，珍珠唔q彈，作為一間台式餐廳，呢杯珍珠奶茶唔合格！

同朋友們約食飯，先知道原來旺中仲有呢一層，有種好神奇同發現新大陸嘅感覺。由於落到去正值食飯時間，都需要等一陣先入到座。滷肉香酥排骨便當份量都算幾多，最後我係食唔哂排骨，飯都好似剩咗少少。對女仔而言，呢個便當同人share可能比較好。呢款有3樣前菜，滷蛋、生菜同一碟應該係醃製類食物。滷蛋口感偏硬同乾身，生菜就正常，味道偏淡。滷肉飯幾好食，肉脂唔會太肥，亦唔算太油。香酥排骨就香口治味，熱辣辣酥脆金黃，但食多幾舊好快滯。珍珠奶茶普普通通嘅珍珠奶茶，珍珠好硬，完全唔煙韌。飲過其他珍珠奶茶店嘅珍珠奶茶之後，真係接受唔到呢杯嘅口感，完全食得出係雪得太耐。可能叫其他無珍珠嘅飲品會好啲。

自助購餐 環境擁擠餐廳採用自助點餐，需要到店外買餐。由於係平日中午 lunch hour 去食，所以人比較多，但好彩唔駛等位，遲黎少少既都已經要等10－15分鐘！lunch hour去既話就要留意。滷肉香酥排骨便當滷肉香酥排骨便當 ＄55一開始對便當既期望都幾高，畢竟餐廳既人氣都幾高。配菜有炒雜菜，番茄炒蛋同鹵水雞蛋，味道一般，無咩淨係。主角香酥排骨份量都幾多，有成7/ 8塊，但從圖片可見，非常之乾，令人失望。至於滷肉飯，滷肉同飯既比例始終，但唔算特別好味。涼拌黃瓜涼拌黃瓜 ＋＄20賣相唔錯，黃瓜爽口清甜！洛神鮮花茶洛神鮮花茶 ＋＄8酸酸甜甜，幾開胃！普通既一餐，唔算好特別，唯一可以講既係價錢尚算合理！