炑八韓烤 (歐亞銀行大廈) (已結業)

難得放假，瞓到自然瞓是常識吧！一早起來已是食Tea時間，要食當然要食好啲，今日就食咗個韓式Tea！吃韓菜就是這樣子，主菜未到吃泡菜也打你吃飽！這家的泡菜都幾好味，我雖然不太能吃辣但也接受到。另外還有海帶湯，伴著前菜喝，非常開胃醒神。點了兩款下午茶：芝士串燒五花腩、炑八炸雞，都是肉肉的美食，餐飲則是菠蘿梳打，下午茶吃這些太誇張了吧！炑八炸雞Size非常大件，3人吃也會很飽。炸至香脆的雞件，伴上韓式辣汁，很是惹味，這個雞件比較乾身，熱氣Junk Food控一定會好喜歡。芝士串燒五花腩則令我非常期待，因為芝士拉絲實在太好玩。在廚房煮至半溶漿的芝士，在上碟時給我捲起五花腩來吃，啖啖肉啖啖Juicy，豬肉肥瘦均勻，燒得肉質爽口彈牙，吃下去滿口都是軟綿綿。吃得時候記得把眼合上，否則卡路里小姐不會放過你，哈哈！而幾十蚊下午茶就食到平時晚市的貴價五花腩，價錢是相當吸引的。吃完肉後，甜美邂逅才是重點呢，炑八的冰沫實在太好吃了！我特別喜歡黃豆味，很傳統韓式的口味，與冰沫出奇地配合。冰沫完全沒有多餘的水份，整個奶味很強，而且質地是雪花般幼細，吃到一半也沒溶掉。整身的甜度已經很足夠，不需要額外的煉奶。一個冰沫

閨蜜好鐘意食韓國野通常約岀嚟都會食韓國野但燒肉一定燻到成身都係味😟見到炑八有免燒既下午茶就滿足到我地既食慾😋星期六下午都唔太多人 我地分別揀左7號同8號 先嚟4碟前菜！海帶、醃蘿蔔同泡菜都好好食海帶同蘿蔔酸酸地 我地2個要爭嚟食😂再嚟係海帶湯小豬叫左杯凍檸茶 甜度係少甜閨蜜就叫菠蘿冰本身以為冇乜味，原來係閨蜜冇攪拌好😂菠蘿冰味道都唔係好甜，啱啱好芝士漿入面有d青紅椒色彩鮮豔d睇落感覺冇咁漏店員叫我地要盡快攪下 免得燶底嗚呀😍拉絲既芝士真係好吸引 呢款芝士特別既地方係芝士口感比較煙韌，有少少咬口同一般芝士漿口既感覺有d唔同五花腩唔會好肥，豬皮連脂肪既位唔膩我地2個每人食完兩舊都漏漏地以下午茶嚟講，呢份炸雞都算份量多如果甜酸醬多d就會惹味d難得係外面脆，入面都係肉嫩，帶少少肉汁因為炸雞好味既關係😂上面既炸年糕就較為失色食完未夠喉，決定加20蚊食個冰沫 估唔到加$20份會係平時既size好抵喎！店員建議我地加煉奶就撈埋嚟食啦！挖開入面見到朱古力粉同棉花冰係一層一層咁放，所以唔記得撈埋都唔怕食到下面會冇味上面有幾舊朱古力蛋糕仔最驚喜係冰沫入面收埋左一粒粒糯米糍仔口感度即刻大增！

今次尼炑木唔係食烤肉 係食佢新推出 大玩新意思嘅西韓fusion afrernoon tea環境充滿泡菜國風味 地方好大好闊落 坐得好舒服 播住k-pop music 韓味濃 不過冷氣好勁下 怕凍嘅女孩子可以帶定件外套一坐低侍應哥哥就送上前菜啦 豬小姐就覺得芽菜同海帶最 芽菜用蒜蓉醃過 爽口又惹味海帶酸酸甜甜 個汁好特別 係個好開胃嘅前菜 而泡菜就普普通通 羅白就過酸了 可能切得好薄 索哂啲醋嘅關係吧 豬先生話食到標眼水tea set有八款 我地叫左芝士五花腩(可選雞肉)串燒同炑八炸雞 芝士五花腩賣相好吸晴 見到熱辣辣半溶狀態嘅芝士係鐵板上沸騰 香氣四溢 香濃芝士加入紅椒同青椒 令顏色咁鮮艷 微焦嘅五花腩充滿油香 肉質軟稔 尼個組合認真邪惡 豬小姐係咁起勢將芝士包住舊五花腩 芝士勁拉絲 好睇好玩好食不過好難避免嘅係 真係比較油膩同飽滯炑木炸雞份量頗大 有一串年糕放面 年糕略略炸過 加上黑白芝麻同脆糖 口感煙韌有咬口 甜甜地幾香口 炸雞無骨啖啖肉 外皮炸到薄脆 裏面嘅雞肉仲keep住嫩滑 鎖住肉汁 挺juicy 值得一讚嘅係 炸雞油份唔高 唔會油林林 配上醒胃秘制甜酸醬 同韓國炸雞有得揮