Le Solei位於位於酒店中庭,下層為自助餐,側邊就係酒店的房間,此位置猶如露台一樣,感覺開陽,冇平時係室內的壓迫感,伴隨音樂同流水聲,你會完全無視到下層自助餐的聲音,而且坐位非常闊落,至於價錢就當然會稍高,但係絕對物有所值
再黎就係我又愛又恨的大蝦粉絲煲,此煲以大蝦,五香,八角,香矛,蒜碎同蔥一齊煲,而粉絲係非常之索味同水,所有精華的味道都會係粉絲入面,非常野味,但係另一方面,恨就係當食到底會食唔落因為大濃郁,愛濃味之人就必試
另外此店名菜之一就係火焰燒鵪鶉,(惜團火太短暫..我拎到部電話就己經熄左 ),火焰燒鵪鶉會係上面淋一層酒(至於咩酒小妹就真係唔知),但係食落去會發覺外層的酒會把鵪鶉的肉汁鎖住,所以就算燒完d鵪鶉肉都重係好嫩,值回票價
炒金邊粉配以蝦球,蔥同香蒜同其他海鮮配料炒製而成,但個人認為沒有特別次處 ,各位可以一試,但不點亦沒有損失
先來兩個同一系列的頭盤, 大大的碟子而放置四款不同的小吃; 春卷、魚餅、蔗蝦及粉包, 油炸食品不油不膩, 粉包皮薄且晶透。
兩客牛油雞翼, 小許的牛油味令人對油炸食品來而不拒; 雞肉肉汁依然鎖上!!
火焰燒鵪鶉, 除了在火焰中的一刻令我有印象之外; 我自己就吃不出為什麼是招牌菜。
炸(河內)魚, 記不起這道菜真正的菜名, 只記得因為是越南魚名而吸引我點下來; 魚肉滑口但賣相失色。
脆皮咖哩牛腩, 一道有創意的美食; 牛腩件裹在脆皮內, 一口咬下時是脆口, 再咬深層時肉汁就滲出來!!! 再配上有少許辣味的咖哩汁, 嫩口的牛腩更顯出個味來。 而香脆的蒜蓉包配上咖哩汁, 都是一絕。
炒大蝦金邊粉, 金邊粉不乾不油的感覺, 蝦球彈牙; 再與配料相襯, 賣相可令人食慾增了一點點。
海鮮炒飯, 海鮮料都不少, 只是不愛吃米飯的我吃不出有何特別; 加上咖哩汁才覺不乏味兒。
蕃茄濃湯海鮮米線, 蕃茄味果然濃! 牛肉湯河, 而絕非只得牛肉, 有牛丸、牛筋、牛柏葉; 湯底更有濃厚牛湯味。
尾聲時送上了一個生日蛋糕, 酒店的蛋糕應該可令人帶一點動心; 可惜又是偏偏遇上了我!! 吃了一口後, 就只看著朋友們吃得很滿足的樣子, 即美味也!
不過要提出一個小小的意見, 該酒店侍應們的服務效率, 應可改善改善。在要求埋單時, 舉手揮手再舉手大概兩分鐘才有侍應看到; 如果是別處的普通食店, 我都還可接受, 在這五星級的酒店食府都真的接受不了!!!
影片
