發記腸粉粥品

營業中

休息中

港島人既我專登走左去下白泥睇日落，逃經元朗，去到咁遠既地方緊係要咩都試下，而我地就揀左食粥，食得西餐多都會想食下中餐😆當然對環境同service既期望唔會高，好食就得😋其實店入面都keep住full，好多人都快食就走，店入面都係得兩個員工執枱同落單。由於入到元朗，我地咩都食下，所以只係嗌左幾樣輕食。❤️荔灣艇仔粥🥣用沙窩裝住，唔會好快凍🥰最緊要粥夠綿，材料足，有魷魚，豬皮，肉碎，加埋葱花，味道剛好，唔會太鹹👍🏻❤️肉片炒麵👩🏻‍🍳大量肉片，好似食極都仲有咁😆炒得香口，加上芽菜椰菜點綴，麵又唔會太濕。❤️炸兩🍴依個咁受歡迎既食物，都應該好小整得難食，唔係特別出眾，主要想食番傳統既味道，加埋醬油，配埋粥一齊食👍🏻

是日一行4人黎到元朗搵食，朋友強烈推薦呢間粥店，話啲粥超好食，尤其雞粥，間鋪超旺場，坐滿哂人，去到都要排隊等左約15分鐘先有位，不過果然冇令人失望。睇左陣餐牌叫左兩個粥，一碟腸粉同一碟炸兩share。先講果炸兩，真係好普通，冇咩特色，但當然唔係難食啦！到果香菇雞絲腸，雖然話係雞絲，實際係雞件黎，啲料多到腸粉都包唔住，18蚊黎講完全超值夾抵食啦～到朋友極力推薦既靚靚鮮雞粥，粥底好鮮味，啲雞勁滑，仲要一碗粥勁多雞件，好似唔洗錢甘，超足料。相比起雞粥，我更中意呢個靚靚碎牛粥，因為果粥底仲正，仲鮮甜，配啖啖碎牛真係好好食，啲碎牛又係多到好似唔洗錢甘，勁足料，仲要都只係26蚊，性價比超高。整體黎講，真係好抵食，4個人先食左一百蚊多幾蚊，仲要樣樣都好足料，食到甘飽每人先要廿幾蚊。黎呢到都唔洗睇環境，唔洗睇服務，服務係快同快既服務，即係落單快上菜快收野快既傳統港式餐廳服務。

成日見到間粥店好多人係門口排對，但到底點解食粥要排隊呢？食完覺得佢價錢貼地，唔會負擔唔起。而用料新鮮，豬潤同牛肉都非精粉嫩，粥底亦不會太浠。個人喜歡腸粉皮厚得黎又有質感，可以沾多D佢地既小甜鼓油，食落口有番細細個係傳統粥鋪果D味😍乾炒牛河既牛肉好滑，但想食鑊氣既就要去番茶記啦。蠔仔碎牛粥真係不得了，我食到最大粒果隻蠔中大過我手指公，而且絕對唔係一碗得三四粒！炸兩既油炸鬼都尚算新鮮，而且中有花生醬可以自己加，好似食腸粉咁😂

一早起身去元朗食粥拉腸粉，鋪頭小小，但滿有人情味，四周都黏滿手寫既餐牌，外面亦有很多人在等位，今次叫左碎牛粥，炸兩，同牛脷酥。碎牛粥，粥底綿，碎牛多，兩個人食一碗都夠炸兩，麻醬，甜醬，辣醬都係任落，已經好少地方有得食牛脷酥，傳統粥品小食，應該依家啲小朋友都唔知依咩，甜甜地，沾下啲粥食仲好食

今日收工之後個人好攰，完全冇乜胃口，同男朋友兩個人在街閒晃抉擇緊食咩嘢做晚餐之際⋯⋯見到發記唔洗點排隊，加上清清淡淡食下粥降下火都好，坐係膠凳等左一陣就可以入座了～～都算快手！餐牌寫曬係牆上，方便大家一目瞭然！男朋友叫的及第粥上枱熱騰騰，用料十分豐富，大塊豬潤，粉腸等等，口感算綿滑至於我叫的豬潤粥，整碗粥有成10 塊厚豬潤，確實豐富，但豬潤質素不一，有些新鮮爽彈，有些口感過粉欠新鮮，而粥亦比較稀比較水，嗯，我只會俾合格分數！炸兩一般，不見特別平平地又簡單又快就解決一餐！

今晚突然有幸和另一名網絡作家到元朗找野食，我們邊走邊看找食店，最後見到這店竟然在晚市還是坐無虛席，才知係在地名店，當然要試試，幸好我們不用等太久就有位……他貼在牆上的餐牌很得意，因是一張紙摺好一格格，然後手寫的餐牌，十分傳統。……我見到有豬膶粥，當然要試…一上桌時我都有點驚訝，砂鍋上，份量超多，滿到瀉的粥配上足料的豬膶，食下去時豬膶爽，沒有太大血腥味，好耐沒有吃咁好的豬膶……另外點了蝦腸和炸兩，腸粉皮滑溜，而由於應該是即叫即整和流量快，所以油炸鬼很脆，蝦都算新鮮靚靚蘿蔔糕（餐牌上的名字）:係見到隔壁檯點了看來十分高質素，所以點了，他即叫即煎，蘿蔔絲算不少，可以一試。……在加上朋友點的粥，每人都不用50元，又抵食又大件，真的不錯。……題外話：這店的姐姐十分忙碌，但跟街坊熟客仍是有點閒話家常，有點意想不到。另外，見到有不少人外賣，但都自攜器皿裝粥，真的是街坊店才樂意做，但既環保又方便，何樂而不為呢？

話説有一排我腸胃差到爆，食嘜都想嘔，又頭痛，結果男友就同我去左食我地從來無試過出街比錢食既粥。男友話粥係用砂鍋上既，有啲份量，之前食過又唔差，所以一直想帶我去試。但鑑於我地都係食開濃味油膩野，所以無動力去食，而家終於有個咁大既藉口去try 1 try 佢。碎牛蠔仔粥先上枱，粥底唔算煲得綿，但好夠味。蠔仔鮮甜同算大隻，份量都唔少，碎牛醃得好入味，但食得出都用左幾多味精。艇仔粥無碎牛蠔仔粥咁惹味，無預先醃味，魷魚鬚豬皮份量都滿足到我。炸兩的確麻麻，不過可能我地食晒個粥先食佢，究竟係黎既時候已經凍定係我地放到凍左都無辦法深究，不過可以講既係啲皮的確好厚，油炸鬼已經淋晒，唯一可讚係豉油甜甜地幾好味。可能因為唔舒服，我食左2舊就無食了，全部男友包底。其實份量真係唔少野，碟炸兩都好大碟，粥同隻碟拍埋，size 真係差不多，依餐食得飽飽都係70蚊，抵食！

最近腸胃不太好，今晚跟baka放工後決定到久違的元朗清清淡淡吃粥。以前因為補習的關係，經常會到元朗再順道吃晚餐，有點懷念發記的粥品。平日晚上來到，食客不算多，我們點了皮蛋瘦肉粥。每次吃粥的上菜速度都極快，今次也不例外，粥很足料，有很多皮蛋，而且粥的質地綿綿，熱辣辣，好味！點了上次吃不到、很喜歡的牛俐蘇，應該是最後幾客，因為之後的食客再來店員說已經售罄了。我習慣牛俐蘇浸進粥裡再吃，可惜牛俐蘇口感太鬆軟，而且甜味略嫌不足。另外點了炸兩，腸粉太厚太軟腍，感覺很求其。蝦米腸很滑很厚，足料，不過一般。整體來說除了粥外，其他油器腸粉水準一般，但還是喜歡這種街坊粥店，等冬天再來吃綿綿粥吧。

晨早流流由馬鐵總站搖搖搖到黎西鐵既元朗站。本身店同火車站都算近，10﹣15分鐘就行到既，但城市人入鄉呀，行左好多委屈路呢去南生圍前最適宜食番平較清淡既粥去應付南生圍既艱巨之行呀！西貢都有好好味既粥店金山，呢間我會話係銀山，輸在油炸鬼！炸兩大大舊，滿足O西我地呢D貪心鬼，有滑滑既腸粉皮，又有油炸鬼，可惜佢個油炸鬼係淋既，敗筆也！X燒腸這實在無得彈呀！腸內雖然得X燒，蔥都無粒，但勝在簡咁就精，X燒數量剛好，配著甜鼓油腸粉:chopstick食到一舊又一舊！挺仔粥就MAMA地，因為D材料都無咩味，所以個粥唔夠甜，點錯菜，怪自己！因為佢唔係傳統既飯粒煲開出來既，所以可能煮時D蠔仔出水，所以個粥比挺仔粥既粥底稀，但鮮味十足呀，因為佢好豪呀，入面有好多蠔仔仔仔食落無腥味之餘又甜，入口蠔仔帶少少甘甘地咁！正！！！食飽就起行去南生圍，行番出油站坐往采葉庭方向小BUS，好快8分鐘就到！

食完晚飯過左陣..想去食宵夜...就去左發記lu!艇仔粥 $17 真係好大碗丫 見住佢成個煲到晒落去.. 如果一個女仔係食唔晒..同人Share就最岩 味道好好..唔洗落是油果d都好夠味 d料都落得好足!又平又抵食 炸兩 $12 d腸粉好滑 加埋d辣醬一齊食 正!價錢好抵! 衛生睇落去錯唔算差..佢幫你洗埋隻碗..拎上手仲係熱既服務一般..因為佢地太忙啦

元 朗 逛 逛 後 ,,2 人 便 到 發 記 醫 肚..撞 正 食 環 處 掃 街 ..門 外 不 能 放 TABLE 哦"幸 好 早 到 一 小 步,, 等 了 一 會 便 有 位 .. 2 個 人 ,, 叫 了 ::艇 仔 粥 :: 瓦 煲 上 的 .. 很 可 愛 >V<..綿 綿 的,, 不 錯 吃 唷"鮮 蝦 腸 :: 蝦 的 SIZE 也 算 剛 好 .. 好 味 =]!!叉 燒 腸 :: 足 料 了 .. 平 時 不 太 好 的 也 覺 得 好 味 =]炸 兩 :: 也 不 錯 唷 ,,自 己 落 了 很 多 甜 醬 XDD".. 不 過 炸 兩 凍 得 好 快 "可 樂 :: 可 樂 就 是 可 樂 唷 .. 嘻"炒 麵 :: 炒 麵 這 個 ..很 很 很 油... 味 道 也 不 太 討 好-V-..很 努 力 下 結 果 也 淨 了 不 少。用 餐 後 .. 超 飽 超 滿 足 XD也 許 是 我 們 叫 了 太 多 東 東 吧 ..TABLE也 不 太 夠 位 放"看 見 格 離 黎 的 成 年 人 們 ..2-3 個 人 最 多 也 只 是

12.27是夜很想吃粥, 1點幾, 男友提議來這裡吃粥。在及第粥 與 艇仔粥之間作出選擇, 終於選了艇仔粥($17)。再加一個炸兩($10)。艇仔粥是即整的, 所以要等一會兒才有得食。好大的一煲, 2個人食, 作為宵夜, 完全是卓卓有餘。新鮮熱辣上桌, 有很多材料: 魷魚﹑生菜﹑瘦肉﹑豬皮等, 十分豐富。沒有吝嗇, 材料很多, 每次也可以吃到不同的材料, 果然足料, 抵食。炸兩稍為遜色, 因為油條已經不是熱烘烘的了, 所以並不是香脆上碟的。幸好, 也不會有油益味。按自己喜好加醬料, 所以我加了很多麻醬及豉油, 滿足。 宵夜的好選擇!!