富士山55 (拉麵沾麵專門店)

營業中

休息中

呢間富士山55係黎自名古屋既沾麵店～黎到緊係要食沾麵啦🤤呢度既沾麵都幾客製化，有得揀軟硬程度，仲有得走蔥走筍。另外最特別既係，呢度有個芝士雜炊！鍾意食芝士既一定要嗌！日本人好似好鍾意食完拉麵/沾麵，再嗌個飯撈埋落個湯到食，呢度既芝士雜炊就係佢地既湯黎煮啲米，再加上芝士，絕對係一餐完美既終結～1️⃣濃香櫻花蝦沾麵（$98） 好特別既係，呢度既沾麵湯係用個石鍋上既～啱啱上枱既時候，見到佢仲滾緊🤤下面一路有火熱住，咁就唔驚食到尾啲湯汁會凍曬。麵條係偏粗既，食落口係好有彈性，亦都掛汁，個櫻花蝦既湯汁好濃稠，個人鍾意偏重口味就覺得好正😋佢既配料有兩片叉燒同埋半隻蛋。叉燒偏薄，同埋都有啲肥，蛋就有啲過熟，冇溏心效果。  2⃣️日式芝士雜炊（$36） 係其他沾麵拉麵店都冇見過有得食！芝士飯食落有啲似risotto 咁既feel，食得出有用魚介湯底熬煮出黎，味道唔會太過濃稠，芝士有拉絲效果，食落唔會太過膩。而且佢用石鍋上，擺一陣先撈勻佢，個邊邊有啲飯焦～👍  

📍富士山55 @ 尖沙咀ღ 辛辣沾麵 $93ღ 濃香櫻花蝦沾麵 $93ღ 名古屋醬油黑椒雞翼 $32/3隻受朋友推薦而試 但水準差咗(╥﹏╥)(好似話以前食完可以加湯一路滾住嚟飲)湯底夠濃 麵條偏粗身夠掛湯嘅奈何所有配料都唔係幾掂😟特別係塊叉燒 真係太薄好易爛～溏心蛋就唔夠流心 又唔夠入味啊～而個雞翼都真係似名古屋食到嘅味 炸得香脆稍嫌醬汁太鹹 要配啤酒就一流啦回頭指數😼2/5（喺尖東想食拉麵嘅選擇 ಠ_ಠ

第一次係香港食沾麵就係係富士山55，不過係銅鑼灣店，都三年幾前啦，原來銅鑼灣店已經執左，依家得尖沙咀有得食。個陣食完覺得好滿足好好食，仲有得整雜炊食，前幾日係尖沙咀剪完頭髮後搵下附近有咩食，見到有富士山55，就過黎食拉麵啦，不過我地食完有啲失望😢我叫左柚子沾麵 ($88)。唔係等左好耐就有得食都幾好，先上左拉麵湯同叉燒，再等多陣先有拉麵🤣枱面好細，但要放三碟野係到🤣拉麵上面舖滿蘿蔔片，沾上柚子豚肉湯食，我覺得個湯都重柚子味，但係唔夠濃。叉燒有兩塊，食落覺得硬左啲，拉麵我揀左正常硬度，但係食落我覺得偏硬咗少少，整體嚟講我覺得麻麻地。老公叫左濃香櫻花蝦沾麵 ($98)櫻花蝦湯好香，面頭都灑上好多櫻花蝦，睇落好似好正咁。老公話個湯都OK濃(不過一生懸麵嗰個好食啲🤣) 叉燒同埋拉麵都一般，不過不失，但係佢話啲筍唔好食，有一陣味，日本拉麵店既筍係唔會有呢浸味喎，所以佢一直喺香港食拉麵都走筍(除咗去食一生，個間冇呢個問題)。店舖方面入面唔算大，有可以坐bar枱或普通枱，裝修方面其實都好似日本拉麵店，就當自己去咗一次偽旅行，不過冇下次了😢.

📍富士山55 (拉麵沾麵專門店)📮尖沙咀麼地道75號南洋中心地下7-8號.餐廳位置係小巷, 唔係有心去都有機會會miss左留意唔到😅店既size唔算大, 大約坐到20人左右, 所以有時經過都會見到條小人龍.小店主打沾麵, 而我本身都鐘意食沾麵多過拉麵, 因為沾麵個湯通常都比較濃味, 岩晒我呢啲重口味既人😗.濃香櫻花蝦沾麵🍜HKD93湯底濃郁, 佈滿滿滿既櫻花蝦, 令成個湯更香😌粗粗既麵條食落彈牙, 沾埋個濃濃既湯底拎返上黎果陣帶埋啲櫻花蝦上黎一齊食, 口感豐富, 一啖入面有齊濃湯, 麵條同櫻花蝦😍叉燒不過不失, 糖心蛋味道唔錯, 細心位係個湯下面有個小火爐, 可以keep著湯底既溫度👍🏻食拉麵食沾麵湯底既溫度都好重要.呢度時不時有啲seasonal既拉麵, 例如夏天有柚子味, 偶爾又有海膽沾麵, 鐘意試新野既朋友仔可以留意下.整體環境💭💭💭好味道：🧑🏻‍🍳🧑🏻‍🍳🧑🏻‍🍳🧑🏻‍🍳🧑🏻‍🍳服務態度🤵🏻🤵🏻🤵🏻🤵🏻性價比：🧐🧐🧐🧐回頭基率💫💫💫💫.#nonstopeatingdiaryjapanese #nonstopeatingdiary日本菜 #nonstopeatingdiaryra

極度重口味之選！家人之前同朋友食過沾麵之後，覺得幾好味，所以今次帶埋我去再食多次。呢間日式拉麵店裝修好有日本風情，入到去感覺好似置身喺日本當地去食拉麵咁樣，冇得去日本就留喺香港食沾麵啦。濃香櫻花蝦沾麵$93- 通常食日式拉麵我都好鍾意食味玉，所以今次加左半熟蛋$12，果然冇令我失望，蛋黃做到糖心狀態，醃得到相當入味，又唔會蓋過本身濃郁嘅蛋黃香味，推介！叉燒豬肉大塊，好淋，唔會太肥膩。櫻花蝦嘅數量多得驚人，蝦乾仲多過啲湯咁。不過就係因為咁，所以櫻花蝦香味好濃郁，真材實料。可能我好少食沾麵，唔係好習慣偏鹹嘅湯底。而且拉麵定價偏高，應該都唔會成日嚟食，間唔中朝聖一下就算。

吃過很多間沾麵，富士山55算是比較特別的一間。所以每隔一斷時間就會再食。這間拉麵店標語正宗名古屋風味。(未去過名古屋，所以唔知係咪正宗。)他的人氣菜式是特濃豚骨沾麵，因為前幾次都係食這個的關係，所以叫了濃香櫻花蝦沾麵＄88。 湯底仍然是濃烈的豚骨湯底，上面放滿櫻花蝦乾，味度十分配合。配菜有兩塊叉燒，半隻雞蛋，筍和青蔥。叉燒半肥瘦，味道尚可。雞蛋並不是唐心，有代改善。麵條軟硬適中，口感彈牙。可惜麵條是凍的，放落湯入面令到湯底很快變凍。提議麵條熱上，會令味道更佳。點內提供電磁爐為湯底加熱，很貼身的服務，解決湯底邊凍的問題。如果覺得一碗麵唔夠飽，誠意推介加日式芝士粥飯。點員會將你食剩的湯加上芝士撈飯。芝士加上濃湯，十分野味。 店內還免費提供辣味雪菜，味道頗辣，愛辣人士可以一試。

這天約了朋友吃飯～又來到苦惱去哪裡吃的時間( ﾉ^ω^)ﾉﾟ 不過朋友說想吃拉麵，那麼就簡單得多了。找找哪間未吃過去試就好最後選了位於尖東的這家拉麵店~位置比較少可能要等一會兒為節省時間，在店外等位時已經給了我們 Order紙 (´ヮ')沾麵和拉麵各有四款~還有一款的季節限定、兩款小食，再有一些配料可以加當然還有重點的「日式芝士粥飯」！！！湯拉麵常常都有機會吃得到，所以今次跟朋友都是選了沾麵 (*´・ｖ・)特濃豚骨沾麵 ($78) - 標準麵以沾麵湯底來說這個算是稀稠度適中，但略嫌湯底有點咸~豚骨味不太出雖然麵是算了標準~但好像是比較硬身一點呢半熟蛋倒是不錯的喔~ (▰˘◡˘▰)這裡有教沾麵的正宗吃法呢.. 稍微跟平時吃開的有點不同 .___.不同的地方是~如果沾麵湯凍了可以再加熱不過在我們桌的爐子壞掉了 (*ﾟﾊﾟ)最後在餘下的沾麵湯加芝士粥飯是店員幫我弄呢濃郁的芝士加上珍珠米，超惹味～而且還可以拉出芝士絲但是因為本身沾麵湯底較為咸身 (‘＝’；)所以這個芝士粥飯吃到最尾真的咸到要狂飲水(或者下次轉過別的湯底會比較好吧?)朋友則點了 - 濃香櫻花蝦沾麵 ($88)滿滿的櫻花蝦~我還以

富士山55 @ 尖沙咀來自名古屋既富士山55，沾麵係香港亦算係新潮流， 兩年前既富士山55招牌已經係沾麵，foodki當年岩岩開既時候都食過。但當時對呢間拉麵店好壞參半，覺得並唔係太好食，味道普通，嫌湯底死咸，豚骨味欠逢。而今次foodki經過尖沙咀就諗起呢間拉麵店，再入去試下有冇改善。點知進步好大，好食！當日大約1點鐘去到富士山55，門口無人等，但店內幾乎爆滿，得番一個位，就係門口位，咁foodki就好不幸地要坐係門口位。店內幾窄，大約20個位，幾乎要人貼人咁坐。因為係香港始終係新潮流，所以要教初學者食沾麵。自從foodki去完日本，食過東京麵屋一燈後，真係好鐘意食沾麵，香港既沾麵都食過唔少。但係接近一燈既麵並無出現過，一燈既叉燒真係超級超級好食，沾湯，清甜超級好味。店內有三位師傅認真煮麵，所以上麵都幾快，約5分鐘沾麵就黎到foodki口前。店內員工純一著顯既富士山55衫，團隊精神～～～濃香櫻花蝦沾麵(8.5/10)$88麵質 -沾麵常用既粗麵，軟硬適中，掛湯能力極佳。將麵放入沾湯，每次都會除豚骨濃湯外，亦沾上櫻花蝦，令口感更多層次，好食！叉燒 -肥瘦比例岩岩好，厚度適中，煮得好軟身