スーパー丼 (駱克道) (已結業)

作為蠟筆小新鐵粉嘅我當然唔會錯過任何一個朝聖嘅機會，當知道「Superdon」同小新合作嘅時候，我雖然開心，但見到雪糕咖喱飯就覺得伏味濃🙈。不過點都好，一定要親身試過先知😊！我放假就同朋友到訪咗銅鑼灣店，店舖門面貼上海報同埋小新及一眾角色嘅玻璃貼，打卡一流📸。入到去發現原來餐廳面積唔大，而且相比大埔店，少好多小新裝飾，但簡單都有簡單嘅好，反正見到小新我已經好滿足❤️。餐廳定價相宜，🇯🇵日式丼飯餐最平由$78起，款式繁多，涵蓋牛丼、肉丼、野菜丼、咖喱丼以及刺生丼等。同時，食物份量唔少，男仔都食得飽👍！雪糕咖喱牛肉飯($118)，🍛咖喱飯非常大碟，深色嘅咖喱汁上面放咗軟雪糕甜筒，望落覺得好搞笑，亦難以想像味道係點。不過完全係我諗多咗，因為咖喱同雪糕好夾。🍦軟雪糕係雲呢拿味，佢能夠中和咖喱嘅辣，亦帶嚟甜味。當然日式咖喱本身就唔會太辣，所以我建議嗌中辛、甚至乎大辛。咖喱汁好惹味，原來嘅甜度唔高，再加埋洋蔥絲，撈飯食一流。餐廳用料唔孤寒，有勁多片肥牛🥩。我唔係吹水，真係成碟扒乾淨晒㗎🤤！咖喱飯餐仲包兩件腐皮壽司🍣，腐皮多汁煙靭，可算係飽上加飽。飲品我揀咗動感超人芒果特飲🥭，特飲造型靚靚，由芒果同蝶

每次想lunch快食日本料理，總會同同事去superdon，因為地點方便，食物快上得來，質素同價錢都ok～最近發現餐廳的熟食丼都非常出色！🐷十勝豚肉丼真係幾有驚喜！薄片豬肉燒得好香口，一食落滿口烤香味，而且豬肉肉質好幾juicy，軟硬度適中。🌟火炙三色丼：有三款🐟（三文魚、左口魚、吞拿魚），全部火炙過，一上菜就聞到火炙香味，特別喜歡左口魚，肉質少少肥，燒過後入口即溶。另外三文魚質素都幾新鮮～下次要再來食下其他熟食丼飯，可能會再發現驚喜！

< スーパー丼 >一陣間小編book mark咗好耐，出開銅鑼灣又想食丼飯就去咗試！星期日兩點幾左右去竟然唔使排隊😆————————————- 鵝肝和牛丼 $108 -呢個組合真係冇得頂！🤩鵝肝煎到金黃色，非常香脆入邊好嫩！黃牛分量幾多，五成熟～ 牛味都有，不過有少少韌😮 即係咬唔開，但係成件擺入口又唔會要lur番出黎個種🤣配埋d漬物送飯非常唔錯～————————————- 火炙三色丼 $108 -呢個三色丼有左口魚、吞拿魚同三文魚😁 全部既厚度正常，燒得夠幾香口，油分出曬黎🤪特別一讚佢個左口魚相對上厚身，所以非常有質感😎————————————- 麵豉湯 -跟餐仲有湯同埋前菜～ 湯略嫌唔夠熱，只係微暖😗味道正常～————————————評分：7/10地址：銅鑼灣駱克道501號地舖營業時間：星期四至日12:00-21:30#スーパー丼 #スーパー丼superdon #スーパー丼express #superdon #superdonhk #銅鑼灣 #銅鑼灣美食 #銅鑼灣必食 #日本菜 #銅鑼灣日本菜 #香港美食 #香港必食 #美食博客 #hkfood #hkfoodie

見到有優惠所以去左一試和牛二重丼 $98 3款選擇鰻魚玉子x和牛板腱丼 $98鵝肝 x 和牛板鍵丼 $98火炙三色丼（三文魚、吞拿魚、左口魚邊）$98講下火炙三色丼有配上鮮磨wasabi 同 紫薑，配飯一齊食，真心超讚啊！每款魚生都有3-4塊，火炙過嘅魚生非常新鮮，冇太多油膩感，整體感覺清新。 配有小沙律、麪豉湯全份餐$98，份量足夠另外2份有蛋白配芝麻醬，呢個第一次食到，感覺好新鮮，配牛肉丼食可以減少油膩感👍🏻餐廳環境唔錯，都幾寬敞，有日式吧枱同卡位比客人坐👍🏻👍🏻👍🏻

今日突然好想食刺身壽司 我揀左好耐 決定食呢一間係openrcie落定order等食————————————原價貌似係98 openrice八折支付寶平多2% 雖然得個兩蚊—————————————落左大概唔夠十分鐘就可取餐餐廳做野幾快手 本身預半個鐘火炙三色丼有三文魚 吞拿魚 左口魚邊左口魚邊D油脂真係無得頂 最好食係佢反而吞拿魚就普普通通 三文魚正常發揮大概係每樣有三件左右 我覺得唔係好夠食飯量多 山葵係即磨既 食落口好柔唔刺激🤤

超級丼位於銅鑼灣的中心地帶，由地鐵站C出口出發，只需步行約一分鐘，交通超級方便！店內裝修簡約，明亮整潔，但座位不多，只有數個Bar位和十數個座位。富士山柚子梳打 $30呢支嘢真係超正，清新爽快之中帶一點微酸，極為開胃！火炙三色丼 $98一個價錢，有齊三色丼飯、湯、和沙律。火炙三寶分別為三文魚、吞拿魚和左口魚邊。火炙過的三文魚燒出了魚油，更見甘香。火炙吞拿魚帶著半生熟的口感，頗為特別的。火炙過的左口魚邊油香滿滿，而且非常滑溜，正！奉送的麵豉湯熱辣辣，味道不會太過濃郁，唔錯！奉送的是西瓜沙律配柚子汁，兩者也出奇地配合，有說不出的消暑感覺！鵝肝 X 和牛板腱丼 $98期間限定的和牛二重丼，同樣是一個價錢，有齊丼飯、湯、和沙律。整碗鋪滿了半生熟的澳洲M5和牛，粉嫩的顏色非常誘人，和牛入口軟腍，充滿油香；鵝肝同樣出色，煎至焦香爆油！丼飯吸收了鵝肝油和和牛肥油的精華，更見甘香可口，正到無朋友！日式餃子 $38新鮮現煎的，皮薄而且夠香脆，唔錯！

火炙三色丼$98三色=三文魚，呑拿魚，左口魚邊。好少見嘅左口魚邊，燒過之後出曬油香，入口即溶。三文魚肥美，唔洗火炙都一定好味，火炙完更加唔洗講。呑拿魚高質無腥味，燒得好靚，特別香口。**套餐會送埋麵豉湯+三文魚卷蛋**芝士年糕$38外脆內軟，以為好煙韌有拉絲，原來用咗水牛芝士，入口即溶，芝味濃郁。鹽燒牛舌$48四大件厚切，好難得完全唔韌，嫩口得嚟帶啲爽口，可惜掛住影相，食嗰陣唔夠熱。日式炸雞$48日本街頭常見炸粉，粉漿薄，肉質JUICY，真正外皮香脆，雞肉嫩滑。赤富士$30葡萄味梳打，真正提子汁味。富士山$30波子汽水味梳打，真正波子汽水味，not recommended。

在銅鑼灣常常逛街，不時也會經過一間叫「Superdon」的日式丼專門店，日本餐廳中刺身是很常見的，但魚生飯專門店在香港絕對是少見的，難得在銅鑼灣竟然有呢。很久之前也跟男朋友到那裡吃過一遍，質素也不錯，這回最終也沒有令我失望。拍這張照片的時候是我吃完出來才拍的，去的時候還不用排隊等位，一出來，已有數個人在排隊了。裡面的環境頗為光猛，以簡約為主，木桌子也給人們清新的感覺。近門口的是高椅子，坐的時候應該沒那麼舒服吧，裡面的則是正常的座椅。Superdon以肉和刺身飯為主，價錢算是適中吧，刺身飯在這裡大概會比較吸引客人的眼球。還有一些簡單的日式小食和飲料，大家也不妨試試。除了以上的日式丼種類外，其實餐廳還有「自選丼」，如果以上的丼都不合自己的口味，不妨試試自選海鮮丼，最少要選三款，價錢相對下會較main menu的昂貴，但店員跟我們說份量會較main menu的多。就這樣，男朋友點了自選海鮮丼，他選了馬糞海膽、油甘魚和吞拿魚，馬糞海膽鮮味非常，不會像外面一樣的腥。油甘魚和吞拿魚有口感，咬的時候感覺很是結實，真的頗有質素。自己則點了火焰三色丼，有三文魚、呑拿魚和左口魚邊，平常的日式餐廳多數都會有

座落閙市銅鑼灣嘅Superdon，平時經過已經有留意，今次就食下佢。整體裝修都幾別緻，環境舒適。餐廳嘅牆上面有幾盆小盆栽，令人感覺好放鬆同舒服。火炙三色丼三色包括左三文魚，左囗魚同吞拿魚。三款魚燒得啱啱好，完全冇腥味。刺身輕輕火炙過之後，魚本身嘅油份已經被逼出來，油香加埋火炙既香味原來係幾夾。食落都幾嫩滑，有入口即溶嘅感覺。三款魚都厚身，鮮味十足。而米飯粒比較分明，有米飯香味，而且食落好軟熟，再加上芥末同醬油一齊食，一流配搭。梅春季限定魚生丼，有北海道帆立貝、鯛魚、赤蝦同三文魚腩。帆立貝好厚身，中間有一片檸檬，所以食落有淡淡檸檬清新嘅味道。鯛魚同赤蝦鮮味十足，赤蝦大大隻，三文魚腩厚切略帶少少肥，食落即溶嘅感覺好滿足。另配有麵豉湯，味道相當濃郁，仲加左豆腐皮同其他配料，入口有口感。日式餃子食落有餃子嘅香味，皮薄餡靚，外脆內嫩，外層煎得啱啱好，正宗既日式餃子。抹茶蕨餅本身梅有得跟雪糕，不過就賣晒轉左抹茶蕨餅。蕨餅煙煙韌韌，沾上抹茶粉，食落唔會覺得好甜。

自己係港島人，出街都係去銅鑼灣、太古。每次行銅鑼灣都會經過呢間Superdon，但見價錢頗高，所以一直冇食到。不過今日慶祝有Grad Job offer，自己同女友膽粗粗入左去。之前門口望入去以為只有壽司吧枱座位，原來後面仲有卡位。餐廳以白色灰色為主調，貫徹日系清新樸素既風格。餐廳有春季限定魚生丼。雖然今次沖住魚生飯而嚟，但呢三款對學生既我有啲貴，唯有遲下先再食。登登登登！我最後揀左火焰三色丼，包括三文魚、吞拿魚同左口魚，刺身輕微炙燒，逼曬啲油脂出嚟，其中以吞拿魚油脂最豐盛。另外三文魚鮮嫩肥美，左口魚比起三文魚同拖羅較簿片，但非常爽口，充滿陣陣甘香。飯嘅醋酸味突出，份量比較少，但味道確實實出色。套餐會送埋麵豉湯，味道非常濃郁。女友叫左玉子生薑豚肉丼，生薑豚肉配上溫泉蛋令口感更豐富，生薑味濃郁，豬肉肥瘦適中。另外叫左一串鹽燒牛舌，$48有四大件。厚切但完全唔韌，口感軟脆帶點爽口。一以為炸豆腐係凍食，所以成粒食，點知一咬果下熱辣辣，豆腐仍然嫩滑，外皮香脆。果然一份錢一份貨，其待下次再嚟。

約左幾位朋友喺銅鑼灣食飯，其實都想食スーパー丼好耐，不過佢新開嗰陣真係排隊排得好緊要，今日見有位就即刻試下佢係咪真係咁正🤤我地4個人叫左兩樣小食加一人一個丼好飽，大概每人180蚊，雖然唔係好平，但食物質素同份量都值呢個價日式炸豆腐炸漿好薄同香，汁好好味當日仲用優惠價18蚊叫到4件豆腐，幾抵炸魷魚好香口😍 加埋檸檬汁同蛋黃醬好開胃魷魚肉厚味鮮，咬落唔會痴牙，應該幾新鮮朋友叫嘅火炙三色丼，魚片每塊都好厚cp值好高魚肉經過炙燒味道更有層次三文魚尤其好食，魚肉鮮味軟滑，勁正另一位朋友叫嘅自選海鮮丼: 吞拿魚赤身、北海道帆立貝、三文魚雖然價格會比餐牌上丼物稍貴，但自選丼彈性大，可以根據自己喜好去叫我嘅自選丼🤪: 香葱吞拿魚腩蓉、北海道帆立貝、三文魚籽吞拿魚腩蓉好滑，而且唔係統一粗細，中間夾雜魚肉粒，口感豐富北海道帆立貝味鮮，加少少豉油送一啖飯真係極品三文魚籽量多，味道亦新鮮，咬落去卜卜聲好過癮😆朋友叫嘅特上北海道丼要價198 份量十足用料新鮮，值回票價整體黎講服務態度友善，店員反應快及頗細心，有記低我地邊個食邊個丼上菜時放喺叫嘅人面前，有誠意座位都夠寬敞，坐得幾舒服食物質素唔錯，店員會禮貌推廣不

呢間餐廳喺SOGO後面街，去銅鑼灣行街間唔中都會經過，見佢門面都幾靚，裝修走簡約風，第一印象唔錯，但一路都未試。有一日有個朋友話想試下，咁我地就去左一試究竟。我地一人叫左一個丼，同埋加左D小食。呢度間唔中會做優惠，嗌野食夠某個價錢就可以用優惠價加小食同刺身。我地就加左個炸豆腐黎食。我地一心諗住黎食魚生丼，所以丼物就冇叫到熟食。估唔到佢D熟食都好出色！（咁我估D熟食丼應該都好唔錯！可惜我地冇叫到🤣）個炸豆腐比預期中更好食，有驚喜。炸得啱啱好，金黃色架上碟後仲係熱辣辣，一定係新鮮炸～食落口唔覺油膩，好香口，豆腐入面幾滑。推介炸魷魚圈亦都有D出乎意料，好好味呀D魷魚唔會韌，D炸漿好薄，真係好好味。加埋檸檬汁同沙律醬一齊食，真係一大享受又係勁推介黎到主菜喇！我地D海鮮丼兩個朋友都嗌左自選海鮮丼，海鮮嘅選擇都唔少，可以睇返下面menu 作參考每款丼都會跟一碗味噌湯，味道都唔錯架～雖然呢度嘅海鮮丼價錢唔算太平，但價錢好合理，而且比足料你！睇下面頭D料幾多D魚生全部都好新鮮，帆立貝更係令人難忘三文魚籽都好好食，唔會太咸，大細適中，D魚油喺個口入面好幸福三文魚同吞拿魚都係厚切架～油甘魚好新鮮，好好味～

星期日陪下媽媽行街，唔想又係飲茶咁悶，就搵其他嘢食下，媽媽話想食日本野，見到Superdon既丼價錢唔貴，$68起，刺身飯都係$88起，於是入去試下Superdon裝修以簡潔同白色為主，感覺都幾舒服有肉類既丼或者刺身丼仲有小食同沙律三心兩意嘅我哋揀咗好耐先決定到食咩，我哋揀咗個火炙三色丼，當中包括左三文魚，吞拿魚同左口魚，刺身輕輕火炙過令魚嘅油份慢慢滲出，油香加埋火炙既香味真係幾好味媽媽話想食海膽，又想食帆立貝，而我就想食吞拿魚腩蓉，呢個特上北海道丼就岩哂，除咗以上三款刺身，仲有油甘魚同三文魚籽！而我最鍾意就係吞拿魚腩蓉，的確係用魚腩部位去整，有入口即溶嘅感覺，其次就係帆立貝，每一片帆立貝用檸檬片隔住，食落去有淡淡檸檬香，提升咗個鮮味！三文魚子一啲都唔腥，油金魚同海膽都好新鮮，非常滿意呢個丼！除咗刺身之外，仲要提一提佢個醋飯，溫度適中，調味亦都調校得好好，就咁食個飯都幾好味！每個丼都會跟一個麵豉湯，湯夠熱，味道都唔錯！喺銅鑼灣區黎講，價錢合理，而且有返咁上下質素，物有所值！

今日中午同朋去咗依間丼飯專賣店食丼飯。依間店門面係純白色為主調，店名係日文字，下面有隻細英文字寫superdon。門口有lunch menu，寫咗唔同種類嘅don。入面有一排長bar枱，大約有8個座位，對住類似open kitchen 位置。而再入啲，係二人至四人枱，一邊係靠牆坐嘅長櫈，一邊係普通獨位櫈。☺️午餐種類都幾多，所以揀咗火炙三色丼（三文魚丶吞拿魚同左口魚邊）$98。而另一個係醬燒廣島蠔丼。依間丼店係加一服務費的。首先店員遞上玄米茶。🍵之後等十幾分鐘就會遞上火炙三色丼，而燒廣島蠔丼應該要需時準備，所以較耐時間先遞到。.個火炙三色丼三文魚同左囗魚邊燒得啱啱好，無腥味，而且幾嫩滑，有入口即溶嘅感覺。不過幾薄身，再厚番少少，比較好。而個吞拿魚比較厚身，都幾鮮味。🍣喺間店見到原來啲米係日本米。所以食真啲先，發現啲米粒分明，都好軟熟。將啲攻鼻嘅芥末撈落啲油醬油同米飯一齊食，會好鮮味。🍚個燒廣島蠔丼啲燒汁好濃郁，而且啲廣島蠔肥美大隻，仲有一點係：無沙同腥味，所以啲蠔處理得好好。👍🏻份量都幾多。有成六至七隻。食完飯，飲埋佢個味噌湯。味噌嘅味好重，不過覺得咸咗少少。

第一次試過火焰三色丼之後念念不忘，所以再去食第二次，依然都係好好食，價錢非常合理而且魚生份量好足！第二次食碎切雜錦魚生飯，雖然唔可以自己揀要邊種魚生，但係可以用優惠價加其他魚生，好啱貪心既我😂 魚生既種類算多，仲有我最鍾意食既左口魚邊。