為食龍 (已結業)

今日收工之後食埋晚餐先走，去左中環Soho區既為食龍，餐廳係大館附近，入口係地下。餐廳兩層高，地下係廚房同立食區，一樓有位坐。門口店員俾個數字牌我，自己上樓梯之後由店員帶位。裝修以恐龍同森林為主題，都幾有玩味，餐廳播放住輕鬆西方pop music。為食龍主打日式腐皮壽司。除左日式腐皮壽司，呢度仲有特式卷物，沙律，飯團，炸物，小食，芝士，飯及烏冬，甜品，同飲品。呢度都有酒飲。用餐時間90分鐘。今餐叫左兩個主食同一件日式腐皮壽司。炙燒檸汁帶子腐皮壽司 $36 另加一炙燒檸汁帶子腐皮壽司用隻好靚既日式碟仔裝住。帶子夠厚身，算鮮甜，炙燒後更香，再加少少醬汁，下底既壽司飯加左檸汁，酸酸地好開胃。介紹話呢度用嘅日本腐皮會先用高湯浸過，降低甜度同時可以更襯托出海鮮嘅鮮味，腐皮食落都唔覺過甜。有特色。日式鰻魚蛋包飯 $198 另加一日式鰻魚蛋包飯條鰻魚好大條，應該係市面上最大既size，食落彈牙啖啖肉。鰻魚下面係超多滑蛋，上面灑上好多加左鹽嘅紫菜絲，再灑上黑白芝麻粒。滑蛋下底係白飯，其實似係滑蛋蓋飯多啲。滑蛋夠滑，份量唔少。加左鹽嘅紫菜絲記得要撈埋白飯一齊食。白飯好濕潤，非常腍。特濃芝士雞肉烏冬 $1

之前外賣幫襯過兩三次腐皮壽司😛 知佢開左堂食已經好想試😍 終於搵到時間黎😛 估唔到佢咁大間😳 個入口勁似d機動遊戲門口😂😂.樓上先係餐廳area 下層主要係reception同kitchen 穿過神秘嘅恐龍🦖樓梯先到餐廳area🤭 上到去又係截然不同既感覺～ 已經有聖誕🎄佈置 仲有signature為食龍🦖既wall😍 最喜歡應該係卡位 超可愛der😚堂食以日式料理為主 主打還是腐皮壽司還有卷物們 仲有芝士/串燒拼盤for sharing😛 飲品系列都超可愛desu👻 仲有酒品～.▫️牛油蒜香赤蝦腐皮壽司🍣 $35▫️炙燒檸汁帶子腐皮壽司🍣 $36一場黎到梗係要食腐皮壽司😛 口感還是很飽滿 滿滿的一口 味道好似比以往更甜～用牛油蒜香突顯赤蝦既甘甜 咬落好爽彈 仲加左啲蟹籽粒增加口感😚 帶子口感彈牙 微微炙燒過令味道好香口 帶點酸味既檸汁🍋令帶子食落更鮮甜👻.▫️醬油忌廉芝士飯團🍙 $49飯糰嗌錯了🥲 沾滿了紫菜碎和葱花的三角型飯糰😛 飯粒食落彈牙 黏度剛好 食到依稀既醬油鹹香味 中間夾左原粒既cream cheese 好鬼邪惡🤭 .▫️炙燒左口魚蟹膏丼 $188左口魚同蟹膏各沾左半個丼飯😳 前

環境有特色，好森林，好多綠色草，葉，樹，牆壁，桌面都有啲恐龍仔小擺設做裝飾。咁啱坐係風口下，凍到往生，其間已有店員嘗試調較冷氣，但冇乜分別。✨味道79分，環境80分，服務78分。.🔸辣味三文魚腐皮壽司($26)🔸炙燒檸汁帶子腐皮壽司($28)腐皮甜甜地，盛載往飯同滿滿既魚生。三文魚食到少許辣味，食落油潤。帶子肉好厚，口感好豐盈，微微檸汁香。.🔸西雅圖鬼妹飯卷($68/半份)半份有四件，姐係火炙牛油果三文魚腩飯卷，面頭有塊厚厚既火炙三文魚腩，上面加左啲魚子醬，飯卷中心有牛油果。.🔸德州牛仔飯卷($48/半份)都係四件，飯卷中心卷著洋風烤牛肉，表面有燒汁，沙律醬調味，幾夾。.🔸焦香芝士泡菜炒飯($92)偏鹹左啲。較底部有好多拉絲芝士，濃郁芝味好正。炒飯好夠色水，有部份飯有金黃色焦焦地既香口。.🔸日式檸檬茶($49)⭐️係為食龍特調黎。好清新，好香檸味，酸酸地，有橙，有檸檸，亦有青檸，同時茶味都出。.🔸西村培茶朱古力($55)⭐️大推⭐️朱古力味好濃郁，同時伴著濃濃既培茶香，唔會太甜之餘，朱古力同培茶味各自參半，好正！