霸嗎拉麵 (已結業)

晏晝想食拉麵，專登去咗寶琳呢間霸碼拉麵食。因為係平日，佢有午市套餐，而且都幾抵食。我叫咗個灸燒豚肉味玉拉麵配三件羽根餃子，連埋汽水都只係$68，汽水可以自選。拉麵算大碗，豬骨湯底好濃郁，豚肉好大塊，而且燒得啱啱好，唔會太硬，呢個價錢連埋嘢飲都真係幾抵食，不過略嫌拉麵煮得唔夠淋。同行朋友叫左厚切叉燒味玉日式咖喱飯，連埋波子汽水總共$52，係日式拉麵餐廳來講，呢個價錢連埋嘢飲仲要係波子汽水都真係幾抵食。不過日式咖喱有少少辣，但對我來講都係接受到嘅，見佢塊叉燒都幾大塊，容易咬開，唔會太硬。要留意番佢呢個午市套餐只係星期一至五，可能因為係冇乜人係呢個時間食，所以會比較平，而且佢間餐廳都冇咩人，座位算寬敞，而且侍應服務態度都算好。如果冇午市套餐，佢一碗拉麵都要80幾蚊，算係正常價，不過有套餐就唔會咁食。😬

今日係我同男朋友拍拖9週年當然要出去周圍行下啦,男朋友就上網搵下有咩好~好快就搵到呢間好多人推介既拉麵店~即刻揸車去試下先~一去到門口已經見到好多人 去拎張飛仔可以周圍行下我地大約等左半個鐘左右就入得啦~入面坐位唔算太窄 仲有位俾我放戰利品仲有好多調味料俾你選擇~款式都算多 仲有好多小食可以選擇睇岩就係張紙仔到寫 包你唔會叫錯啦咁岩今日仲有個期間限定 一定唔會少左佢啦~我同男朋友就叫左一碗灸燒豚肉味玉拉麵 同一碗極上原隻龍蝦味玉拉麵仲有多個羽根燒餃子小食外面非常脆 入面多餡 灸燒豚肉味玉拉麵好好味, 肉好厚 湯唔會太禯 麵又岩岩好 仲有隻溫泉蛋跟住出埸既就係極上原隻龍蝦味玉拉麵真係原隻龍蝦呀!!仲有好多膏呀真係好好味 啖啖龍蝦湯 超級鮮味 龍蝦多肉 仲有西蘭花,甘荀吸滿龍蝦湯既味道仲好細心俾張濕紙巾 等我可以放心用手食 食完仲可以周圍行下街 樓下就係停車場 超級方便呢間野真係超級推介 令我地第9年既今日過得非常完滿

今日經過新都城，無意中發現霸嗎推出左午市lunch set😳 價錢仲要好經濟實惠~ 平時食碗拉麵都要差唔多$100，依家lunch set $48起，有7款選擇，每個set都包埋飲品，部分會跟埋小食，仲要免加一，呢個價錢好難唔心動💓Set D $68灸燒豚肉味玉拉麵平時可以根據自己個人口味選擇軟麵/硬麵等，lunch set就無得簡了😖。拉麵份量正常，同平時食既一樣。豚骨湯底味道有點淡，拉麵碌得岩岩好，軟硬適中。豚肉好大塊，係五花腩黎，屬半肥瘦，外皮經灸燒過，肉質嫩滑，但有少少油膩。最有驚喜反而係溏心蛋！！所謂溏心蛋，就係要將蛋白煮到凝固，而蛋黃則是呈液態狀或者是膏狀。溏心蛋半熟，煮得剛好，蛋汁同蛋黃香味都溢出!!羽根餃子 (3件)平時正價食應該有5件餃子，依家lunch set附送都有3件，一個人都好夠食😗~ 最中意係有層好薄既蛋包著餃子，令外皮好香脆，點埋餃子汁，wonderful~~

每次係尖沙咀食霸嗎拉麵都要排長龍等位入座, 宜家係寶林都開左分店, 人流雖然未有尖沙咀店咁旺, 但假日lunch-hour都要拎籌等位。呢間霸嗎拉麵分店面積不大, 內裡裝修跟其他分店一樣, 富有日本拉麵店風格。自行click想吃的落單, 可自選拉麵既軟硬度, 同埋走額外配料, 盡量滿足每位食客既口味。order左一支【靜崗蜜瓜梳打】HK$28其他地方較少機會可買到, 有汽的蜜瓜梳打, 蜜瓜味很突出, 每次幫襯我定必order!【沙拉唐揚炸雞】HK$38無骨炸雞, 炸後表面不油膩, 香脆, 雞肉keep到juicy肉汁, 肉質略為嫩滑, 炸物配上沙律醬, perfect!【灸燒豚肉味玉拉麵】HK$88今次order了少油, 的確送上檯時, 湯底沒有明顯過多既油層,  湯底反而不會過份濃郁, 唔會邊食邊狂飲水果種, 稍嫌湯底溫度不算太熱。拉麵呈幼身, 帶點點彈牙。 另外有幾片索左湯底還帶些少爽既筍片, 當然不少得厚切灸燒豚肉!豚肉表面輕輕燒過, 無損豚肉既本身肉汁, 豚肉有1/4都是肥油層, 入口林而帶豬油香~ 而最令我欣賞反而係隻流心蛋, 質感滑而林身, 咬開後,  蛋黃慢慢湧出, 充滿

今日同朋友一齊去寶琳行下商場，行完有啲肚餓就搵下野食，見到有間拉麵店，網上嘅comment都係值得一試，而且我地係繁忙時間晚上7:30pm去，都唔洗排隊，有位置坐店內牆身設計：店鋪的位置雖然唔多，但星期三的晚上唔會太多人，入到去同朋友自動坐低兩人枱，好快就有侍應比兩杯水，然後我地就睇餐牌餐紙先點食物。餐紙：可以選擇麵的軟硬度，我今次試的係適中同埋走蔥。可以依照個人口味調整，落單時候剔埋。點完食物大概等左10分鐘就有食物啦灸燒豚肉味玉拉麵走蔥花個人感覺：豚肉都好厚，湯底略嫌太濃，湯的溫度可以更熱，同埋都多油，下次會試下少油，整體感覺唔錯，值得一試！

日本廣島拉麵店「霸嗎拉麵」，自從在尖沙咀金巴利道開分店後，在香港業務開始有蒸蒸日上的氣勢，在香港的分店開了一間又一間。繼銅鑼灣和中環分店後，「霸嗎」終於選擇了，在新界的新市鎮屋邨商場開設了新分店，這就是今次我要講的將軍澳新都城分店。「霸嗎拉麵」在將軍澳新都城二期的分店，選擇了開設在寶林港鐵站出口附近。雖然將軍澳新都城「霸嗎」店舖面積不算很大，相對尖沙咀分店面積，將軍澳分店面積足足小了一半有多，餐廳外亦沒有地方可以容許食客排隊等候入座，新都城「霸嗎」只能安排在店外設置電腦，讓食客自取籌號輪候。所以將軍澳「霸嗎」相對尖沙咀金巴利道分店，就明顯少了一股，萬人空巷排隊等候入座的氣勢。但是將軍澳「霸嗎」相對尖沙咀「霸嗎」，食客多了一批，三五成群的家庭親子顧客，不少住在將軍澳的家庭，慕名來到光顧將軍澳分店「霸嗎」，和試食「霸嗎」的兩款著名拉麵。跟尖沙咀或者其他分店的「霸嗎拉麵」比較，將軍澳「霸嗎」沒有因應將軍澳新市鎮和客人性質，而在餐牌和食物上有所調整。基本上，出面「霸嗎拉麵」有提供和售賣的食品，將軍澳「霸嗎」都沒有缺少。將軍澳「霸嗎」同樣有「羽根餃子」，同樣有「唐揚餃子」，同樣有「石燒飯」，「霸

今天去新都城二期睇主題展，睇完又到食飯時間， 居然比我見到最近人氣超高，排隊排到傻的<霸嗎拉麵>在這裏開分店由於時間尚早而且我只是一人，所以好快就可以安排入座店內位置不多，但有一個小小的開放式廚房，可以看著師傅煮拉麵睇完Menu介紹之後就可以係點心紙上選上心目中的食物，填好交給店員後就可以等吃而且還有英文點心紙，外籍朋友也不怕喔先送來靜岡蜜瓜梳打，與其說是梳打反而我覺得是蜜瓜味的碳酸氣水會比較貼切，清甜的蜜瓜味有著豐富的氣泡，喝得很過癮喔接着再等了一會兒，主角灸燒豚肉味玉拉麵就登場了第一件事當然要先喝一口湯啦！淡啡色的濃湯表面有着一層薄薄的油脂，但喝下居然一點都不覺得油膩。湯底非常濃郁豐厚，豬骨味很濃，有着滿滿的骨膠原的感覺而另一重要主角，味玉即係糖心蛋亦非同小可，流心的程度達到嚴重級別而灸燒叉燒應該是選用了腩肉，不是乾乾硬硬硬的那種叉燒，經過灸燒的叉燒表面有一點香脆，但肉質非常軟滑，肉味很濃，令我忍不住連那層薄薄的脂肪層也一拼吃掉當然麵質亦很重要，我點選了適中的軟硬度。所以吃起來是比較有口感的，比較爽口彈牙有質感。而且每口麵都可以緊緊的掛住濃湯，吃起來令人很滿足呢另外