The Big Things Noodles (已結業)

下午茶時間經過見到food court 見到個菜式非常吸引~ 再加2位既好服務態度staff 介紹所以就揀佐食宜間可能本身都係做服務行業，所以見到係Food court都竟然有Staff 咁友善，真係值得加分。1: 見到我地望下望下，就介紹佢地signature dish2: 見到我地2個人 會自動自覺俾2份餐具 (的確係想2個share食下，之後再叫其他餐廳既野食。解決天秤座既選擇困難) 濃厚海膽稻庭烏冬 忌廉好重有淡淡既海膽味，即使每一條既烏冬都沾滿海膽忌廉，都仲係覺得有啲淡香海膽。(係要細味甘咀嚼先會有) 烏冬上面佈滿佐魚子同一舊海膽 (應該係加拿大海膽)

放假同好姊妹去K11 Musea shopping, 再去咗food court食個lunch, 勝咗選擇多, 又唔洗加一。兜咗個圈, 還是決定食呢間烏冬, 記得上年11月已經幫襯過, creamy嘅烏冬令人食指大動。相隔大半年, 價錢稍有微調, 仲多咗少量小食選擇。每款食物都有係menu上列明食材,我地各order咗一款烏冬, 店員比咗個取餐通知機我地, 響再去取餐, 而店面附近都有唔少位可以食, 午市時段算係易搵位。約十分鐘左右就可以取餐, 【濃厚海膽稻庭烏冬】HK$142賣相依然同上年食過嘅冇差別, 稻庭烏冬質地偏林, 每條烏冬平均掛滿鮮橙色海膽汁, 入口creamy, 但對比上次食, 忌廉味冇咁出, 食落冇咁膩; 面層大大粒海膽係夾得起, 鮮味十足。伴有些少三文魚籽, 間中夾集同時入口, 隱約有點魚香。至於另一款就叫咗【泰北冬蔭虎蝦稻庭烏冬】HK$108賣相果然很泰式, 除了三隻虎蝦, 配有嘅調味食材都係視覺上突顯泰國風味。虎蝦爽彈, 將烏冬夾起mix埋, 陣陣冬蔭味散發濃郁, 同樣每條烏冬都沾有汁醬, 冬蔭嘅酸辣口味令人開胃, 辣味很足。

星期日同男友拍拖拖, 我地鐘意去K11 Musea行街, 因為我地有app, free parking 1小時同埋我都幾鐘意個商場, 好闊落, 成日會見到d空氣消毒霧化機行嚟行去, 感覺乾淨同衛生重點呢度係寵物友善商場, 可以帶埋我隻寶貝一齊行街涼冷氣呢度嘅食肆都多, 起basement 果層都有不同種類嘅食物, 係foodcourt形式假日人多就要等下位今次想試The Big Things Noodles, 因為早前起IG見到吉烈玉子燒三文治而吸引咗嚟試其實佢地嘅signature係烏冬, 所以都點一個來試試看嚟之前突登望過佢地menu, 本身想食鮑魚烏冬, 點知原來期間限定過咗了所以下次見到想食, 就要盡快嚟啦~而最近嘅期間限定係擔擔冷稻庭烏冬, 不過古板的男友覺得鳥冬係要襯返日式食材喎所以點了 濃厚海膽稻庭烏冬 $142, 加$10換埋OOHA滿滿橙色的海膽濃汁, 撈均每一條鳥冬, 好夠味道不過海膽只得一件, 如果份量再多少少會開心D稻庭烏冬都算彈牙, 不過食到尾有少少淋咗, 可能D汁一直醃住條烏冬而小食我地叫咗3款當然唔少得我最想食的 吉烈玉子燒三文治 $58另外2款是煎餃子

自上次發現原來K11 musea B2係有好多嘢食，今次就試第二間，係好吸引嘅麵食店😎😎吸引在全部麵都好有特色，有特別嘅口味同元素，連素食都有，就好似總有一樣啱食咁🤔🤔濃厚海膽稻庭烏冬係稻庭烏冬、忌廉、海膽、三文魚子既完美配搭。成個烏冬口感creamy滑溜☺️☺️海膽味真係非常濃厚！將三文魚子均勻攪拌同啲烏冬一齊食，就會令到每一啖都充滿魚油香味👍🏼👍🏼吉列玉子燒三文治有驚喜！吉列玉子，非常非常非常厚，甜甜地。由於玉子表面有吉列炸皮，令到成件三文治增添左少少焦香，脆口嘅感覺！口感同味道層次比預期更豐富！好食！煎餃子，配柚子汁個柚子汁酸酸甜甜，幾開胃