維記咖啡粉麵

營業中

休息中

🍔食物質素：👍🏻👍🏻👍🏻👍🏻💵價錢性價：👍🏻👍🏻👍🏻👍🏻   📸打卡指數： 👍🏻👍🏻     🪑環境衛生：   👍🏻👍🏻👍🏻   🤵🏻店員服務：  👍🏻👍🏻👍🏻👍🏻相信維記豬潤麵都係遠近馳名，黎到深水埗當然要食啲童年回憶野食。想知道又靚又好玩地方，fai.lok.mode仲會係社交平台分享相片同攝影心得。    ______________________________潤牛麵  ( $36 )維記最出名就係豬潤麵，不過fai.lok一向好貪心，都會食雙餸，因為牛肉都係非常出色，豬潤同牛肉都好多，麵同餸個份量都好多，fai完全係食得飽，個湯清清，但好有豬潤味同落左幾片薑。潤牛通  ( $36 )通粉係lok至愛之一，食潤牛都唔會放過。

每次途經深水埗，都必然要到維記幫襯下，由細食到大，味道依然都係一模一樣，佢既豬潤真係好滑無得輸（絕對係搵唔到第二間做得咁好食)，飲埋個湯(精華所在清到呢…)回味無窮!

每一次做嘢做到燥燥地， 都會諗下去不同的地方食好嘢， 但係通常都會諗到去深水埗食豬潤麵。於是乎今日就襯午餐時間有個空檔， 去深水埗順便買野。去到維記排隊既人唔多， 一坐低就叫咗一碗潤牛麵， 凍檸茶。 其實我一路以嚟都發覺一樣嘢 ，豬潤面的濃度會因為唔同時間唔同舖頭有唔同， 有時淡啲有時濃郁一啲，而我就鍾意比較濃郁嘅。 雖然出品嘅水準好唔統一 ，但有其實體現咗小店嘅獨特性， 唔會好似連鎖店咁樣一式一樣， 多咗一份人情味喺度 ，而且佢好多年都係賣緊三十幾蚊一碗， 都冇咩點加價， 我當佢係良心小店㗎啦。

去深水埗，就會想起豬潤麵，佢個湯真係十分之好味，而且30幾蚊份量勁足。男人食一碗都好夠飽，我就當然係食唔晒啦。本來我想食麵架，但係依排自己個肚唔係咁舒服，所以都係改食米粉，試D消化。凍檸賓係同老公2份飲的。豬潤真係好好味，尤其係佢個湯，就算我食唔晒個米粉，真係點都要飲番半碗湯先得。係真係自己飽到漏咋，如果唔係，我真係想飲晒成碗湯架。依間野係唯一一間我食麵會飲湯的舖頭，其他你話乜牛腩麵丫，拉麵果D都好啦，我對佢地既湯完全冇興趣囉。老公叫既豬潤牛麵，老實，我就咁睇係分唔到邊D係豬潤邊D係牛肉。但我見都幾多人叫潤牛麵的，所以應該除左豬潤，佢既牛都出名掛。我地都晏去，好似都成2點幾先去到，所以都多位坐。但搞笑係我地坐底冇耐就越黎越多人；跟住見D阿姐落單又唔會寫紙字，個客講完食乜，佢地就大叫入廚房，跟住出菜時，一杯飲品或一個麵可以放落枱4,5次先中。又難得D人都習而為常，食物落枱後都望清楚有冇錯先動手，有錯即叫阿姐佢地即拎走放係另一張枱。咁既服務，真係依D老店先做到

維記的咖吔西多士🍞🍯🕺🏿✨暫時係我食過最好食的咖吔西多士呢😍✨佢同出面炸嘅港式西多士唔同食落油膩感少啲麵包好鬆軟 蛋香味好重❤️✨佢地的咖吔好似係自家制的😍入面咖吔好多好夠!同西多士真係好夾好正😍✨加埋糖漿 完美的邪惡下午茶😈✨維記招牌潤牛麵湯底好重姜味 好濃郁的湯底不過好像退步了原來已經開咗三間分店🕺🏿🕺🏿鋪頭長時間都出現人龍✨大家可以睇吓邊間小人啲決定排邊間👍🏻三間係分開排的

今日經過個時見入面唔係太多人，就入去再試多次會唔會好過上次個次個餐啦。入到去見到有幾個自由行旅客拉住篋食緊，之後仲有D街坊食客。可能因為下午茶時間，侍應都比較空閒，冇催落單。咁我今次就叫左個潤牛麵($33)其實經歷過上次個碗血污通粉，都有心理準備賣相係麻麻地架啦，但今次D碗黎到真係打左個突，仲差過上次係想點呢?血污同浮泡D基本野應該要處理嘅就唔講啦，點解我叫麵會有米線出現呢? 我明白茶餐廳出品最緊要快，但都唔洗咁隨便，尤其是現場明明唔係話忙到甩轆。豬潤同上次一樣唔好食，唔爽口，牛肉又鞋口。如果大家慕名而來，竟然係食到咁嘅質素，咁嘅出品。我相信唔單止我，任何人都會好失望。

黎到深水埗, 當然要幫襯一下維記!一碗外樣不揚, 全無賣相可言的豬潤牛肉麵, 極速送到.飲口頭啖湯是理所當然吧! 由薑酒,豬潤,牛肉混合而成的鮮甜味在口腔內打滾個人眼中豬潤,牛肉,麵都是次要的, 因為精華已經滾晒入個湯度.豬潤同牛肉都偏鞋口, 證明湯汁鮮甜味源自新鮮食材, 簡單用薑酒辟腥已經十分足夠!再者豬潤水+牛肉嘅鐵質對小姐們來說是很好的,大家也懂 ps. 諗極都唔明點解唔出埋湯飯 ?!

久不久就會嚟排下隊，無他，三十零蚊一個麵仲要幾好食嘅冇乜選擇唔知佢點整啲猪潤可以唔鞋(阿媽煲嗰啲猪潤湯啲猪潤又鞋又硬), 個湯底清得嚟佈滿猪潤微粒，次次都飲晒，但好似冇以前咁濃猪潤味同咸咗少少餐肉就薄咗，以前一塊頂家下兩塊咁厚，但仍然煎得好香咖咉西多依然正，滿口蛋香配清甜嘅涵真係掂；記得第一次食嗰陣走去加糖膠攪到食唔倒啲咖咉味，on居後記：想食又唔想排隊就下晝5點後去吧，有吉位添，但好似收夜晚7點；前面提到質同量都稍稍下降，希望佢keep住

閒日下午14:00不用排隊，點餐後不足兩分鐘立即熱辣辣送上！潤牛麵：豬潤同牛肉都好滑！湯底好夠味！麵質適中！毫無瑕疵！熱咖啡：夠熱夠滑！不過比較淡！總結：咁多人排隊當然有佢嘅原因！

第二次去幫襯 今次11點15分去到去到都要等一陣位 真係好多人去食的!!豬潤牛肉通粉好好味啊又大碗喎但牛肉真係韌左少少囉.豬潤牛肉出前一丁唔錯唔錯 都係好大碗的但牛肉真係韌左少少囉.咖央多士 好吸引啊成塊麵包都充滿蛋黃的味道好正!!!必食啊!!!

老朋友，好久不見了！不用上班的日子， 最好當然是出外吃吃喝喝。這一天太太也剛好休假半天，就相約來一探這老朋友。下單的時候，說要咖央多士。侍應問：「要咖央多士還是咖央西多士？」「咖央多士是一塊麵包，咖央西多士則是兩塊麵包。」用這點來分別，實在有點難解。這不是最大的分別吧？既然牆上有貼圖解釋，各位還是看圖會更快識字吧。對了，就是這令人懷念的味。咖央多士是烘多士上塗上咖央，沒有蛋醬，不是西多。厚厚的咖央不平均的塗在中央，美味。很久沒喝過煲檸樂，來到的時候還看到剛滾好的水泡。天氣冷，喝這個，說不出的暢快。潤牛麵來了，和勝香園不同，雖然裡的湯我也是會喝的，但勝香園我喜歡通粉和湯一起吃的快感；這裡則是麵比通粉好，因為湯底較清，配公仔麵，再和湯分開會比較好。豬潤新鮮爽口，卻又帶點粗獷，沒有太熟或很粉的感覺，和滑牛一剛一柔的配搭，很好吃。我一向喜歡豬潤水，這裡的豬潤湯，鮮甜中帶強烈的薑味，你也會隨便找到幾條薑絲，喝一口湯，再吃一下薑絲，喉頭一暖，說不出的暢快。意猶未盡，一場來到，就再多要了一客咖央西多士。新鮮蛋漿炸出西多士，兩片麵包中央的咖央也很多。加一點糖漿，也是好吃的。但和咖央多士比較，我較為喜歡

原本去長發，吾知是太早，還是假期，長發沒開，於是到維記。因為12點前，用等太久，便有位。潤牛麵 x 2 - 必吃！說真的，差極也不會難食。今天潤較硬，牛肉也不太滑，失準..但都好好味枷央西多x 1 - 今天的賣相不好，估唔到最好食的一次。有蛋香味，少量枷央，這才好味。過去太多枷央...蓋過蛋味和太甜凍咖啡、凍檸茶 - 一般不死長龍必有原因，街坊飯堂、深水涉/長沙灣....地鐵線訪客，慕名者更多不勝數，不能保持水準，就很快便bye-bye！其實多一點心思和誠意，客人必定吃得出共82元

由於要到石硤尾聽talk，所以專誠來到深水埗搵食，雖然以前係九龍塘做野時，成日都會落去呢邊食，可是咁耐以黎，都未試過係維記食lunch，同事提議到此，十分開心可以好快食到美味既豬潤。今天太幸運了，唔駛等位就可以即刻入座，可能因為已經點半了。同事叫了蛋牛麵，我就叫潤牛麵，黎得呢到點可以唔食豬潤架，話哂最出名就係豬潤，但點解同事唔食，佢話太高膽固醇，但偷食一兩舊就無問題，哈哈。那碗潤牛麵當然非常好味，豬潤鮮嫩滑溜，無渣無根，加上薑汁同煮，辟去了腥味同燥味，牛肉煮得唔會靱，牛味十足。而且湯底已溶入了牛肉及豬潤的鮮味，令我連湯都飲埋，可是公仔麵的麵質始終唔好，如果可以連麵質改埋，一定無得頂。蛋牛麵的牛肉都係非常鮮嫩美味，而且那隻煎蛋有燶邊，可以盡吸湯的鮮甜味道，令普通既一碗麵都有咁好演繹。另外還叫多了一份咖央西多士share，西多是用煎的方法去整，所以沒有一般的油膩，而且在內早已加入了咖央醬，多了一份甜味，並且有非常濃郁既蛋香，可是略嫌煎的不夠火喉，而且唔夠多咖央醬，但整體都是好食的。這裡的麵份量足，食落唔似一個麵餅份量，應該有個半既份量，連一個男仔食一碗麵都有可能夠飽。更多資料：http:/

難得男友主動「獻計」話想食我覺得聽落「好佬」的潤牛麵，從未試過係深水埗食野既我又豈能不奉陪到底呢？揸車話咁快黎到福榮街，除左見到有好多警察係度抄牌之外我仲發現原來維記有成三間鋪咁犀利，有兩間既門口仲有人龍，心諗大熱天時係深水埗都有咁多人願意熱住等，莫非真係人間美味？泊好車後我們立即去到「元祖」店排隊，我問點解唔去無人排個間，噢，原來個間無冷氣供應的，難怪難怪。我地排隊既位置啱啱係間便利店出面，好多人出出入入攪到我覺得唔好意思，好似阻住人地做生意咁好彩條人龍去得好怏，大若10分鐘左右就有位。維記原來無提供ABC或常餐架，我地叫左凍奶茶、咖央多同潤牛麵。食物好快到，阿嬸面對咁多客人咁多單都不慌不忙，見我地兩個人卻只叫一個麵亦無up sell 我地叫多d野，而且醒目遞多一隻碗，整體感覺無澳牛咁催迫，唔錯唔錯。地方尚算乾淨企理，奶茶夠茶味之餘唔會太苦澀而且有奶香。咖央多就有d失望，火喉是控制得唔錯既，兩面都有焦香，不過一咬落去好糊口，無椰香味，麻麻地。「名物」潤牛麵終於黎喇，成個碗邊掛住個d豬潤既物質，感覺好似好堅，我細個都成日食豬潤飯既，所以我接受得到只不過當知道膽固醇含量強勁加上以家無咩地

之前係深水埗實習偶然都會黎食下，自從實習完左之後都無黎過，我之前食第一次既時候已經同我媽咪講話要同佢黎食，直到今日先黎到一去到發現竟然要排隊...我之前次次黎都唔駛，可以因為今日星期日啦，條人龍無停過，係keep住有人加入的，大熱天時咁樣排法都幾辛苦，好彩排左 5-8 分鐘到就有位啦叫左:豬潤麵/潤牛麵"講黎講去佢吸引既原因都係因為個湯底姐，但真係好正，不過我覺得今次已經比我之前黎淡左，但媽咪都話ok喎，夠濃味D豬潤好在切得夠薄同埋入味，平日食個D會無咩味。不過D麵就麻麻地啦，好淋一D口感都無，而且幾乎係無咩味的，下次都係要米粉好過咖央西多"呢個係我第一次食，我自己就幾鍾意啦，因為我覺得佢好香蛋味，我最鍾意食蛋架啦 =)而且佢感覺一D都唔熱氣，D咖央醬唔會過甜，剛剛好咖啡"都OK啦，因為佢好濃味的，但就好似酸左少少，可能我唔係咁慣啦，但都覺得好過一般茶餐廳個D佢都唔會有好催你走既感覺，不過你見到出面咁多人排隊，都唔好意思阻住人地做生意，所以食完就拿拿聲走人