小蓉麵家

營業中

休息中

近地鐵站又收得夜，裝修企理，味道雖然唔係驚為天人，但都好食，係牛腩肥咗啲，最正係仲有樽裝可樂，加上價錢合理，好多時夜咗收工想食少少野都會幫襯佢。食開一直都保持到水準，值得推介👍🏻

今日行過鄰里茶餐廳，朋友推介俾我試咗幾款老字號美食，先講下嗰碗牛腩河啦！🐮 牛腩好彈牙，半肥半瘦嘅比例啱哂口味，河粉吸晒啲濃香醬汁，食落口感一流，真係夠哂水準！雲吞呢？食落好爽口，每粒都見到大隻蝦，鹼水味道不過唔重，幾正點。話晒食飯何曾不摻啲青菜，嗌咗份菜杆，夠哂爽滑，簡簡單單啲時候至係真。🥬飲品嘅話，紅棗茶有啲甜嘅，我就重口味啲，不過呢杯自家制豆漿就真係好中意，濃郁唔膩箍口。🥛 整體嚟講，呢間茶餐廳食物嘅質素真係叫人欣賞，無論係做功夫定係選材，咬落去都覺得好有屋企嘅味道。古法超正，夠晒地道，諗起就令我口水直流。如果你想尋找味道滿分嘅平價好去處，嚟呢度就準冇錯！

這店很久以前已經想去，今天去太子買東西剛好經過，見到有空位便走進去，裝修環境頗為舒適，清潔衛生方面亦不差，看食評說牛腩和雲吞都很好吃便叫了一個雙拼，有2粒雲吞和3小件牛腩，結果頗為失望，柱候牛腩味道比較淡，煮的火候不足夠，腩汁不夠濃，不起膠，頗爲水汪汪，肉質比較乾硬，但幸好不算韌，雲吞調味一般，但蝦肉頗為新鮮，收口不是散開而是對接的，加上雲吞皮比一般厚，口感比較差，第2粒只吃了蝦沒吃皮，面和湯底不算很出色，只能算合格多少少，整體水準比起附近另一出名的雲吞麵名店頗有距離

好多雲吞麵店大都四，五拾元一碗麵，這店只是　三拾多元，但質素及份量沒有因價錢而受影響，出品有超水準，雲吞大粒爽口，麵沒有鹼水味，湯感覺不到有味精👍👍👍南乳豬手入味必食。

同個friend 响太子打完波，覺得有啲肚餓，於是搵下附近有咩食，行行下見到小蓉麵家，佢話之前食過雲吞麵，真心幾好食又唔貴，推介我去試下。店舖乾淨企理，一邊係卡位另一邊係中式圓枱同櫈，整體空間感十足，最緊要冷氣特別涼😍。睇過餐牌，食物款式唔多，我哋點咗兩碗麵。南乳豬手河 $33.-豬手有2大件，炆得入味軟糯，一咬塊豬皮就化開，河粉滑溜唔易斷，好食。鳳城水餃河 $33.-水餃粒粒飽滿餡料足，豬肉同蝦嘅比例啱啱好，蝦肉爽口豬肉味香，唔錯。雖然我哋最後冇食雲吞🤣，但係呢兩碗粉麵都証明到呢間麵店嘅質素幾好，下次我會試埋個雲吞麵。

近排成日又打邊爐又食蒲飛搞到有啲飽飽滯滯，今日食啲輕食當休息吓。呢間舖成日經過都見，但就未幫襯過，趁呢個機會就試試佢啦。佢舖面幾光鮮企理，大若30個位，一邊卡位，一邊圓形枱凳，全部仿酸枝家私，大玩中國風。餐具都睇得出有花過心思，麵碗加隻底碟，咁骨子，好多街坊酒樓都未必會咁做，雲吞麵檔就更加唔使諗，無端端洗多隻碟好得閒？我叫咗水餃麵加油菜，下午茶價$40。湯底係唔錯嘅，夠鮮甜，應該有落大地魚。湯面放韮黃，唔似其他麵檔放蔥蒜。麵就普通，唔香唔彈牙。水餃都普通，硬掘掘咁，係咪淥唔夠時間？呢度外觀就贏晒，但食物就一般，又未至於難食，想食粉麵又唔想去啲up dup 雲吞麵舖，可以一試。不過啲服務真係十級差，有個金毛鄉音大媽好似全世界欠咗佢咁。有一個客問佢攞杯水，鄉音大媽一路攞一路um um 尋尋，真係吹漲，攞杯水慘過同佢乞，乞都唔使俾人咒全家。舖頭細細又唔多人，攞水都係行多幾步路啫，好阻你時間咩？跟住有另一對客坐低，其中一個叫咗嘢，另一個未諗掂，就問鄉音大媽有冇好介紹，個大媽竟然 hang 晒機，答唔出之餘又係一路行開一路語帶責備咁話人食麵都要介紹。其實做得樓面時不時有客要介紹㗎啦，咁都唔識答真

呢間店舖位置並唔起眼，我午餐時段去都尚算滿座。食物比我想像出色，特別係牛丸，一定要試！咬落去多汁有牛味，相當好食，仲有雲吞都好好食，仲有魚蛋都可以一試，比一般魚蛋唔同

在网上看了食记，决定来店里试试，点了招牌炸云吞，和祖传牛腩的捞面，炸云吞是真的好好吃，牛腩也是够味，而且价格并不贵，一顿吃得饱饱的，云吞里面的鲜虾了，看起来就惹人爱

在長途旅程完結之後, 最掛念的是香港的傳統美食, 在外國吃夠麵包和沙律等較冰冷的食物後, 來一碗暖笠笠的雲吞麵, 真的是暖在心頭. 小蓉麵家在界際街口, 比十大碗難找一點, 同樣主打雲吞麵, 所以很難避免互相比較.小蓉的湯底大地魚味較柔和, 清甜為你主, 末段有陣陣的胡椒香辛, 喝起來層次感不錯, 就是少了海洋鮮味, 但喝起來還是不錯的. 雲吞半豬半蝦, 黏度不錯, 沒有長長的流尾, 吃起來蝦肉鮮香差了一點, 口感也有點梅, 豬肉則沒問題. 用上新鮮蝦製作的話, 應該很容易分別出來. 麵夠乾爽彈牙, 沒有鹼水味, 只是蛋香不夠. 幸好雙拼麵的另一道菜豬手𤔡這麵食加了不少分數, 除了南乳味夠入味外, 煮得夠腍夠軟溶, 一咬即離骨, 但有保持到豬皮的彈牙和膠感, 這十分重要. 另外單點的薑蔥牛肉, 就是白灼牛肉, 加上薑蔥和豉油, 也許在外國吃Grill的肉類太多, 有時味道過於濃重, 如今的白灼菜食, 除了品嚐原味外, 少一點油也更健康.I enjoy the traditional warm Cantonese food after every oversea trip, especi

病咗差唔多個幾星期，無啖好食之餘都係無晒胃口，稍有好轉，一個人搵食最簡單，非常掛住嘅係一碗美味嘅「雲吞麵🍜」.第一次食呢一間一直人氣高企嘅麵店，為於太子唔算好當眼嘅位置，裝潢設計有風格，企理環境舒適☺️.———————————————————————————.🥢雲吞牛腩麵🍜💬貪心之過，一次試晒兩樣招牌，搞到得返兩粒雲吞，鮮蝦彈牙，金魚尾效果，想食多幾粒；柱侯牛腩偏細粒味濃，撈麵會比較好，掩蓋咗大地魚湯底味道，但麵質都幾爽口彈牙🤔️

記得兩三年前幫襯嗰呢間雲吞麵舖，有別於一般麵舖，入面好乾淨👍、坐得又唔迫🤭，又舒服🥰，而且裝修亦充滿古色古香添，印象中油尖旺區好少有咁企理嘅雲吞麵舖👍。今日經開太子，一於睇下入面環境同食物味道有冇改變到先😋。好難得真係好難得，入面仍然可以保持到同以前一樣咁乾淨企理😍😍，筷子筒仲要好衛生地用膠袋包住(印象中我真係好少茶餐廳或麵舖會咁做😊)，而且餐具非常非常乾淨，正所謂食都食得安心啲😂。一坐低侍應姐姐就好快咁俾咗一碟醃製酸蘿蔔我地。之後我地分別叫咗水餃麵和豬手河。醃製酸蘿蔔 免費酸蘿蔔味道唔算特別出色😶，但勝在而家唔係度度地方都有得免費食😂。鳳城水餃麵 $32水餃非常足料大隻👍，唯一可惜嘅係蝦嘅味道，唔爽口彈牙，但又未至於霉，肯定比兩三年前差咗🥲。反觀麵湯就保持到水準--麵質彈牙😏，湯底就非常鮮甜而且冇咩鹼水味😋。南乳豬手河 $32豬手不但炆得入味，而且入口軟滑，最重要係一口咬落去就可以令佢骨肉分離，真心好食😋😋。河粉很滑，有米味，而且不是碎濕濕，很難夾那款👍。最值得一讚嘅地方係👍，當放低豬手河時，侍應姐姐多跟了一個小碗🍵，原來是畀我放骨頭用🦴，真體貼，超讚😍！總括而言，相比兩三年前

Siu Yung is a rather new noodle restaurant in the Sham Shui Po area, especially there's already three famous noodle shops on Tai Po Road just nearby. The seats are spacious compared to the traditional noodle shops. The environment also seems comfy and clean with strong air-conditioning.I ordered my favorite beef tendon noodles and requested soft beef tendons. It took 5 more minutes than the others before my order was served. Was thinking it would be a bad sign. Indeed, the noodles were softened

經過幾次店門口，覺得門口裝修得好懷舊古式，再查下OpenRice 都有好多讚好，就入去試一試，可惜帶來不快的感覺。坐下要了豬手撈粗，淨雲吞，見標著可用$7加飲品或油菜，就同呀姐講加油菜及飲品，點知呀姐話我只叫了一樣麵食，不能用特價加2樣，我話淨雲吞仲貴過雲吞麵，咁都唔可以加？佢話張咭寫住「任何湯麵或撈麵」先可以！老闆請咗依啲質素嘅員工來檔生意，真覺得老闆好慘！一家雲吞麵舖，最重要食物就係湯、雲吞、麵。湯：還可以，感覺蝦子味不夠。麵：因叫了撈粗，不知幼麵如何，但粗麵鹼水味多，撈麵太濕。雲吞：啲蝦不爽脆，是梅的，現時用急凍蝦真的很難做到梅的口感。現場連我只有3枱4位客人，咁少人啲雲吞都是預早煮定！豬手：八角太多有苦味，也煮過龍，淋得滯！建議幫襯嗎：除非你是喜歡口感梅的雲吞，否則應該遠離這店。

其實呢一兩三年，我都經常幫襯呢間粉麵店，通常都係食碗根腩河粉，可以講係常客。但最近幾個月前，根腩改咗雙拼，即係無形中加咗價，條氣少少唔順。所以一直都冇再來幫襯。昨天路過太子，打算去附近另外一間粉面店食返碗豬潤河粉，但係嗰間麵店已經結業。真可惜又少一間在附近我喜愛的粉面店。冇法子啦，呢次嚟叫咗柱候牛腩撈麵，啲牛腩睇落肥咗啲，但係牛腩鬆花，入味。傳統跟麵有一碗小湯奉上。湯，不過不失。但係以前有免費小食的酸蘿蔔，好似已經消失了。$37牛腩撈麵，好多地方都食唔到。所有嘢

朋友介紹呢間餐廳好好食，一於去試下究竟龍與鳳。入到去裝修好古色古香，乾淨企理，有別於一般雲吞麵店。上湯雲吞（🌟88.64/100）💲35有五粒雲吞，湯底係大地魚湯嘅味道，清甜、順口。雲吞皮薄，蝦肉同豬肉比例啱啱好，亦吾會太肥，而且食落去彈牙爽口，就連最怕鹼水味都冇👍🏻炸水餃（🌟78.77/100）💲29得三粒水餃，偏貴🥲水餃皮炸得好香脆，但鹼水味極重🙃但勝在內餡有蝦仁、豬肉、木耳，筍做到外脆內軟嘅效果，同時食到蝦肉嘅鮮味，彈牙嘅口感，配埋甜辣醬味道更升華🥰🥰