為食龍 (已結業)

今日收工之後食埋晚餐先走，去左中環Soho區既為食龍，餐廳係大館附近，入口係地下。餐廳兩層高，地下係廚房同立食區，一樓有位坐。門口店員俾個數字牌我，自己上樓梯之後由店員帶位。裝修以恐龍同森林為主題，都幾有玩味，餐廳播放住輕鬆西方pop music。為食龍主打日式腐皮壽司。除左日式腐皮壽司，呢度仲有特式卷物，沙律，飯團，炸物，小食，芝士，飯及烏冬，甜品，同飲品。呢度都有酒飲。用餐時間90分鐘。今餐叫左兩個主食同一件日式腐皮壽司。炙燒檸汁帶子腐皮壽司 $36 另加一炙燒檸汁帶子腐皮壽司用隻好靚既日式碟仔裝住。帶子夠厚身，算鮮甜，炙燒後更香，再加少少醬汁，下底既壽司飯加左檸汁，酸酸地好開胃。介紹話呢度用嘅日本腐皮會先用高湯浸過，降低甜度同時可以更襯托出海鮮嘅鮮味，腐皮食落都唔覺過甜。有特色。日式鰻魚蛋包飯 $198 另加一日式鰻魚蛋包飯條鰻魚好大條，應該係市面上最大既size，食落彈牙啖啖肉。鰻魚下面係超多滑蛋，上面灑上好多加左鹽嘅紫菜絲，再灑上黑白芝麻粒。滑蛋下底係白飯，其實似係滑蛋蓋飯多啲。滑蛋夠滑，份量唔少。加左鹽嘅紫菜絲記得要撈埋白飯一齊食。白飯好濕潤，非常腍。特濃芝士雞肉烏冬 $1