六小館

媽咪係中菜愛好者山長水遠去到東涌都想飲茶喺OpenRice睇咗幾間都係覺得呢間穩陣啲結果又真係樣樣都唔錯我地叫埋飲茶必食嘅蝦餃啲蝦爽日彈牙 個皮如果再薄啲會更好一定要記得叫辣椒油因為個辣椒油好好味另外見門口有張干炒牛河嘅相好似好正所以order咗 係好味喎 因為佢用咗寬啲嘅河粉 口感幾好淮山棉花雞都好味啲魚肚唔會林pat pat灌湯餃個味都好鮮甜有原粒瑤柱同少少竹笙美中不足係之後有啲口乾春卷都又脆又夠熱裡面全部都係蝦煎墨魚蝦餅都好彈牙啲員工都好有禮貌係張檯細啲 唔係好夠位擺

行山前 去飲個茶先🤗六小館座落在新開的東薈城6樓就去試試 唔係好多人排隊 安排坐在窗邊 天氣好好☀️🌞 望出窗外見到昂坪360 風景怡人 如天氣許可 坐在外面一邊飲茶一邊看風景 更好最like係 紅米蝦腸粉幾好食 皮好滑 不會太鹹蘿蔔千絲酥好香 好有口感棉花雞的棉花都算大舊 雞也好滑灌湯餃有蠟燭一直燒住來保溫鮮蝦燒賣大大粒 午市每人茶位$15 最喜歡的是 用膳後 服務員不會提供牙籤 但有獨立包裝的牙線棒提供 會再回來再試試别的菜式

送完朋友機之後返左東涌食晚飯，順便行下outlet。行到六樓見到一間叫六小館既餐廳，見到門口餐牌既二人套餐，價錢唔駛$300，所以入左去先。餐廳屬於半開放式，我地坐係藍磚胸牆旁邊，環境非常開揚。裝潢方面，時尚懷舊兼備。由於女友太想食鹽焗雞嘅關係，我地放棄二人套餐，改為散叫。古法鹽焗雞叫咗半隻，味道唔會死鹹，肉質幾嫩滑，唔算啖啖肉但唔會好多骨。另外用鹽焗雞既雞油作拌飯一流。野菌豆腐煲顧名思義有野菌同豆腐，其實仲有其他材料，豆腐野菌非常入味，略嫌份量比較細。蟹粉小籠包有我拳頭咁大，但外皮出奇地薄，充滿彈性但不會輕易破掉。邪惡的蟹黃油流曬出嚟，入面餡料啖啖都有蟹黃，非常鮮甜。灌湯餃入面包括大量豬肉餡，原粒瑤柱，鮮蝦等等，包薄不在話下，上湯同餃比例係1:1，上湯非常清甜，加唔加紅醋就悉隨尊便。以後大家行完outlet可以試下六小館，相信一定更加滿載而歸。