澐

營業中

休息中

父親節揀咗呢間餐廳慶祝，餐廳好細心，驚父親節多人，上菜等得耐，早一星期問我會唔會落咗單先。當日嚟到，餐廳環境好靚，好闊落，感覺好舒服，屋企人都好鐘意。待應同我confirm咗一次之前落嘅點心，好快就有得食啦！點心賣相好靚，味道都唔錯。春卷入面包住蝦，味道冇想像中咁豐富，略嫌單調咗少少。嚟之前好期待試嘅鮑魚！每隻切開咗三片，食落去好鬆化，唔錯。釀蟹蓋足料，有好多蟹肉，值回票價。炒飯都幾香口，份量合理。甜品味道一般，不過上菜時好靚，打卡必點。特別欣賞佢嘅點心／菜式叫一碟以上可以按人頭叫，咁就唔怕多咗幾件浪費，大家都可以試到。整體嚟講，成餐飯都食得好開心，員工態度好好，食物有水準，值得一試。

爸爸係一個非常傳統嘅人，生冷野唔多食，最鍾意就係中菜！有朋友去過澐話佢中菜高質，又難得有釀焗蟹蓋，一於就book去同爸爸慶生～ 因為我遲左book所以窗口位冇哂，中菜廳空間感十足，落地大玻璃設計令中菜廳好光猛，而且裝潢同擺設好有氣質，枱與枱之間相隔得遠而且環境寧靜，坐離窗口一兩排都唔會太差~ Service認真一流，侍應貼心有禮貌，最surprise係見到侍應係set檯時出動蒸氣燙斗燙直檯布，非常認真！Order左四款點心，全部都非常高質，爸媽都讚口不絕。唔好見個焗菠蘿叉燒包個樣普普通通，皮超脆，個包超軟，而且叉燒餡料熱焫焫，係我食過嘅Top 3！黑魚籽金巢香酥帶子芋角有着燒賣嘅外貌，酥脆嘅口感，香口而不油膩，必試！香焗鮑魚叉燒撻嘅鮑魚有啜口，叉燒餡料配曲奇撻皮超正！澐裳金箔鮮蝦餃皇一籠有四粒，加金箔豪氣十足，個皮再薄就Perfecto~杏汁白肺湯絕對係功夫之作，奶白嘅湯熬左好耐，遠處就聞到好香嘅杏仁味，豬肺好嫩滑，好味又養顏。金湯海明珠係令人驚艷勁一道菜，鮮燈色幼滑而清甜嘅南瓜蓉下蘊藏左嫩滑嘅蒸水蛋，加埋面頭隻又大又爽嘅蝦，有視覺同味覺嘅衝擊，好後悔抱住試吓嘅心態淨係order咗兩人

之前去開亞洲博覽館AWE做野，開完會就已經午餐時間，見到呢間高級fine dining中菜館就想去試下。入到去見到180度既海景，視野好廣闊，枱同枱之間好闊落，啲擺設同餐具都係高級、貴氣，整體感覺都好舒服。入坐後侍應會先倒温水落去客人面前既玻璃杯，入面放左一次性壓縮毛巾，當吸夠水就可以用黎擦手。澐裳金箔鮮蝦餃皇（$68），好精緻有食用金箔係粒蝦餃面，皮夠薄咬落去係彈牙既蝦肉餡。滿園花菊脆春卷($60)，呢個一上枱有驚喜，賣相好精緻，無諗到個春卷係甘用功夫既造型，真係成朵花甘，炸到好香脆，但偏淡。蝦乾啫啫芥蘭煲($168)，爽脆芥蘭配上大大粒蝦乾同少少辣既醬汁，好惹味！個人最鍾意係秘製XO醬炒蘿蔔糕，而家好似新menu無左，但我覺得好好味，蘿蔔糕既每面都煎到焦香，咬落食到一條條好香既蘿蔔絲同臘味，唔會太削同淋，希望會再出返！澐·NUVA而家暫停營業左一段時間，希望之後有機會再食返。

抗疫工作關係，朋友同事介紹下一試位於亞洲博覽館2/F既中菜廳環境雅致舒適，望住180度既海景，食起上泥真係特別賞心悅目侍應生服務好有禮貌好細心咁幫我地拉椅又不時加茶水呢度既茶有出面比較少有既菊普同龍丼芋角金巢炸得好鬆脆 乾爽不油膩👍墨魚籽，鮮蝦，芋泥出奇地夾帶子味唔會好特出金箔顯得特別矜貴原隻鮮蝦彈牙爽口灌湯餃必試皮薄足料上湯好清，飲落一啲味精味都冇海盬燒鮮鮑魚椒鹽感覺鎖住鮮味，鮑魚唔會咬不爛已經好少酒樓食到既懷舊金錢雞工序繁複，大啖啲一口放落口中上層馬蹄青瓜中和中層雞肝油膩感下層掛包索晒蜜汁鮮味 ，回味無窮疫情關係分枱進餐，侍應幫我地分好晒每人一份份量，非常用心!用料認真叉燒用上黑毛豬，炭燒味香肉質滑唔痴牙流心蛋用上初生雞蛋，蛋汁流出泥撈埋落啲飯到好治癒職員有折扣埋單每人$300左右做野咁辛苦嘆住靚景食飯啲好野慰勞自己簡直係苦中一點甜

一班人出開機場就成班人來左博覽館哩間新開嘅中菜試下．訂座超好服務～一來就被安排坐係無敵大海景位...  可以一邊食景一邊食飯, 哩餐真係無憾~咁啱今日天氣又超好, 對哩度第一印象可以話係滿分~一坐低見到枱上面嘅餐具,  真係超級襯個主題, 忍唔住逐個餐具欣賞, 設計師真係好有心思~之後, 餐巾有人幫我鋪, 茶有人倒埋, 餐牌上逐道菜解釋, 連牆上畫都介紹埋, 服務可以話五星級水準. 最後, 我地決定試d 佢地特色嘅菜式 哩個叉燒真係做得好好, 佢用左半肥瘦豬肉, 有咬口得來又有油香, 最最最重要係即場有炭燒效果, 放落口個炭燒味stay好耐, 一時難忘~做得好過出面叉燒做主打嘅中菜廳好多~哇~ 哩個咕嚕肉真係夠架勢, 冰鎮出場~ 外冷內熱, 外脆內軟, 簡直衝擊味蕾, 回頭之選!!!!哩個雞皮脆肉厚, d核桃好有心思, 連伴碟都處理得好到離譜...第一次試香酥鴨, 哩d咁地道嘅菜式係香港真係好少見, 哩個初體驗令我有d意外,芋頭同鴨一齊食原來都幾match, 可能菜中段時間先來, 都幾飽肚~lunch 食金箔, 好似魚翅撈飯咁奢侈...但食中菜蝦餃係必叫架嘛~ 一啖放落口, 皮彈蝦鮮,