首爾家韓國料理

營業中

休息中

繼上次食咗間好難食嘅韓國餐廳之後，真係唔甘心，所以決定要黎首爾家食返餐好嘅。中午book左枱，一去到就有得入座。全場基本上都係坐滿，所以walk in應該比較難啲。兩個人食飯，叫兩個lunch set，再加杯汽水，$240埋單。前菜西蘭花同菠菜都好好食，基本上韓國餐廳所有前菜都係可以無限次加，但今次我叫佢refill就加得好少😂。兩個人食，前菜就有四碟。不過我另外特別要求話想要多一碟薯仔做前菜，都好樂意加俾我。炆牛肋骨冇上次食咁好食，不過都算係夠淋身，味道偏甜，唔算好重口味，但食到個底有啲濃，搞到食落去好似有沙咁。減分位。鐵板辣炒豬肉味道唔錯，唔會太辣，偏甜。有同洋蔥，蘿蔔同冬菇一齊炒，好餸飯。份量好足夠，送嘅湯都好好飲。但對比起上次食泡菜湯，我自己個人口味比較鍾意泡菜湯。柚子汽水正常，柚子蜂蜜都落得幾足。要求走冰都冇問題。飯後果: 橙兩片。冇影相，不過又真係幾甜。總括嚟講，第三次食首爾家，都算係keep到佢水準，食物質素好穩定。韓國餐廳呢個價錢真係幾抵，重點係唔會驚中伏。就算唔係好食到識飛，都唔會難食得去邊，總要有個質素保證。有機會要黎試下燒肉先😋😁

🎐今次係𡃁妹最後一次回來，因為11月終於正式回歸香港🇭🇰喇！📌𡃁妹愛吃西餐，熊妹愛cafe，每次都食哂𡃁妹熊妹想食的，今次俾阿妹發板食韓國菜🇰🇷。📌阿妹話食過呢間《首爾家》幾次，水準幾🉐，就帶我們去試試，有福同享嘛。🥳📌晚上七點半黎到，正直晚飯時候，餐廳都坐滿人，睇黎食物質素都有保證，食韓國菜唔一定食放題的，散叫先食得出餐廳的功架。📌烤肉、炸雞、小食、粉麵樣樣俱全，感覺做法比較傳統。泡菜煎餅，$88📌韓國傳統住家小食，泡菜煎餅一定要試下。一個大餅開成六件，口感就係麵粉煎餅再加左啲泡菜，味道唔算好突出，反而要點點跟上的酸酸汁，咁樣配撘比較開胃。半半韓式炸雞肉+沙拉，$168📌𡃁妹話見隔離枱叫左呢半半炸雞好吸引，隔離飯香，好想試下。半半即係有兩款，一個係甜酸炸雞，一個係就咁傳統炸雞。甜酸炸雞有醬撈上，味道比較出，而且去左骨，啖啖肉，傳統炸雞就咁炸，無醬比較乾，又有骨，同甜酸雞就真係比下去。沙拉就係薯仔什果沙拉，食完咁熱氣的☄️炸雞，沙拉可以中和下油膩。炆牛肋骨，$128📌《首爾家》常客的阿妹係極力推介呢款炆牛肋骨，聽說味道超棒。嘩！果然好推介！牛肋骨炆得好入味，肉質又炆得好冧，湯汁偏甜的，配

上次同M佬嚟銅鑼灣食首爾家，主打韓燒，肉嫩汁香，但M佬話韓燒試唔到餐廳廚師嘅真章，所以今次我哋嚟就食韓式地道料埋，睇吓又啱唔啱我哋口胃先。叫完嘢食，即刻為你送上6碟泡菜，醒醒胃！紫菜牛肉包飯包飯最怕就係紫菜變淋，好彩呢度嘅keep到香脆，而飯包住牛肉、紅蘿蔔、黃蘿蔔、雞蛋、青瓜同芝麻，麻油味香，但又唔油膩，唔錯。人蔘雞湯趁天氣凍，食番個人蔘雞補補先！湯底清香，完全無味精感，重口味人仕就唔啱喇！雞肉煲到好綿，而雞入面嘅糯米就入晒味，正！越飲覺得蔘味越香濃，原來餐廳落足料，有成2條人蔘，飲完之後，這個冬天不太冷。炆牛肋骨牛肋骨炆到好軟嫩又多汁，非常入味。而驚喜在於白蘿蔔，M佬話好香甜呀（不過，我就無食，因為人蔘同蘿蔔費事搶埋一齊啦）！年糕餃子拉麵辣年糕湯底配上餃子，同上次一樣，餃子皮薄多汁，而年糕煙韌入味，唔錯。

呢間餐廳個名我聽過好多次，見到評價都OK，所以決定去試一試。餐廳地方尚算優雅，今晚唔想食韓燒，所以只係集中係熟食上面。男朋友叫左個牛肉石頭飯，賣相好好，叫佢少油真係少油，份量同味道都唔錯。我叫左個韓式辣拌冷麵做晚餐，唔知點解好似有少少花生醬味，對我黎講一d都唔辣，拌麵比較杰身，份量都幾多，食到最後有d濟，如果有碗湯撈下會更好。由於我地兩個都係食肉獸既關係，我都仲叫左個炆牛肋骨同炸雞。炆牛肋骨好淋好入味，不過甜左少少，係到好漏。反而我鐘意個炸雞冇骨，又香又脆，不過炸粉就厚左少少。

真的要用坐無虛席來形容這餐廳！估不到訂了還是要等了一陣。我們一行四人生熟食物各點了些，店員細心問清了我們想自己燒還是由他們燒好了才上菜，我們選了自己燒，感覺較開心😊紫菜牛肉包飯，略嫌麻油味不夠多，但也好味。炆牛肋骨餐，牛肋超入味，連蘿蔔及冬菇也很好味，推薦！也點了韓式泡菜餅，比想像中厚身，淡淡的辣味，吃不到辣的表姐也吃到，覺得如果可以煎得更脆身會更好。每次食韓燒我都會點牛肋骨，牛肋骨於上菜前已被「劏開」了，變成薄薄的一條，方便燒烤。醃燒牛肉也不錯，很大碟，店員常常會協助我們燒，我會索性把伴碟的洋蔥也加入一起燒，就成了一碟洋蔥牛肉😆😆五花肉也是我喜愛的！雖然較肥，但可以把豬肉燒到兩邊略脆，很好味！這碟是由韓藉老闆親自幫我們燒的呢😉最特別的是燒豬皮，厚厚的一塊，燒好了，食落有點似啫喱，很多骨膠原呀！這裡的韓燒不包生菜，但我們都點了鮮生菜籃，用來包著肉吃，清新一點！

好姐妹話好耐無两個一齊行街shopping兼食飯傾計，所以約左今晚一齊買一齊食😁姐妹特別喜歡食韓國野，我梗系吾反對啦，佢話聽同事講過呢間餐廳既炆牛肋骨超掂，所以想試下，於是就揀左呢間餐廳😊我地好早就來到，服務員帶我地埋位後好快就送上熱茶同呢6小碟前菜，味道都吾錯😋特別系薯仔好軟綿帶微甜幾好味碟綠色菜都好爽口人蔘雞湯服務員端上來時仲滾緊架，啱曬我呢d喜歡飲熱湯既人😆個湯清清地，飲落有蔘味，雞都有半隻好足料，雞肉好嫩滑，最驚喜既系，連雞骨都超腍，一口咬下件雞時竟然連骨都可以食埋😳🤣炆牛肋骨❤️呢個真系好好味😋果然無介紹錯，姐妹都讚口不絕👍🏻牛肋骨d肉都吾少，而且好軟腍又入味帶少少肥😍個汁好香濃，如果吾系見已經叫左個麵，真系想叫碗白飯配果d汁😆仲有蘿蔔都炆得超入味吸曬d精華炒辣芝士年糕拉麵個麵底幾有彈性，吾會淋曬，醬汁惹味得來帶d甜過後就有d辣，幾過癮😆我比較食得辣覺得啱好，但姐妹就覺得辣左d，所以大半碟都系我食😆總括而言質素幾好，價錢都合理，難怪開在無甘當眼的地方都甘多人客，事關我地食到7點多D時已見餐廳接近滿座，而且是晚仲係星期一晚。我地兩個都食得好飽好滿足😆餐牌

數一數手指，我已經有兩至三年沒有到過韓國啦，真的有點掛著韓國的炒粉絲、豆腐湯、炸雞了。 思鄉病發作的關係，約了朋友前來食首爾家，這間餐廳第一次光顧時是公司老闆帶我們幾個同事來的，由那時到現在的水準 也沒有改變。 點了一個韓式拌飯，七彩顏色的配料，讓人食慾大增，以少許辣醬攪勻，連同底下少少燒焦的飯窩，口感尤其是香脆。 再來一個韓式炒粉絲，粉絲炒得爽滑彈牙 ，不會太過油膩，夾著大量的蔬菜，看似稍為健康了一點。 還有我最愛的炆牛肋骨，佐以紅蘿蔔和白蘿蔔，香甜的牛肋骨湯 最為吸引，讓牛肋骨滲滿了濃湯，口感柔軟爽滑，想必配一碗白飯最為相配，但菜式份量確是毫不吝惜，所以單單食幾款菜式已開始覺得肚子有飽飽的感覺。 雖然吃過一餐地道的韓國菜式，但仍想買張飛機票飛去韓國首爾呢！

韓國餐廳越開越多，新派既更係五花八門，所以偶爾都會想食返傳統既韓國菜。首爾家係其中一間，一睇裝修就知傳統正宗，因為室內都以韓式木傢具為主。麥茶天氣熱辣辣一坐底，店員就送上兩杯用鐵杯裝既凍麥茶。麥茶係韓國的傳統茶種，香港好少餐廳會提供呢種茶！味道有少少淡烘香，朋友話有去水腫之功效。八小碟前菜非常傳統的韓國餐廳先會比咁多樣前菜: 醃泡菜、醃海帶、醃魚仔、蜜糖薯仔、西蘭花秀珍菇腸仔、蓮藕拌黑芝麻醬、大豆芽、菠菜。最喜歡蜜糖汁薯仔，甜甜地又夠粉; 而醃海帶就酸酸味味，開胃！炆牛肋骨 ($128)超正的牛肋骨！一上枱時，啲汁仲係個煲裏面滾，飄來陣陣的香味。個汁非常鮮甜，因為用上左紅蘿蔔、白蘿蔔、冬菇、紅棗、八角去炆！牛肋骨無得彈，炆得非常鬆軟而且好入味，仲要啖啖都有濃郁的牛味！蘿蔔炆得非常淋，係口中溶化。最衰叫得太多野食，無叫白飯，否則送飯一流！韓式炸雞加沙拉 ($148)炸雞味道叫左雙拼(原味和甜酸醬)，個人覺得原味既好食，肉裏面有油香，唔會太乾。反而甜酸醬炸雞既脆皮有少少硬呢。沙拉無用好多沙律醬，主要有蘋果同菠蘿，清新解膩。炒辣芝士年糕拉麵 ($88)鋪面的芝士好多，而且欣賞用火槍燒過。醬汁

平日也多與朋友在銅鑼灣食飯, 但不是友人帶路下, 原來隆堡柏寧頓酒店有一間食韓國野的店舖, 叫首爾家韓國料理. 坐下後, 店員先奉上前菜, 一共有六碟, 估不到款式有咁多, 即使不食辣嘢的我, 也有不少選擇. 我地點了牛尾湯, 炆牛肋骨餐和海鮮蒽油餅. 牛尾湯. 個湯比較淡, 所以附有鹽, 有需要時可以加入湯中. 牛尾的肉算幾腍身, 肉也有不少. 炆牛肋骨餐. 上枱時已經香味撲鼻, 並跟有一碗白飯. 這個較牛尾湯濃味得多, 牛肋骨炆得不但夠腍身, 而且相當入味, 非常好味道. 除了牛肋骨, 仲有其他配料, 如紅白蘿白, 年糕, 全部不要錯過, 因為吸收晒所有精華, 特別惹味. 而個汁混入白飯一齊食就最啱. 海鮮蒽油餅. 由於我唔食辣, 所以選了這款海鮮口味. 蒽油餅唔算太油膩, 若蒽味再多一點, 更加好味道. 餅的厚度適中, 入口時幾鬆軟, 不會太乾身. 最後, 點了熱的韓國梅子茶. 一口氣食了不少濃味的食物, 飲番一口帶酸的梅子茶, 能夠幫助消化, 又能解油膩.

平時食韓國野多數都喺燒肉 嗌餸食二選一 今次嚟首爾家點諗到可以一次過滿足到我兩個願望👅-先叫咗韓式拌飯 ($78)都喺個句見到隻太陽蛋就已經好開心～ 可惜今次無燶邊 小小失望～今次揀咗豬肉 其他配料都足 加埋辣醬 撈埋蛋汁 真喺每次食每次都好令我回味 不過個飯略嫌淋咗啲同濕咗小小-炆牛肋骨 ($128)呢個又喺每次必食😂 呢到嘅牛肋骨炆到幾軟糯 唔會好韌 佢個汁幾清甜 蘿蔔幾淋 而且好入味👅 送飯一流💓-五花肉 ($128)呢個脂肪分佈好靚～ 無咩調味 就咁燒夠哂原汁原味 唔夠味可點一點佢個辣豆瓣醬 正啊～👍🏼-醃豬皮 ($88)燒咗之後膠質好重😍 女士必食啊 補充骨膠原💓 而且佢醃個醬汁幾好食 唔錯唔錯～-重點喺 燒肉佢仲會送個蒸水蛋俾你👅 放喺爐燒 個底燒到有小小焦香味 而且入面又有啲蔬菜粒 店員又會幫你睇火 得就幫你拎起食得 個蛋整得幾滑💓另外佢啲小菜都好多碟 全部都好食又開胃👅-估唔到一次過可以滿足哂兩個願望 仲要味道唔錯👍🏼 如果好似我成日三心兩意 不妨可以嚟呢到試下👅

特意過來首爾家，食下傳統韓味甜品。7点前比較少人，之後，有很多 Reserved Table 呢!2個人，點了3餸1甜品。坐下就有小巧的前菜。薯仔軟身又入味，少許甜甜的。青豆也乾身又脆。泡菜就少辣。燒牛肋骨$138先來雞蛋在爐中煮。口味是清淡的，配牛肋骨食，可以呀!長長ㄧ條牛肋骨，可剪成6小片。牛肋骨也很厚身。牛肋骨挑了沒有任何醬料。但燒好後，肉汁多，加些醬料已經很正啦!我最喜歡就拌洋蔥一齊食。炆牛肋骨$128之後食炆牛肋骨，又是另一種風味。牛肋骨炆到完全入味，充滿香甜。又有肥位，整個配搭令我很滿足。除了5/6 大件牛肋骨，還有紅、白蘿蔔，都係完全吸收湯汁精華。香甜湯汁，加碗飯就 perfect!喜歡甜食牛的，不要錯過。辣炒芝士年糕拉麵$88辣炒芝士年糕拉麵用上彈牙韓式公仔麵。想不到也是比較香甜。少辣程度。年糕不算多，也不夠軟身。韓式雪糕甜餅$88最後食了韓式雪糕甜餅。是傳統甜燒餅。食落外皮被煎香，有些鍊奶，質地是 QQ的。混上2款雪糕食，確實很不錯，亦飽肚。

好美味的炆牛肋骨這張相發佈在facebook，有幾位朋友問我是否去了韓國，好搞笑呢，其實只是到了公司附近首爾家食了個晚飯而已小店位於銅鑼灣邊寧頓街７－１１旁邊，當日早了點收工，到餐廳時人流不太多感到更舒服，空間感大，燈光光猛～裝潢頗別緻的，好有韓國ＦＥＥＬ，餐廳的服務生大都是韓國人，用英文溝通沒問題食物屬區內中等，款式也多，有各式小食，韓燒、湯、主食和甜品都是幾十蚊到百多元有交易前菜也是任食的，很喜歡他們的甜薯仔，好腍又入味，一點也不味精～有homemade的感覺泡菜也沒有平時食的咸，感覺健康一點ＯＰＰＡ店員推介純味特級牛肋骨＄１３８看到那牛肋骨脂肪比例平均，紋理分明，份量也十分合理，是原條的牛肋骨ＯＰＰＡ為我們燒肉，直接把整條放下爐上煎，香氣迫人一下子就熟啦，牛肉肉質嫩滑也多肉汁，肉質充滿彈性，一點也不油膩，另外可沾上醬汁來食，之不過我比較喜歡食原味的～我們另外點了炆牛肋骨＄１３８，是物超所值的那塊牛肋骨好大件，足足一個飯碗般大～但好入味而且好腍，但腍之際肉質還保留住一點咬口和肉香，那濃郁的肉汁充滿味蕾，我心想他們是如何處理肉類的呢，平時我在家炆肉類，即使把它切得好細塊也不能做到如此

在這一年吃過不少韓國料理，無論是甜的辣的酸的炸的，但大多都是以韓流菜式爲主。今天走進一間感覺很私房菜式的韓國餐廳，沒有很勁爆的K-POP音樂，也沒有華麗的裝潢，取而代之的是暖暖的、古典雅致的木制家具，這種樸素、簡單的氣氛，很喜歡。對了，你會意想不到的是，「首爾家」是坐落在一家酒店之内，但更預計不到的是，價錢很親民，並不離地哦。和一般的韓國餐廳相同，首先送來的是一碟碟的前菜，但不同的是，「首爾家」款式較爲多樣化，而且有我最愛的魚乾仔(其實有了這個其他我都可以不要了，哈哈)，見到時眼睛都發亮了耶!!! 魚乾仔用來送酒是一流的哦，首先煙煙韌靭的質感可以止住口癢癢的感覺，而且甜甜的夠惹味。另外前菜還包括泡菜、西蘭花配香腸、翠玉瓜、甜薯及韓式魚片。如果單純吃韓燒好像太熱氣，但一場來到不試試看又會心思思，女人的確很麻煩耶。所以我們最後選擇了叫一些烤肉再加上主食，感覺好像兩全其美一點。現在大行其道的韓燒都是以爐邊蛋爲主，但這裡用上的是「爐心蛋」哦。「爐心蛋」就是在烤爐的中間有一個鐵的砵仔，裏面倒滿了濃濃的蛋汁，利用烤爐的熱力，等上半個小時左右就可以吃了。店員會在爐心蛋大約8成熟的時候把它們快速的攪拌

很久以前在這家韓國餐廳－－首爾家開張的時候有特價優惠。那炸雞一盆都是一百元樓下，抵食程度叫人想日日幫襯。可惜當時剛開學大家都忙，約不到友人，唯有放棄一試。可是這次為了要慶祝友人可以讀Bachelor，加上補回之前的生日飯，種種原因……「不如我地去食韓國野？」　　說實話沒有上過去，只是路過的時候會眺望一下，也不知道內裏是怎樣的。其實是位於一家精品酒店的一樓，環境應該不差吧？星期日至四晚飯時間有啤酒買一送一優惠，九點半後入座更有八折。　　環境頗有舊時韓屋的感覺，主要是因為屏風吧？雖然有得燒烤，但跟常見的設備不同，不是用那從天花板吊下來的抽油煙管。店方指這款爐不需多加花款，旁邊一大堆氣孔就可以洩去油煙。這個是高級得多的版本，沒有那搖搖晃晃的煙管阻礙，不過我們還是沒有烤肉啦。　　前菜款式多樣，包括泡菜、魚乾、芽菜、翠玉瓜、薯仔及蓮藕。個人來說最喜歡的倒是帶硬韌嚼感的魚仔，鹹鹹甜甜夠惹味。友人則大愛那綿身微甜的薯仔，香口又不會叫人太飽滯。韓式炸雞肉（醃）+沙拉　$148+10%　　一場到來，當然要吃吃這裏頗為有名的炸雞啦。以小鐵板上桌，其實不太懂箇中原因，說保暖的話其實又不算有效。怎樣都好，起骨

同哈韓嘅朋友當然投其所好，食番韓菜，幾類韓菜中，朋友覺得食韓燒最過癮，有氣氛，又可以自己動手燒吓，所以，小弟是晚就撓埋雙手等食。踏入餐廳，發覺個鋪有啲三尖八角，但枱與枱之間拍得唔逼，部份份又有啲屏風隔住，所以，我哋就刻意揀最入嘅4人枱，多啲私人空間，又少啲騷擾，至少唔使驚嘈住人哋。此外，烤爐用下抽式抽風，即爐邊已設有抽風，效果幾好，食完都唔覺一頭煙！雖然嚟食韓燒，但發覺其他菜式有唔少選擇，所以，韓燒方面就揀咗兩款肉，另外，再加兩款韓食。佢哋有多款二人（$428-$648）或四人套餐（$838-$1,138），睇落份量十足，相信二人套餐夠晒三個人食，四人套餐亦夠五個人食。前菜按慣例，先嚟多款韓式前菜，分別有韓式泡菜、翠玉瓜、魚片、魚乾、甜薯仔同大豆芽共6小碟。整體味道唔錯，個人較喜歡甜薯仔同大豆芽，前者粉腍微甜，幾得意，後者爽口帶麻油香，簡單美味。爐中蛋上菜期間要點時間，除食住前菜，一開始店員已準備個「爐心蛋」，之前試過好幾次邊邊蛋，今次晌爐中間煮蛋都喺第一次，店員會全程幫你搞掂，無需費心，一砵雞蛋煮好，有啲似蒸蛋嘅感覺，嫩滑而富蛋香。真喺叫個飯，食啲前菜，加啲蛋都夠一餐。蔬菜籃食韓燒，