影片
更多
2015-06-01
3038 瀏覽
睇個標題相信你都唔知小弟講咩，成語七零八落，意思喺唔整齊、零散嘅意思，但今晚嚟到BBQ 7080，就絕對唔喺零零散散，唔上唔落，而喺食得滿心快樂，同麵包班同學仔夫婦一行三人，眼見BBQ 7080近排晌食評榜排得好熱，點都要嚟會一會。一貫韓燒店嘅格局，所以，環境唔使多提，只喺內裡有好多牆畫，幾得意。又有個角落扮晒舊式韓國啲檔口，又喺影相位。朋友特別鍾情韓國菜，因為，前菜既好食，花款多，又有特色。先嚟一人一份「前菜」，有醬油凍豆腐、洋蔥絲、後者淨食或夾埋生菜，烤肉食都得。另外，仲有一齊共享嘅韓式泡菜、蘿蔔絲及豆角。泡菜辛辣爽脆，好好食，而最得小弟莫過於啲醋醃蘿蔔絲，淨食既能開胃，夾在肉中，可減油膩。點菜重任交晌老友兩公婆身上，因為佢哋對韓燒甚有心得。雖然有兩款二人套餐（$548 / $788），包多款烤肉、煎餅、炒粉絲、蔬菜拼盤……等等，計落其實幾抵，不過，佢哋都喺喜歡散叫，可以點晒啲心水嘢。經商議，烤什錦牛肉夠抵食，濟州黑毛豬又喺心癮想試，加份鰻魚及八爪魚串，烤肉就定好晒。由於一心一意嚟食韓燒，至於其他韓食，覺得未必需要晌度試，所以，試啱心水就夠喇！Dry Finish $30老友好啤酒
一貫韓燒店嘅格局，所以，環境唔使多提，只喺內裡有好多牆畫，幾得意。又有個角落扮晒舊式韓國啲檔口，又喺影相位。
朋友特別鍾情韓國菜，因為，前菜既好食，花款多，又有特色。先嚟一人一份「前菜」，有醬油凍豆腐、洋蔥絲、後者淨食或夾埋生菜，烤肉食都得。
另外，仲有一齊共享嘅韓式泡菜、蘿蔔絲及豆角。泡菜辛辣爽脆，好好食，而最得小弟莫過於啲醋醃蘿蔔絲，淨食既能開胃，夾在肉中，可減油膩。
點菜重任交晌老友兩公婆身上，因為佢哋對韓燒甚有心得。雖然有兩款二人套餐（$548 / $788），包多款烤肉、煎餅、炒粉絲、蔬菜拼盤……等等，計落其實幾抵，不過，佢哋都喺喜歡散叫，可以點晒啲心水嘢。
經商議，烤什錦牛肉夠抵食，濟州黑毛豬又喺心癮想試，加份鰻魚及八爪魚串，烤肉就定好晒。由於一心一意嚟食韓燒，至於其他韓食，覺得未必需要晌度試，所以，試啱心水就夠喇！
Dry Finish $30老友好啤酒，就陪吓大家啤啤佢，前後點咗3支韓啤，揀較Dry嘅一款（Dry Finish, alc 5%），貪其易入口，飲落又真喺幾唔錯喎。至於韓國真露、馬格利酒、梅花酒……等等，一樣有供應，睇睇邊一款又啱你口味！
烤什錦牛肉 $398（450g）一份有齊牛脷（前）、牛肋骨肉（中）、特級雪花牛肉（左後）及LA牛排骨（右後），抵死原因除咗一次過試到幾款烤肉外，更可以試到唔同部份嘅口感。
烤什錦牛肉（450g）
$398
55 瀏覽
0 讚好
0 留言
幾款肉都各有特色， 牛肋骨肉夠肉味，口感軟腍， 特級雪花牛肉則比較腍滑，又有較多油香，至於LA牛排骨入口厚身挺實，富肉香，反而牛脷薄切，個人覺得無咁理想，太薄無咗牛脷份獨特嘅爽口感。
牛肋骨肉
34 瀏覽
0 讚好
0 留言
濟州島黑毛豬五花腩 $168（180g）一客裁出兩件半，睇樣肥瘦各佔一半左右，但望見一大截肥肉有啲人可能已經有啲怯場，但朋友就如獲至寶咁款，小弟對肥肉無歧視，只會喺少食為妙而已。
濟州島黑毛豬五花腩（180g）
$168
42 瀏覽
0 讚好
0 留言
韓國烤鰻魚（韓國統營） $198（200g）初時以為「韓國統營」喺晌韓國嘅乜乜乜官方機構，朋友話喺釜山附近嘅一個漁村城市「統營市」，晌韓國人眼中，有着「東方那不勒斯」嘅美譽，真喺失覺晒！一客有4大件鰻魚，並附上烤鰻魚用嘅醬汁，好抵食。
韓國烤鰻魚（韓國統營）（200g）
$198
45 瀏覽
0 讚好
0 留言
烤大八爪魚串 $68（4串）初時都諗緊烤魷魚好，定八爪魚串好，最後揀個平平哋嘅八爪魚串，意外地咁好食喎。一客有4串，串串都插滿八爪魚，因為醃製過，所以色澤有點深。
烤大八爪魚串（4串）
$68
40 瀏覽
0 讚好
0 留言
埋單之際，送上少少韓國香口膠及糖果，聊表心意。
雖然無叫啲飽肚飯麵煎餅墊底，但食吓食吓啲烤肉都好見飽！今次韓燒，覺得最滿意都喺兩位朋友，因為，讓佢哋重溫舊年去首爾食韓燒嘅滋味。
張貼
