上海總會 (裝修中)

很少機會去上海總會食飯，因為要搭上搭上搭上搭先可以訂到位，只限會員嘛。一場嚟到梗係叫啲周圍食到嘅嘢先試到功夫。菜單係咁嘅： 前菜：燻蛋 、馬蘭頭 、脆繕 、醉乳鴿 、素鵝 、海哲頭 湯：火瞳菜膽燉雞 主菜：走油元蹄、 蜜汁火方、燻雞、 清炒蝦仁、炒桂魚絲、 火丁甜豆 澱粉質：蔥油伴麵、鍋貼 、素菜包 甜品 ：壽包 其實想揀一樣話唔好食都好難揀，要揀最好，我揀蜜汁火方。個蜜汁同火腿咸甜互融，加片響鈴夾在鬆軟饅頭裡，咬一啖，自己嘩咗一聲。 炒桂魚絲亦考工夫，起完肉仲要切絲，油泡到啱啱熟，唔係咁易。有人問，點解唔食鰣魚呀？鰣魚呢啲同榴槤一樣，唔係人人食，而且好鬼貴，大圍飯局都係commerical啲好。火瞳菜膽燉雞，睇清楚，鋪面的係一棵棵津白，唔好以為係翅，火腿好大條，隻雞好大隻。元蹄，肉一般，層皮不得了。另一個嘩點係蔥油伴麵，真係冇見過咁大盤，好香嘅蔥、好香嘅油、好香嘅蔥油，啲麵雖然腍咗啲，但係都好食。 預18人份量，最後16人，食剩幾個包，每位五百蚊。 有機會真係要搭上搭上搭上搭再去。

濃油赤醬本邦菜，簡單幾個字已道出上海菜的特色就是口味偏重偏甜；樸實不華家常菜。老板是正宗的上海人，每年也會帶我們一兩次到上海總會聯誼，每次聚餐也預備兩至三圍，好不熱鬧。他是這食店的常客，間中也會聽到他與此處的老伙計以上海話交談，未曾上菜已覺得突然"地道"。每次來這裡吃飯我都會感到好興奮，事實上老板細心，會不時為我們轉菜色，又不是天天都吃上海菜，況且好吃的也不會嫌悶吧。上海名菜多不勝數，香酥鴨、樟茶鴨、清炒河蝦仁 、紅燒圓蹄、糟溜魚片、四喜烤麸、高力豆沙等，今次就介紹其中一撮吧!燻蛋頭盤有四小碟，其實一味必屬同事叫好又叫座的燻蛋，賣相好吸引，鴨蛋表面有一層煙燻的淺啡色，橙黃色的溏心蛋黃引人垂涎三呎。輕輕咬下，半凝固的蛋黃質地黏而軟糯，夾集著很香的煙燻味，齒甲留香。素鵝不是乾煎那種而是以汁料燴過，故燻過的素鵝本身不脆但腐皮外衣和餡料較為多汁，伴以鎮江醋吃，好味。糖醋脆鱔炸得香口乾身又脆卜卜，糖醋味道適中，甜甜酸酸的減少油膩感，同時增進食慾。馬蘭頭百頁卷百頁捲著剁得極碎的馬蘭頭和豆腐乾，是個清淡爽口的前菜，馬蘭頭有種獨特濃郁的香味，略帶微微的苦澀，不是人人都喜愛的味道。這個是天下美味! 皆因

我作為一個為食的上海人，對上海菜的要求特別高。 有一陣子沒有來上海總會吃飯，環境依舊，但食物的味道真的大不如前。 我想這跟坊間不斷湧現各式各樣的上海餐館不無關係。四冷盤： 怪味雞 ﹣ 還是不錯，但略嫌咸了一點； 始終不及上海老飯店 熗虎尾 ﹣ 一個很有特色的菜， 我想全香港只有這裹才吃得到 燻蛋﹣ 過得去 牛筋牛塊 ﹣ 味道好，但沒甚麼特別主菜： 清炒蝦仁的﹣ 可以 蝦子大烏參資﹣ 烏參非常厚身，且味道一流 火朣雞燉大排翅 ﹣ 原本已立下決心不再吃翅， 但是晚失手，愧疚萬分 更可恥的是。。。這個火朣雞燉大排翅當晚做得異常出色，真的令人再三回味! 滷水炸乳鴿 ﹣ 生怕胆固醇超標，我居然沒有試這道菜 清蒸河鰻 ﹣ 河鰻肉質滑溜，非常好! 但河鰻有很多細骨頭，要吃得很小心；我拿了魚肚位置，因而避過一刧 火丁甜豆 ﹣ 真的又鮮又甜呢！ 鮮肉鍋貼 ﹣ 煎得很香且肉汁豐富 炸黑芝麻湯圓 ﹣ 外皮香脆，芝麻香味撲鼻、內裏黑芝麻蓉濃郁流沙。 （因為我不嗜甜的關係，我略嫌黑芝麻蓉偏甜了一點，請多多包涵）這頓生日晚飯，大家都吃得很享受

地方優雅舒適，服務周到，餸菜質數高，味道佳。因為要有會員先可享用，所以要有人請先食到咁好食既上海餸。小食：　紫菜花生，mmm... 送酒一流冷盤：　醉鴿：酒味唔會過濃，鴿肉嫩口，讚！　烏支荀海蜇頭：第一次食烏支荀，好甜同Ｄ海蜇頭一樣好爽口，正！熱食:　必吃清炒蝦仁!!! 好新鮮好甜美既河蝦呀!!! 係我食過最細粒而且最好味既清炒蝦仁。係唔洗點腊都咁好食既。唔會太多油，咬落D蝦重有少少彈牙添。　拆骨魚頭！我最歡迎無骨既魚，魚肉好滑而且唔腥，值得推介！拌住既粉皮同草菇因為索左D汁，所以好好味。　抓子翅：好足料，（因為上載相片有限，金華火腿同雞既相分開上載），好夠味，湯底唔會太咸，火腿近肥嗰part最正。　蒸時魚：爸爸叫我試食，所以比面佢試試。　我咁怕骨既人都話好食，重要食多過一舊，你話好唔好食?!　條魚真係好多骨，我用左好多時間去食。魚肉好滑好甜，唔需要點任何醬汁，感覺好清。　京蔥鴨：個汁比較甜，要跟飯食先頂得住。　鴨肉唔嚡唔乾，所以都唔錯。　必吃火丁甜豆!!!　一個好多功夫既菜。　甜豆又滑又甜又冇渣。正到暈!! 注：如果各下係敏感味精，請帶定藥，因為真係好勁，我個人對上海總會嗰隻有強