泰灜

營業中

休息中

佐敦吳松街呢間泰國菜真係臥虎藏龍，食咁多樣嘢食都有驚喜‼️食泰國菜唔駛一定去九龍城～～呢度逢星期一至日都有唔同優惠🤩今日係星期二，芒果糯米飯可享半價👍🏻糯米飯係熱的，質感非常軟糯，成件事昇華左好多❤️「虎蝦冬蔭功」飲一啖，即刻「叮」一聲，係好好飲😋啲料好足，酸辣味會令人停唔到口！「虎蝦炒金邊粉」每次食泰國菜都必點嘅炒金邊粉，味道好balance，金邊粉係有適當嘅彈性，唔會炒到碎哂或淋哂‼️不過包左粉漿後嘅虎蝦有啲乾，失望……「火焰燒春雞」即席點火，春雞被紅紅的火光包圍住，相當有睇頭🤩呢隻春雞用左蜜糖叉燒醬醃製，味道甜甜地好惹味，重點係肉質非常嫩滑多汁，好有驚喜😋

又係一年一度姊妹約我生日飯嘅時候喇，今次揀咗泰國菜，個地理位置都唔算難搵，我呢啲路痴都可以去到，今次真係飽到不得了，三個人嗌咗五個餸，先來個泰式生蝦，跟住再嚟個泰式豬肉生菜包，我唔係好食得辣嚟講覺得個生菜包有啲辣，不過好快我就適應咗啦，一啖生菜包一啖純芒果打嘅沙冰咩辣都唔記得啦！最想食嗰個麵包咖喱軟殼蟹嚟啦！雖然軟殼蟹冇乜特別，但嗰個麵包吸曬啲咖喱汁真係好好食啊！下次必定encore。見到隔籬枱隻火焰燒春雞，我哋又跟住嗌先，不過要等20至25分鐘喎！啲雞肉真係好嫩滑好juice，我呢啲牛魔王點可能唔食牛啊？？再嚟多個街邊燒牛肉，如果啲牛肉可以燒生啲就更加好啦！已經飽到不行了，鑒於係我好姊妹同我補足生日，點少得芒果糯米飯砌成嘅生日蛋糕啊！點都要俾面食🥳🥳，總括嚟講大滿足大滿足大滿足，下次一定會再去幫襯。

👍🏻麵包咖喱軟殼蟹 $198招牌必食！軟殼蟹無論蟹身定蟹腳都好鬆脆上枱時已斬件方便食，蟹身吸晒啲咖喱汁，濃郁惹味！黃咖喱濃稠杰身，有椰奶香，味道帶甜，唔辣嘅麵包鬆軟厚身，沾滿咖喱食勁正🥹整體好大份，加上咖喱杰身好飽肚，3-4人都夠食味道：8/10性價比：8/10-👍🏻火焰燒春雞 $228打卡同味道都一流！原隻燒雞上枱，店員會先點火俾客人影相拍片建議手撕食更有風味，但懶人亦可以要求斬件雞皮搽上蜜汁，皮薄唔肥膩，雞味濃郁，燒到邊位有少少焦香雞肉入味甜甜地，有啲似蜜汁燶邊叉燒嘅感覺最正係肉質嫩滑爽彈，咬落仲爆哂汁超juicy！份量約2-3人share就啱啱好，呢個必食！味道：9/10性價比：8/10-👍🏻炸蝦餅拌甜梅醬(半價後) $44蝦餅厚身彈牙，口感唔粉，仲咬到蝦肉粒，好足料外皮炸到脆卜卜，但脆漿唔會過厚配搭甜梅醬更加正宗，有別於一般個種泰式酸甜醬星期一去有半價，好抵食！每日都有唔同優惠味道：8/10性價比：9/10-👌🏻香燒豬頸肉 $108一上枱嚇親，超大份份量好多，大塊厚切可惜肉質略嫌瘦咗同乾身啲，相對其他嘢食呢個較失色味道：6/10性價比：6/10-👍🏻泰式生菜包 $98可以揀雞或

Thai in 泰瀛 @thai.in 📍：佐敦吳松街141號地舖🚗：佐敦地鐵C2出口 步行2分鐘📞：+852 5961-6898💲：~HKD250/head for dinnerFood quality✔️：芒果糯米生日飯、火焰燒春雞、龍眼冰、炭燒豬頸肉👌🏼：生蝦、沙爹雞肉串燒、蒜蓉包、惹味青咖喱（軟殼蟹）總結：👍🏼呢間真係私心推薦 又好食又有打卡位 仲要係黃店嘅泰國餐廳仲唔快啲打去book枱☺️👍🏼性價比正常 但食物質素普遍都高 而且份量恰當 除咗嗰燒春雞同糯米飯多到嚇死人之外 叫咗以上兩樣要小心啲 因為我哋四個係飽到死都食唔哂👍🏼火焰燒春雞係打卡之位 侍應會好心咁等大家相機ready係各人臉前點燃 真係極打卡able😆 不過只係比咗一對手套🧤仲要極熱辣辣 所以就辛苦一個人不斷為其他人供食 建議餐廳比多對手套👍🏼如果係有朋友生日 必點芒果燸米生日飯 雖然要二百五蚊 但份量驚人 而且砌得好靚 仲要啲芒果真係甜 當日朋友好滿意所以我都好滿意 利申記得要預訂咗先😜👍🏼龍眼冰都係我個人推薦 因為我鐘意飲甜嘢 但係出面飲成日都係得個落糖嗰種死甜 但呢杯我覺得真係有種荔枝嘅鮮甜味 但唔鐘意甜嘅朋友

提起食泰國菜自然就會諗起九龍城原來係佐敦都有特色ge泰國菜佢既菜式驚喜多多又唔限時可以慢慢食同朋友傾下計想食特色野記得一定要打去訂位時訂埋必點食物~~~! 咖哩麵包軟殼蟹🦀講到麵包磚就會諗起甜品拼咖哩同炸野都真係幾好味麵包同軟殼蟹又可以點下惹味咖哩汁火焰燒春雞🐔職員上左隻雞就會加酒點火，有得睇又好味手撕雞d肉又多汁又滑 惹味蒜蓉包🍞用厚麵包制成蒜蓉包，烘到外脆內軟麵包中間有滿滿蒜蓉，就咁食又得點咖哩又得 生日蛋糕(椰汁芒果糯米飯) **需要預先訂**有分大同細size朋友生日想俾d surprise佢生日蛋糕係椰汁芒果糯米飯香濃椰汁，芒果又多又甜，暖暖糯米飯會叫芒果糯米飯就記得要留肚食又幾飽

以前喺附近做嘢都會過嚟食午餐，所以都幫襯過好幾次，食物質素唔錯，今次同同事敘舊四個人嚟食可以食多幾款野🤤Book位嗰陣已經order左招牌菜，因為店員話數量有限，所以就梗係叫定先啦。⭐️Thai-IN 火焰燒春雞$188 隻雞都幾大隻，店員上菜嘅時候先會點火，好貼心叫我哋準備拍片，雞肉好Juice，燒得好香，雞皮好薄，唔會好多脂肪。因為淋左少少酒上去用嚟點火所以會有少少酒味。真係睇得又食得👍🏻😋😋惹味青咖喱軟殼蟹$118 呢度起碼有兩隻軟殼蟹，青咖喱唔係好辣，我哋加咗一客蒜蓉包，用嚟點咖喱食，好正！佢個蒜蓉包都唔馬虎㗎，另外我哋嗌左沙嗲雞肉串燒，賣相好靚，原來都有跟幾粒蒜蓉包🤣沙嗲雞肉串燒，大大串，雞肉好滑，食落口啖啖肉，一啲都唔吝嗇！秘製沙嗲醬好鬼惹味🤤Thai-IN虎蝦炒金邊粉$108 隻蝦都好新鮮食落口好彈牙，好鍾意佢個金邊粉入面會加菜譜😋😋椰汁芒果糯米飯$68粒粒芒果好甜，一啲都唔酸，好多椰汁，糯米仲熱熱地，好食👍🏻👍🏻食咗咁多次午餐，終於喺夜晚食一次晚飯，食多咗好多小食，呢餐真係好飽好滿足！如果多人食飯真係建議過嚟佐敦食泰國嘢，咁就可以試多幾樣唔同嘅食物啦😍

好耐冇食過泰菜啦 要去一係返呢一間由正宗又好食又特別嘅泰國菜-火焰燒春雞 $188@🐔成隻雞企係你面前着火 🔥 好特別 隻雞撕開仲有汁 好滑 好好食 唔會太乾。-沙嗲雞串燒配蒜蓉包 $88 🍡🍢個汁真係好好味 好足料 最特別有配蒜蓉包 好似係泰國食。-黃金炸蝦餅 $78 🦐蝦餅炸到好脆 但係入邊好彈牙 攞嚟點酸梅醬 好夾！-馬拉盞炒通菜 $78 🌱好嘢味嘅馬拉盞配新鮮通菜 真係好好味 😋啲員工服務好好 有講有笑 餐廳中新安裝左空氣清新機 令到員工同食客食得安心！抵讚 👍🏼

泰國的菜式真的千變萬化，而且驚喜多多！以這個火焰燒春雞為例，上菜的時候已經十分奪目，燒春雞的外皮十分香甜，配合烤得剛剛好的嫩肉一起食簡直一流。泰式炒金邊粉的甜度和酸道剛剛好，根本不需要多加沙糖和青檸汁。金邊粉也煮得剛剛好，還有少許彈性。泰式柚子蝦沙律的辣度比我想像中少。沙律醬的味道甜甜的，好像甜醬一樣，而且香料味十足！配上柚子的果味和鮮蝦的肉味真的十分開胃。泰式燒生蠔的配搭十分有趣一塊微烤過的生蠔配上甜酸辣汁，炸香蔥和芫茜等作額外口感，味道新鮮而且香辣 ，也是開胃菜的好選擇。劈開椰青見海鮮是一道海鮮咖哩菜。咖哩是微甜的，配合薄餅，飯或者蒜蓉包一起吃效果會更佳。記得一定要 試內裏的椰青肉，非常香甜鮮嫩，咖哩味也有陣陣椰王香味呢。平民鹽焗魚的魚肉十分鮮嫩，肉汁經過鹽焗的保護得以保存，可說是原汁原味。和朋友一起分享食最好不過。這間餐廳的泰國菜式地道而且美味，不妨到訪一試。

想特別d同一家人食餐生日飯，搵左幾日發現依間餐廳有個芒果糯米飯嘅生日蛋糕即刻打去訂位，經服務員指引生蝦，火焰雞同蛋糕係需要預先訂嘅，因為都知大家食唔到好多野由期糯米飯好飽肚，所以訂左個細size嘅。因爲預先訂左檯嘅關係所以係唔需要等位，入到去即時有位坐，我地4個人連埋預定好嘅生蝦，火焰燒春雞，，另外再叫左個細嘅小食拼盤，一碟菜（唔係好記得係咩菜），鹽焗魚，最後當然唔少得主角芒果糯米飯生日蛋糕，一見到個蛋糕個個到嘩嘩聲，哈哈，所以証明依個選擇無錯

朋友介紹新泰國菜，我哋一班朋友一吹雞就一呼百應去試新嘢。泰灜位於吳松街(澳牛後面)，交通方便，地鐵裕華出口過對面馬路行幾分鐘就到，寶靈街出口又得。我一向冇習慣睇門面，但係佢個招牌真係好型格好靚，好鍾意佢隻大辣椒。飲品我要泰菜鐵膽Lime Soda，足夠嘅lime juice直接mix咗入soda度，夠味。朋友叫龍眼冰就有少少徧甜。推介一杯特飲--“Narin”，係店長自創以自己命名嘅秘制雞尾酒，內有泰國威士忌，香茅......等香草，唔飲得都可以試吓，清爽帶點麥香。香港食泰國菜必叫泰式生蝦，蝦大隻新鮮，連蒜片加紅辣椒點上特制醬汁，食得辣嘅你要試啊! 少有上埋炸蝦頭，不過蝦頭凍嘅，唔係即炸即上，有點可惜。泰式金柚沙律，有大蝦，金柚，蕃茄，腰果，香蔥等等材料，酸酸甜甜，開胃無辣之選，如果沙律菜多幾塊更好。阿女唔太喜泰菜，但係都話個炸蝦餅好正，夠彈牙有蝦味。本人誠意推介大家一定要食炒通菜，平時我唔太喜歡食通菜，呢度嘅炒通菜食到我唔停得口，正呀! (溫馨提示: 唔食辣記得要開聲走辣喎)傳統泰式咖喱炒蟹，味道徧甜，泰國人店長話係佢哋正宗家鄉泰國口味，我絕對接受到覺得好食。醬汁較為濃綢，阿女話太少

早前睇到宣傳廣告, 係佐敦新開左間泰國菜餐廳, 其中一款火焰雞吸引左我必要前去一試!今晚收工相約妹妹到達餐廳, 結果係冇BOOK位下, 餐廳內已經坐滿食客, 認真旺場! 好彩唔係等左好耐都好快有二人檯安排入座, 店內面積唔大, 設有卡位, 裝修以簡樸為主。Menu上對比其他泰國餐廳款式唔多, 但傳統既款式都有, 例如冬陰功、串燒、生菜包等等…平日晚9點左右, menu上有少部分菜式、飲品都已經賣哂。幸運地, 最後一隻火焰雞都給我order到! (如果一心想去食既話就要記住打電話預留喇!)【龍眼冰】HK$28先來一杯龍眼冰解解暑, 冇想像中咁甜, 清清地既龍眼, 幾清新【虎蝦炒金邊粉】HK$98隻蝦真係好大隻, 金邊粉炒得幾有穫氣, 侍應建議我地將旁邊既三色味粉同青檸汁跟金邊粉撈起食, 因為我將所有味粉撈埋, 當中既辣粉令整碟金邊粉生色不少, 味道辣辣地, 很惹味。【火焰燒春雞】HK$188最期待既火焰雞出場了, 吸引唔少鄰坐遠望。燒雞上檯後, 侍應將帶有火焰既酒精從燒雞頂部淋上, 火焰完全包住隻雞, 維持大約十秒左右, 就會自動熄滅。店方會送上膠手套比我地撕出雞肉食, 別具泰國傳統風味

今次就同朋友黎食新開既泰北菜，細細間竟然坐無虛席等我地一行四人探個究竟！.先保守點了傳統的冬陰公湯和豬頸肉，天氣熱想吃點酸甜的涼菜就點了柚子沙律，然後被相片吸引再重貨一隻火焰燒雞雞再來個紅咖哩燒鴨！先上桌是這個金柚鮮蝦沙律，酸酸甜甜超開胃，以金柚的酸甜襯托果仁，鮮蝦和蔬菜連平時不太吃沙律也比較容易接受再來是我的泰菜最愛豬頸肉bb!!肉質軟嫩而堅實，帶嚼勁，本身已經挺好吃配合正宗泰式醬汁一流火焰燒春雞以視覺效果為主，在微脆的春雞皮上澆上烈酒有火焰效果，雞肉還是蠻嫩的，但調味略單調，需依賴醬汁的味道。冬陰公湯足料好喝！大大煲重椰香味帶甜紅咖哩烤鴨算是蠻有驚喜的，港派的燒味遇上紅咖哩濃郁的椰香，不算太辣，沾上又香又脆的蒜蓉包味道再昇華！鴨肉好好吃！

昨晚，同幾個朋友去尖沙咀行街，不知為何突然想食泰國菜，就search下附近有無泰國菜館，就黎左呢間餐廳！一入去，見有不少人已經食緊，感覺已經幾好，因為應該好食先會多人👍🏿餐廳有兩層，內裏有點泰國風味🇹🇭地方亦寬敞，坐得都舒服🌾我地就叫咗個沙律食🥗呢個沙律酸酸甜甜，幾開胃👍🏿蝦同金柚嘅味道亦好夾，吾會覺得有違和感，加上蝦咬落去亦新鮮，再有埋腰果配搭，完全令到我食慾大增😋呢道炭燒豬頸肉，係我全晚至愛👍🏿首先豬頸肉少脂肪，食落去唔會覺得好油，完全無罪惡感，加上性價比高，有好多塊豬頸肉，好似食極都食唔完😻呢碟紅咖喱燒鴨，我覺得比較普通，但呢道菜可以配蒜茸包食，包都幾好味！注意: 這道菜有點辣🌶冬蔭公湯又幾正，本人覺得好啱我地香港人口味👍🏿辣得好香口👍🏿加上蝦肉好足，完全抵食！燒春雞係成晚飯既高潮！侍應會係我地面前表演"燒着隻雞"，倒上酒加火，成隻雞就立即燒着，影相一流📸無咗火之後，你可以叫侍應幫你手撕雞，或者自己黎。肉質幼嫩！點上佢嘅辣醬，更惹味！我亦點咗杯飲品--龍眼冰，味道較甜，夏天黎講，飲一飲透心涼💦總括而言，如果想食泰國野，呢間餐廳不比九龍城嘅泰國菜遜色！值得一試！

平時一諗食泰國野 就即刻諗到九龍城個頭但食完都係好味 但無咩驚喜又無咩深刻印象今晚試左呢間係佐敦嘅新開泰國菜 真心必回頭🤤一試難忘左😍😍😍 .個老闆原來係純正泰國人 同佢傾d野食個陣 佢話呢度同出面泰國菜唔同好多香港泰國菜都會營合左香港人口味但佢呢度好多款都係正宗泰國做法🇱🇷可能會辣d 岩哂我呢d嚐辣如命之人.泰式鮮蝦金柚沙律 ($68)超開胃嘅沙律 滿滿嘅金柚籽 一咬就有酸酸甜甜嘅柚汁爆出黎 蝦煮得好爽口 咬落新鮮彈牙😋沙律個sauce有少少微辣 完全令我食慾大增 準備好迎接呢餐辣味泰菜.炭燒豬頸肉 ($78)滿滿的豬頸肉呀係 超級多片而且厚切好厚肉皮燒得有陣陣炭香個sauce係辣到有少麻刺激味蕾個種😆勁正.冬蔭公 ($138)冬蔭公辣勁十足🤤🤤而且好足料 有幾隻原隻大蝦😳肉質仲要係爽口彈牙 吸哂d湯嘅精華🤤.紅咖哩燒鴨 ($98)燒鴨老闆話出面真係好少見 但本身泰國人都好鍾意咖哩燒鴨燒鴨係平時燒味舖個種 肉質嫩滑咖哩好香濃 紅咖哩會有少辣 用蒜蓉包沾黎食一流🤤💓.惹味蒜蓉包 ($48)呢個蒜蓉包外型太討喜 預先切成條狀方便人沾咖哩食😙超香蒜蓉味 烘得脆脆又唔會硬到𠝹口個種👍🏿.火焰