石一燒 (富多來新邨一期) (已結業)

位於大角咀的一間小店石一燒，是我一直都想去，因為很久以前有朋友問我香港石燒的推介，我才知道灣仔一間石燒餐廳結業，在網上找到石一燒後就一直很想去試試看。 餐牌有好多不同款式的牛，加20元或30元便可升級做定食。 足料的櫻花蝦湯，令味噌湯更具鮮味。 沙律菜爽脆，加上麻醬同蟹籽，開胃前菜。 白飯上有飯素，不會太單調。 點了兩款牛食，用石板燒令肉受熱更均匀，可以鎖住肉汁。 澳洲和牛牛板腱 店員有建議燒的時間，每邊20秒或1分鐘，燒好後灑上調味料已經好好味，牛板腱脂肪分佈均匀，入口溶化，肉汁豐富。美國頂級牛小排 牛小排燒較有口感，肉味較濃。 沒想到最後會有甜品，自己調教綠茶粉，開水然後慢慢攪勻，最後淋上雪糕，綠茶味濃而且甘香，有驚喜。 總結非常滿意，除了食物質數，特別讚賞女店員整晚忙過不停，帶位、介紹、上菜，收錢一個人完成而笑容滿面，厲害。

幾時都話行去唔熟悉既地方，反而會更容易發現到好野食！今日就黎大角咀依頭行下，見到有間專食花崗岩石板燒既燒烤店。見到舖入面既人燒得咁開心，就衝左入去。小店座位有限，如果唔想等位最好早D黎或者BOOK定位。我地星期日7:30黎到，好彩坐到最後一枱唔洗等。MENU上大部分食物為單點，另外可加$20/$30升級為定食。由於我地太餓，今次選了一款牛肉、兩款豚肉 (4oz好夠2個人食，另有8oz)，並升級至極級岩石燒定食。有沙律、麵豉湯、白飯、甜品、飲品。非常豐富！食過沙律後，店員上麵豉湯之時有解釋湯入面會加入櫻花蝦，詢問我地會否有海鮮敏感，好細心。加入櫻花蝦既麵豉湯比一般的更香，加上一份特別。肉類擺盤精美，好岩打卡。店員上菜時會用心介紹每款肉的食法及燒烤時間，好仔細，唔怕燒過龍。花崗岩石板比起一般鐵板燒爐厚身。聽店員講臨上餐時會先放入焗爐燒熱，令石板受熱。咁樣石板溫度更均勻，燒煮肉材既時候就可以鎖住肉汁。預先用脂肪擦過花崗岩石板上有少少洋蔥同胡椒，就算本身無調味過既肉放落去燒，就咁食都好正。另外，每張枱上放左自家製幾款鹽，可搭配唔同肉類。(自家製鹽、喜馬拉阿海鹽、柚子檸檬鹽、胡椒同七味粉) 個人

大角咀舊區因租金較一般區份便宜，吸引了不少大小食肆進駐其中，近年成為了一處覓食的好地方，但大都只集中於某幾條較暢旺的街道上。今次來到鐵樹街富多來新邨一帶，平時比較少到這一邊，雖然地處較偏僻，但原來小區內亦有不少日式食店和餐廳，而其中一間石烤燒肉專門店，門外搶眼的黑白色燈箱，很有日式小店味道，吸引了筆者的注目。望望店外的餐牌，小店主打岩石燒肉，日本和牛、澳洲和牛，日木活性水飼育豬、西班牙橡果級黑毛豬，澳洲羊扒和各款海鮮皆有供應，正是麻雀雖小，五臟俱全，而且價錢一點也不貴，按重量一份份的點大都只是百多元有交易，以日式燒肉店來說，價錢算很貼地，遂決定入內一試。店內面積不大，雖只有五至六張枱左右，但又不會覺得太逼窄， 裝修簡樸中帶點日式西餐的風格，環境亦算舒服，小店就是有著這種特別的風味。我們點來了一份澳洲和牛牛板腱，一客日木活性水飼育豬梅肉，還加了錢轉為套餐定食，另外加一份一口甜薯作為餐前小食。一口甜薯，一般的日式食店大都以蒸煮處理這種日本小紫薯，而這裏的大廚卻以天婦羅做法，將小甜薯裹上薄薄脆漿炸脆，入口先酥脆後粉甜，番薯香十分濃郁蜜甜，比一般的天婦羅番薯片還要好吃，頗有驚喜。套餐定食包括沙