小蓉麵家

營業中

休息中

門面招牌大大個，座位闊落。.麵店通常一食個辣油就知掂唔掂，呢間我落左3羹辣油都唔辣既.....🔸鴨腿湯飯($48)湯味道較淡，鴨腿白蘿蔔冬瓜都幾稔。.🔸雲吞魚蛋麵($34)雲吞ok，有蝦有豬肉，魚蛋唔彈牙又稔，麵可以。.🔸上湯浸唐生菜($22)上湯似平時淥麵啲清湯，唔係太好飲。.🔸通菜($17)正常一碟菜。.🔸炸牛丸($29)新鮮炸出嚟，熱辣辣，少少酥味。.🔸自家製豆漿($11)不錯，幾夠味。

上次食過一間新派o既粉麵，今次試番間傳統的。位於界限街橋底，佢o既門面同內裡裝修都帶點古雅，外面用上大牌木牌匾，裡面o既牆身描上秀鳥同梅花o既彩繪，一半o既座位係圓形雲石檯，碗碟仲係好靚o既公雞碗，會唔會令你聯想到古時o既中式茶寮呢﹖我一般第一次幫襯一間茶餐廳，一定會叫一杯熱奶茶，以佢o黎做水準，再決定係咪長期幫襯。從一杯奶茶，你會能看出餐廳o既「品格」——會否太慳唔捨得落奶、一次沖定幾杯或者侍應serve 得太慢令到杯茶唔夠熱等等。中式粉麵都係一樣，我喜歡揀雲吞麵做指標。所以我寫o左一碗雲吞墨丸麵($35)，要幼麵。麵條食落爽口，湯底都係一般鹼水麵o既根基，不過飲落唔鹹。另外個人仲鍾意加少少紅醋，微微酸更讓人開胃。主角雲吞，唔係我食過最大隻的，但係蝦味同新鮮度都唔錯。檯上有款豆瓣醬，佢辣度唔高，用o黎點雲吞同墨魚丸都能達到提鮮作用。另外試o左一客小食炸牛丸($29)。炸魚皮或者炸雲吞呢d 都常見，但炸牛丸真係比較少遇到。d 丸肉質實淨肉地，比就咁水煮牛丸會多o左種油香，趁熱食更佳。下午茶時段叫一個麵加飲品/油菜補$6，叫o左熱紅棗蜜，係清甜o既一杯。後來唔夠喉，再寫多o左一杯凍柑桔(

之前同事黎食過，覺得唔錯，就帶朋友過黎食！其中一試難忘既就係佢既醃蘿蔔酸！好好食！蘿蔔好爽，味道酸酸的，好開胃！仲要係任食的啊！水餃麵水餃好大只！入面有豬肉、蝦同埋木耳等，好爽！味道調校得唔錯，有味得黎唔會太咸。個麵好幼條，好爽口彈牙，唔太重梘水味。個湯清清地，有少少韮菜同蝦既香味。櫻花蝦xo醬撈麵如上面甘講，麵幼條，爽滑彈牙。xo醬好香好濃，有好微既辣味。牛腩炆到好入味、好林，有少少既肥肉或筋痴住，食落更林，更好味！櫻花蝦，令個撈麵更香口！炸牛丸即叫即炸，唔算好大粒，但肉質好爽口彈牙！咬開仲有少少汁流出黎！炸魚角個邊脆脆地，點埋個辣醬食好配合！豆槳香濃，唔算好甜，岩口味。柚子蜜同平時飲開既唔同，佢會加塊檸檬，開頭仲以為佢黎錯左添。杯野加埋檸檬既香同酸又幾好味喎！會再黎既餐廳！

冬天成日都唔想郁，但過完年尾又開始好忙，有時出外做完嘢想快快趣食碗麵就返屋企呢間係太子新開無耐，雲吞水餃麵$36正常價碗碟有花有雞圖案幾別緻，雲吞水餃餡料夠新鮮，不過麵質偏腍身，大地魚湯底飲完唔口渴，加少少韭黃好香喔 !!小食有炸牛丸$28，本身牛丸牛味都重，不過炸完收乾了少少，變咗幾細粒，好在都唔算好乾身仲保持到多肉汁，同埋唔會食到成口油~飲品有自家制豆漿，跟飯麵只需加$6，唔會死甜帶少少豆香，都幾大杯算抵飲

在廣東麺食當中，我最喜歡吃雲吞麵。一碗雲吞麵，雖然不是什麼珍饈百味，但往往令人回味無窮。所以很多移居外地的港人，每次回港，都會想吃一碗雲吞麵，一解鄕愁！雲呑麵又有一個外號，名為「細蓉」，意思是一個一両重的麵餅加四粒雲吞！太子就有一間麵店，名為「小蓉麵家」，看到小蓉二字，我已聯想起我最愛的雲吞麵。鮮蝦雲吞麵（$29）👍👍👍👍我先喝一口湯，湯頭很鮮甜可口，可以喝到大地魚和蝦籽的味道。雲呑有四粒，餡料是爽口的蝦肉與半肥瘦豬肉混合，味道還帶有絲絲大地魚的香味。雲吞麵入口爽彈，有蛋香味，伴以韮王同吃，口感更佳。而我更喜歡加一些淅醋，令味道提升。XO 醬櫻花蝦撈麵（$38）加五香牛筋（+$10）👍👍👍👍一般傳統麵店吃的撈麺，大多數只是落蠔油、腩汁等，但這個特色麵是撈了XO醬、豉油汁和芽菜，麵上還放了櫻花蝦和芝麻。XO醬的香辣和豉油的鹹鮮令麵條鮮中帶辣，櫻花蝦的鹹香亦令味道增加層次感。牛筋炆煮的火㗋，剛到好處，入口煙靭綿滑。炸黃金魚角（$28）👍👍👍👍炸魚角-外皮炸得鬆脆，內面則香滑，襯熱吃，口感更佳，還可以點一些酸甜醬汁。炸牛丸（$28）👍👍👍👍牛丸就時常吃，但較少吃炸牛丸。炸過的牛丸外皮有點煙靭

餐廳應該係新開無耐，因為之前行過都唔係好覺有，而且餐廳內嘅裝修同設施都好新淨，感覺唔錯！每一枱都會有一樽葉酸蘿蔔，可以俾你食嘢之前食幾舊，醒下胃，或者加落餸菜度。蘿蔔好酸、好爽口。食物種類都唔少，有飯、麵、小食、菜同飲品。XO醬櫻花蝦撈麵撈麵好大碗，濕濕地，唔會太乾，醬汁好足夠，味濃，但唔咸。要讚下個柱侯牛腩，炆到好好好林！入晒味，有少少筋痴，食落唔鞋，易咬開。好食！雲吞餃子麵雲吞同餃子鋪到成碗都滿！餃子入面有蝦、木耳、豬肉等食材。個皮好薄，好滑溜！蝦肉爽口、彈牙，加上有木耳，更加爽口！招牌雲吞餡料主要係蝦同豬肉，調味適中！蝦一樣係甘爽口！個麵幾好，唔會好重梘水味，幼條，煙韌爽口。成碗份量好足，好大碗！炸牛丸外邊較韌，入面彈牙，好有牛味，唔會剩係得粉，似係手打，點埋個辣醬食，好味！招牌炸雲吞新鮮熱辣炸起，個皮好脆、鬆化！蝦肉爽！好中意呢兩杯飲品！一黎好岩冬天飲，好潤，二黎味道好岩我！左邊果杯係柚子蜜，平時好少見會加檸檬，但飲落又幾夾！柚子蜜一般較甜，但加左檸檬既酸酸地，中和左甜味，飲落好清新！右邊果杯係柑桔，少見第度有得飲，喉嚨唔舒服飲佢就岩啦！好香，偏甜，唔會好咸。呢間麵店幾唔錯，食