BnR (已結業)

藥膳花膠雞淮生麵🐔麵條彈牙有咬口有兩大塊花膠雞肉煮得剛好 鮮味十足湯底藥材味都幾重 飲落感覺暖胃 冬天好岩食花膠釀魷魚筒淮生麵🦑喺魷魚仔個頭入面釀左啲魚肉入去更加有口感呢個湯底就清啲 唔會油膩 好健康炸墨魚卷🦑墨魚卷外皮炸得酥脆裡面鮮甜彈牙 可以一試佢哋嘅冷泡菊花蜜同冷泡茶大麥都好清爽解渴令人食完嘢之後飲返幾啖 感覺舒服佢嘅裝修雖然簡樸但係帶有一種清新嘅氛圍好適合好似我呢啲追求健康同放鬆嘅打工仔嚟享受下個lunch

新裝修座位夠多又闊落，主打健康養生湯底，招牌准山麵好過癮。藥膳湯唔會太重中藥味，食完好暖身，岩哂女仔食～🌟藥繕花膠雞准山麵評分: 4/5好鍾意呢個藥膳湯湯底加埋准山麵，易消化又夠哂特別😊花膠雞件份量都幾多，肉質亦好嫩滑👍🏻必食〰️🌟冬陰公釀魷魚筒米線評分: 3/5另一款冬陰公特色湯底bb辣，幾惹味😋 釀魷魚筒彈牙多料，一啲都唔馬虎〰️🌟炸墨魚卷評分: 3/5小食新鮮炸起，外層腐皮酥脆，內裹墨魚肉好彈牙👍🏻可以一試～〰️環境: 3/5服務: 3/5地點: 4/5〰️#fat_factor_香港#fat_factor_荃灣#fat_factor_中菜

係荃灣廣場附近新開左呢間BNR，原來即係Broth Noodle Rice。主打唔同湯底既麵類同埋泡飯。重點係無味精！最後飲曬成碗湯都冇問題。而且最近天氣開始凍，啱曬食呢類湯麵。 1️⃣藥膳花膠釀魷筒淮山麵（$88） 好香藥膳味，而且飲落好暖胃～好啱冬天食。仲有雲耳、玉米筍、杞子，飲落香濃唔油膩👍另外魷筒幾好食，入面係釀滿墨魚滑既。花膠都有兩片，呢個價錢幾抵食。另外好鍾意個油炸鬼，好脆身！可以浸下湯索湯食，亦可以就咁食佢脆脆既口感。  2⃣️冬陰功海鮮米線（$68）（追加手工韭菜餃+$13） 冬陰功同平時泰式既唔太一樣，同泰式既酸辣有啲分別，呢度既酸比較重蕃茄味，配以辣味調味，感覺更加輕盈健康。配料有蕃茄切片，仲有蝦、魷魚圈、炸魚捲，都幾豐富。跟住仲追加左餃子，餃子比好想像中大隻，而且好多餡😋  3⃣️炸墨魚卷（$42） 有四條，點埋配上既酸辣醬汁，好夾。 

公公出左院啦🥹，所以出左荃灣睇佢，順便接爸爸收工。我又係爸爸公司附近睇下有咩食，見到呢間既餐廳餐牌介紹好健康😋，就入定去坐低等爸爸收工，坐位闊落，午餐叫主食仲有飲品送。麵既湯底主打「濃雞湯」，「鮮魚湯」同「特色湯」，仲有好特別既波波雞飯。我地order左一個麵一個飯，一個小食同一技豆漿。五指毛桃雞淮山麵 $68追加$13 手工韭菜餃餃（2隻）：呢排轉天氣有幾聲咳😮‍💨，五指毛桃有止咳作用，所以揀左呢個做湯底，湯底清甜唔會油膩，雞肉🐓嫩滑，淮山麵爽滑彈牙，有勁多木耳，仲有脆卜卜油炸鬼，索曬啲湯汁好好味，韮菜餃皮薄，咬落去仲有肉汁流出😋。波波雞飯 ：拎到埋黎我“嘩”🤩🤩左一聲，個飯波好大個好得意呀，份量其實都好多，油飯很入味，醬汁原來有小小辣🌶️味，性價比高。炸墨魚卷：即炸脆卜卜，好彈牙。**見到隔離枱叫左“炸芫茜牛肉波”，都係大大粒好搞笑，下次試下先。📍BnR📌荃灣大壩街65號地舖#荃灣必食 #荃灣餐廳 #荃灣好去處 #荃灣美食地圖 #餐廳推介#假日好去處#ilovefood #hkfood #香港美食 #美食推介 #美食日記 #BnR #港式粉麵 #大壩街 #濃雞湯 #鮮魚湯 #特色湯

一間令人有驚喜既湯麵店😋🔸胡椒豬肚釀魷筒淮山麵 （$76）-胡椒豬肚湯多辣，無味精 飲完唔會口渴-豬肚夠爽口，仲有油炸鬼，木耳，釀魷魚筒-淮山麵都好好味，煮得岩岩好 唔會太淋🔸波波雞飯 （$65）-用油飯整成既波波球飯，飯好香亦唔會太油-海南雞份量多同好滑口🔸炸墨魚卷 （$42）-即炸墨魚卷好脆，令人忍唔住不停食-味道岩岩好，墨魚滑都好彈牙🔸青提梳打（$36）-飲落好重青提味，加埋梳打水一齊好夾📍BnR地址: 荃灣大壩街65號地舖

呢間餐廳一出荃灣廣埸過條馬路就到，勁方便。入面裝修唔似一般米線店，走簡約休閒風格，絕對坐得舒服。波波雞飯 $65★★★★☆雞飯整到波波狀真係好得意，成個賣相好特別，唔好睇少個4粒波，大大粒份量好足。雞飯每舊都係新鮮搓成熱辣辣，上枱仲冒住煙。雞飯軟硬剛好，食落有啲香茅香料雞油香，唔會淡某芋某。雞件用黃油雞，雞皮幾爽，就算雞胸位食落都唔算好茶口。最精髓係佢個醬汁，用左洋蔥炸香完去煮，食落甜甜地帶啲洋蔥香，撈飯點雞都一流！藥膳花膠雞淮山麵 $82★★★★☆個湯底有藥材味，加左紅棗、杞子等，飲落幾清甜，配落幼細爽口嘅淮山麵都幾襯。冇咩味精，飲左好多湯都唔見有口渴。花膠都有兩舊，爽滑冇腥味。雞肉好多舊配埋個湯都幾唔錯。另外仲有條細嘅油炸鬼，點湯食一流！整體好順口唔會太藥材味令到人卻步。炸墨魚卷 $42★★★★☆墨魚卷外面用腐竹包裹住，炸完之後勁香脆，入面墨魚卷夠彈牙有咬口，有墨魚肉，唔會正係粉漿，點埋個泰式辣醬，正。鍾意食香口野必點。🌟總括：湯底冇味精幾健康，雞飯賣相特別，整體味道唔錯，經過荃灣可以一試。

荃灣廣場附近又開左新店😆咁愛米線嘅我當然要去試😎餐廳主推藥膳雞湯湯底🍜特別推薦花膠釀魷筒淮山麵, 將墨魚滑釀入魷筒真係夠晒特別!! 仲有得食油炸鬼！而且配料非常足🤭花膠釀魷筒淮山麵 $88全部淮山麵都可以轉河粉、米線或泡飯! 所以如果唔鍾意淮山麵嘅口感,都有其他選擇㗎✨我今次就轉左河粉！雖然面唔係太多,但係配料好足夠,所以我都係好飽🤣除咗有兩大塊花膠, 三件大大嚿釀魷筒,仲有炸油炸鬼! 配上藥膳雞湯湯底真係好好食😋 不過冇諗到配菜仲有粟米芯同埋雲耳🤣餐飲 冰泡菊花蜜 +$8冇諗到係樽裝！不過有啲覺得太甜了🙈波波雞飯 $65呢個波波飯賣相真係好可愛🤣同埋實物比相更加大份！朋友淨係食咗兩個波已經覺得好飽🙈感覺嗰度有兩碗飯🍚雞好滑,不過有啲可惜係個飯係類似海南雞飯嘅飯, 但係唔係好入味~ 雖然都好粒粒分明！餐飲 凍奶茶 +$5 正常發揮炸墨魚卷 $42呢個價錢有4件, 略嫌有少少貴🙈不過味道係好食的!!