鳳城酒家 (已結業)

鳳城是老字號酒家，食物水準不俗，但服務水準參差相對亦公認，對於一些老字號的食店，特別是中菜館，服務水準不知為何都較飄忽，有人會話這些是人情味，而我對人情味的解讀就是個人化，即時好時壞，因為人都係有情緒的，所以對熟客就是人情味，但對於生客卻要看彩數，所以每次到老字號的食店，對於服務都會不會期待太高，沒有期望，就不會太失望。鳳城不是第一次食，亦覺得好食，今次遇著朋友生日飯，一班人又再光顧，所以選擇食尾段時間，可以食慢點，與朋友談談天。今次可能不是最旺日子，又遇著一位好笑容的姐姐，所以全程食得好開心，沒有大問題。食物水準亦對辧。點的都是大熱菜式，第一道菜，煎蝦多士，好味，不油膩，夠乾身。手工菜：煎釀鯪魚，這個手工菜現在家裏已不多人做，做法是先起魚肉，然後將魚肉與豬肉再打在一起再釀回鯪魚殻中，然後煎香，最考功夫的當然是起魚殻。這裏做得沒有泥味，也不醒，再外加有少少陳皮味，好食炒鮮奶，我本人不太好，不過這個不太油，但卻沒有太香的奶味。乳豬生腸拼盤（例牌），乳豬不錯，但生腸朋友話不夠爽，但夠入味。煎藕餅，炸粉果，自己對粉果其實一般，這裏的粉果皮不似平時點心的粉果皮，是較厚身的，而且吃時有粟米味，可

提早同家父食生日飯，老人家還是愛老廣東口味，尤其是傳統的順德菜，最後還是選擇去太子的鳳城酒家。鳳城雖有數間分店，但真正有老師傅監場的只有太子及北角店，其他的不吃也罷。雖然有些朋友說這兩店水準已不及往昔，但我只覺爛船總有三分釘的。由於家父早睡，一家人只能選吃午飯，菜式自然不及晚市那麼多。預訂了八寶鴨，這亦是太子鳳城最得我心的食物。八寶鴨是名符其實的手工菜，賣相實而不華，但內有乾坤。完整的鴨身內藏著蓮子、粟子、鹹蛋黃及綠豆等東西，那些內餡已吸滿鴨汁，加上肉亦酥軟，無牙的老人家也啱食，全家人均滿意也。上湯炸粉果也是我每次都鳳城必叫的。炸得香口的粉果放入上湯浸幾秒後，口感即起了變化，外皮變得Q軟，令人一吃難忘。再吃蝦多士（呢度叫鍋貼大明蝦），是傳統的味道，也是大人與細路同樣喜歡。叫多半隻招牌菜炸子雞，雞皮真的又薄又脆，是老廣東的傳統手藝。要了個例牌的彩豬，味道OK，但價錢較貴，性價比唔高。至於生魚就炒片及放湯兩吃，不過不失啦。雖然幾飽，但來到鳳城，還是要吃一些傳統點心，叫了個大飽，重溫兒時的味道。整體而言，太子鳳城還是沒令我失望，將來肯定會繼續幫襯也。

今晚一行七人到這𥚃食情人節大餐。炸子雞1隻，隻雞微暖，炸得有點乾身，一般。明蝦貼，蝦肉都幾大隻同埋都弹牙，多士不太油。薑汁芥蘭，薑汁味不濃，芥蘭應該灼過才炒，所以菜遠好淋身。生菜包，冇乜點試。咕嚕肉，皮不脆內裡肉質淋淋的，但加左d子𦍑又變得幾好食。椒鹽鮮尤，成晚最熱系這味，炸粉薄薄一層，尤魚又爽口，吾錯。桂花炒瑤柱，即系牙菜江瑤柱炒旦，炒得好乾身又有獲氣。鳳城炒飯，好似楊州炒飯，义燒、蝦仁、番茄粒好多料，d飯炒到粒粒分明。焗蓮蓉西米布甸（預訂），需然訂左但都等左好耐，個面焗到微微起焦，內裡西米同蓮蓉都比較浠，中看不好吃。埋單 $1406/7位，個人覺得北角鳳城比較出色。

已有幾年沒來鳳城酒家，原因是太多人，訂了位也總是要等，等都冇位企。心郁郁掛住佢啲傳統菜式，當家人提議去呢度食團年飯便舉腳贊成。它分兩個時段訂位，第一輪是6點，第二輪7:30，可想而知食6點嘅7:30一定起唔到身埋單走人，如是者我地15人最後8:30先有得入座⋯因為人多嘅關係，部份菜式要叫雙份先夠食。炸子雞唔錯，雖然皮唔脆，但雞肉嫩滑得嚟夠熟，加埋檸檬汁小朋友食到LAM LAM 脷。芫茜魚肚羹真係有勁多生芫茜，我夾走哂啲芫茜先食，個羹唔太咸，味道可以但不唔太特別。蓮藕餅是鳳城得意之作，一口咬下去能吃到蓮藕粒，與魚肉豬肉混在一起煎香，是送飯必備的菜餚。預訂了八寶鴨終於上場，鴨肉非常淋身出乎意料比其他餐廳的八寶鴨的味道較為淡，但依然足料，一大勺能吃到蓮子、蛋黃和鴨肉，啲鴨肉炆到淋哂連骨食好正我最期待的菜色是蝦多士，即炸多士外脆內軟，唔會油淋淋，出色豉椒鱔球都夠鑊氣，只係嫌鱔球少咗啲炒鮮奶比較令人失望，不知是否炒得太耐啲奶老咗，食落有啲鞋。咕嚕肉酸甜味十足，食落啖啖肉，很不錯甜品以西米焗布甸作結，熱辣辣，不會過甜，有陣陣蓮蓉和蛋香味，雖然好飽都要食哂佢！為咗食佢嘅招牌菜，等一個鐘都值得嘅。下次

與朋友飯聚,想食中菜,因可以坐耐d吹吓水,朋友建議去鳳城我哋由六点半坐到十点,客人都唔少,都有d嘈架,但冇所謂啦,老字号既酒樓就係咁,服務都可以炸子雞～好味,雞嫩皮脆竹笙上素～好多雜菜在內,味道啱啱好炒鮮奶～我觉得一般,冇乜味,又加左d杏仁片在面,麻麻地蝦多士～好香口,不會炸过龙 鳳城炒飯～好大碟,夠乾身,又足料整體上,不錯味道,价錢合理,值得去！

原為順德人也未曾試過香港的順德酒家，當然推薦給爸爸來試食年近歲晚，沒有加價沒有附加費，少數中式酒家的安排，也很易就訂位了，最終成為團年飯落腳點前一天看過幾款套餐，菜式都不是很合心意，最後預訂了要預早點選的數款因為預訂的原因，不用等位已可入座 乳豬/中 $298 雖有一點肥油，但入口香脆，醮點甜醬夾雜肉的鹹味，口感味道甚佳，不禁想添食多件 蒜蓉炒豆苗 $88 當造的豆苗，炒得幼嫩合宜，不會太老，而且調味不錯，不會太鹹，賣相也很翠綠，但在外難免多油 枝竹炆斑腩 $328(兩味)斑腩連枝竹冬菇草菇，斑腩炆煮得非常香濃入味，斑腩的份量也不差，如枝竹炆煮再入味一點會更佳 家鄉炒斑球 $328(兩味)與枝竹炆斑腩不同的煮法，斑球炒得鮮嫩，還食到魚的鮮味，配以菜心托底，不愧為索價$328兩味的大海斑 炸子雞/半隻 $140雖然預訂了兩款雞的菜式，但推介的炸子雞都要試一試，第一次連檸汁上的炸子雞，加入檸汁，肥膩感減半，更顯雞的鮮味，而且肉質嫩滑入味(走皮食呢, 所以未知是否皮脆)，不用醮汁已經鮮味盡出，果然是推介名菜，不錯 龍穿鳳翼球/10隻 $240早1日預訂的菜式，見其名已知是釀雞翼，但不知什麼料

《鳳城酒家》歷史由久 今天跟著同事們而來終於有機會吃吃看他有名的菜式囉 YEAH裡面的裝潢也是舊式酒樓的那種味道好有懷舊的feel好特別 服務員都是上點年紀的我們點了好多不同的點心 其中包括:::《蒜蓉蒸土魷》的蒜蓉味好重喔土魷蒸得好軟好入味 超好吃的 可惜太少《义燒包》包皮軟Q的 义燒餡蠻香的整個吃起來不會太咸或太甜 不錯《炸粉果》很有趣! 因為平常的都是蒸的這個炸的 還有一碗上湯讓客人沾一下再吃《炸腐皮卷》的腐皮很脆 也很香裡面的肉和餡料很香 吃起來又不會油《炸魷魚鬚》味道很香 炸得蠻酥脆的魷魚鬚的魷魚很香很濃 不過冷了就有點硬《炸子雞》是這裡的招牌之一 真的很讚!!外皮炸得超脆的 肥肉很少 肉質超嫩超滑的雞肉味很濃 不會很咸 味道超棒的~~~

下午打電話來訂位 , 已經要我地九點半先好來食飯 , 但行街行到差不多九點已經好累喇 , 咪早 d 上去睇下有冇機會有枱喇 , 點知上到去見到 d 人多到排到出門口 , 真係誇張 幾經辛苦先叫到佢地安排到一張枱俾我地四個人 , 由於當晚適逢做冬 , 所以菜牌上都是做冬的特訂套餐或一些限定的散餐 , 伙計們忙到甩肺 , 都招呼唔切 , 我地拿拿臨叫左幾樣呢度既招牌菜 ~ 炸子雞 - 最開心是除了外皮夠脆 , 食落去啖啖有雞味 , 其他的酒家不一定有 鍋貼大明蝦 - 其實即是蝦多士 , 大大隻釀蝦膠 , 食第一隻時真的好好味 , 但食第二隻已覺有點漏 大良炒鮮奶 - 裡面同大蝦一齊炒 , 鋪面更有大大粒既松子同金華火腿絲 , 一向對奶類冇興趣的我 , 呢味餸竟然味道討好 , 唔太騷味 , 咸咸地 , 我都食左幾多架 炒桂花翅 - 粒粒爽口既桂花翅 , 再加入芽菜 , 金華火腿絲 , 少少瑤柱絲和蛋一起炒 , 爐火炒得恰到好處 值得一題是 : 當晚雖然咁忙 , 但伙計們都冇黑面 , 而且叫佢地又開茶又開水 , 都好快做到 , 有服務 , 有味道

以前係鳳城刀係飲茶多,今次係度食飯刀係第一次因為大家太肚餓既關係,每一次有野尼刀搶住食甘亦可能甘既原因所以覺得D野食特別好味..咕嚕蝦球:一咬落口真係好酸,不過啖啖肉!油麥菜:真係一碟又嫰又靚既菜!炸子雞:皮脆, 肉嫰,好似入口即浴既感覺甘藕餅:一上枱就即刻搶住食.一咬!嘩!仲熱辣辣,有好多煙出尼將連藕切得細細粒,仲有鮮茹粒TIM,果然足料!大良炒鮮奶:有一陣陣既水牛奶味,再加上松子,正!綠豆沙夠足料又起晒沙,而且味道岩岩好!

本身麻麻地鍾意飲茶，因為鍾意食既點心唔多不過今次有小菜食就唔同幾乎全部都無令我失望的一餐，很滿意呢~點心：:古法馬拉糕 甜度剛剛好，不過蒸得太久，非口感鬆軟，而是太腍。咸水角 好味~皮的外層脆，但內層就煙韌芝麻紅豆角？ 同咸水角一樣美味，不過外皮略厚叉燒包 好味~水準之作山竹牛肉 蒸得剛剛好，又一水準之作，喜愛牛肉的朋友要試下了~ 金錢肚 牛肚入味，蘿蔔不會太腍/爽，個人覺得剛剛好~爽肚燒賣 爽肚一般，較淡，給金錢肚比下去了。燒賣好味~主菜鳳城炒飯 該店名物，的確是具水準的炒飯，醬汁均勻，炒飯夠乾身，好味~不過未至於驚為天人窩貼大明蝦 即蝦多士，索價$100，有點貴，但真的很好吃~ 輔以喼汁/淮鹽，我比較推介前者，因為淮鹽太醎 (我沾了很少而已)，蓋過了蝦本身的味。乃是日回味菜式。炸子雞 雞肉算滑，加上檸檬汁，口味清新更好食菜遠牛肉 又一水準之作，牛肉滑溜，鍾意食牛肉的朋友別錯過了粟米斑塊 我很鍾意食魚，而這道菜令我必定再來，斑塊乃新鮮而非雪藏貨，正~併盤 有海蜇、叉燒、乳豬、鴨、生腸，叉燒是偏瘦的，正合我口味；乳豬不錯~皮夠脆，肥瘦適中；生腸最好食，可與肥姐小食店媲美，新鮮~

去鳳城只會去傳統的旺角或北角分店, 相信心水清的食友都好清楚, 原因不再多講, 今次一大顆人來到, 叫左唔少野食, 其中幾款比較出色, 實在要介紹一下, 第一樣係要預訂的炸蟹鉗($42一隻), 價錢一d都唔平, 但試過後一定讚好, 用上原隻新鮮肉蟹鉗包著蝦肉, 撲上薄薄的粉去炸, 絕對真材實料, 無花無假, 唔似坊間大部份中菜館用上大量蝦膠同墨魚膠充當, 大大隻熱辣辣, 脹卜卜的咬下去啖啖肉, 並唔係只有一般墨魚膠的彈牙, 但卻有應該有的質感, 花四十幾蚊都值得一試, 畢竟肯花時間同心思弄傳統粵菜的中菜館實在不多... 第二樣係乳豬(例牌$118), 本來乳豬併生腸都係一樣價錢, 但本席太多人唔食生腸, 所以只乾脆地叫淨乳豬, 鳳城的乳豬大部份時間都係微熱或暖的, 因為見佢地燒味部每次只有一隻乳豬掛係到, 賣完才弄第二隻出來, 其實佢地的例牌的份量並唔係多, 大概有十多件左右,有花生鋪底, 我覺得適合做前菜或頭盤, 乳豬件係連骨片出來, 化皮咬下去都算卜卜脆, 皮脆肉嫩, 當然有d係連著少許脂肪, 但唔算太肥, 可以接受的, 水準一如以往的高 第三樣係脆皮炸子雞($200), 老實講

今日5個人6:30pm 來到, ( 雖已預訂了位 ) , 但都安排不到 5-6人枱給我們, 最後只有4人枱給我們 ,實在有點氣憤, , 無茶時要叫先行過來冲茶,加上欠缺積極, 所以整體服務只是一般 ! 另外環境方面因用木板間開了一些房間出來做晚飯雀局, 所以比較嘈吵, 到 7 :00pm 時已全場爆滿, 更嘈 食物方面 : 叫了一個4人套餐, 另外加了半隻炸子雞 ! 套餐有 : 魚翅湯 ,窩貼大明蝦 , 乳豬拼生腸, 炒班球, 時菜 及糖水首先 : 魚翅湯 , 翅很多, 夠味, 好飲 ! 窩貼大明蝦 , 夠脆, 食落口不覺多油, 正 乳豬拼生腸 : 乳豬皮夠脆 , 生腸夠爽夠彈牙! 炒班球及時菜: 味道一般, 合格 ! 炸子雞 : 皮脆, 肉嫰多汁, 好好味 糖水 : 綠豆糖水 , 夠水準 ! 每道餸菜比較細碟, 價錢較為貴了小小, 但仍可接受 !

慶祝活動停不了，今次輪到屋企人今次黎到鳳城酒家點解會揀呢到呢?只因為我要食佢嘅西米焗布丁無錯，曾經一度傻嘅我只係諗住食一個布丁就走了不過好快我又正常返不如約埋屋企人黎食啦啦啦就係咁，約咗差不多一個月每次回娘家都講一次佢地終於無端端陪我癲因為到出黎個一刻佢地仲為咗我嘅瘋言瘋語單打我呢瘋言瘋語咪就係只係食一個布丁囉哈哈哈哈哈哈哈，笑到肚痛乳豬海蜇妹妹要食乳豬，問服務姐姐細乳豬幾錢服務姐姐話 : 細乳豬唔夠你地食架，你地叫例牌啦咁例牌幾錢呀?佢話$140咁加埋海蜇墊底呢?都係$140呀，你要咪幫你加囉豆豉炒油麥菜問佢點炒油麥菜?服務姐姐都未答，我個腦急轉灣問 : 你有無豆豉鯪魚炒油麥菜呀?服務姐姐答我有黎到都無豆豉鯪魚嘅同埋個啲都唔係豆豉囉服務哥哥話 : 我地都無豆豉鯪魚佢講得好鬼攪笑架咕嚕蝦球一上到枱，個陣酸味直上大腦，攻鼻，攻喉，攻肺搶到要慢慢呼吸，稍為習慣了，就夾一件蝦喇第一口咬落去時，陣酸味搶喉差啲哮喘噫!!!咁似魚嘅?再咬真啲，噫!!!真係魚喎問服務姐姐寫單時，寫魚定蝦服務姐姐話寫蝦喎再咬多次睇下啲紋噫!!!係蝦喎咁點解我食第一,二次嘅時候感覺係魚呢?唔通陣味酸到混淆咗?問媽咪點解

無乜驚喜, 不過不失啦!我地四個人叫左五個餸再加上訂左個細的西米布甸係多了少少, 好在佢份量唔大, 所以最後都係食剩少少甜品啫. 至於食物方面:1. 生菜包: 味道唔錯, 但一放上枱見到以為有很多松子, 唔知點解食落又唔多覺, 可能係只放了些在面上, 內裏係無乜, 所以唔多食到.2. 蝦多士: 真的咬落唔會成口油, 但蝦的鮮味就差少少.3. 煎蓮藕餅 : 最失敗之作, 完全無蓮藕味, 唔講就唔知食緊乜.4. 桂花炒魚肚: 好味, 又唔會覺得油膩,5. 炸子雞: 都有水準, 交足課. 好味.6. 蓮蓉西米布甸: 都唔錯, 甜了少許.總括來說, 只是中等, 朋友說都係北角那間比較好味些.