炊豕店 (威靈頓街) (已結業)

炊豕店，係一間專食豬扒嘅日式小店，出名大大件又惹味嘅豬扒，而且價錢平民，好難可以係中環一帶搵到價廉物美嘅餐廳。蔥油豬扒飯($60) 少飯-$1豬扒煎得金黃，真係非常大件同厚，一整塊豬扒已經鋪滿成個碗，咁厚仲以為會好韌，點知非常鬆軟。蔥油非常多，仲有咗少少薑粒。本身已經非常絲嫩嘅白飯撈埋蔥油一齊食，真係非常入味，令人食指大動。秘製豬扒飯配肉燥汁($56) 轉撈粗麵豬扒一樣，不過今次變咗肉燥底，肉燥汁預先撈咗係粗麵度，味道非常濃郁，肉燥粒有瘦肉同肥肉，口感一流，本身仲有啲擔心粗麵會太乾，點知非常爽滑，又冇簡水味。炸芝麻雞翼($28)，炸得非常脆口，芝麻味香濃。豆漿(跟餐+$10)因為餐廳只有20幾個位，所以繁忙時間可能要排隊，同埋有限用餐時間，但係都非常值得一試。

起初聽「炊豕店」以為係日式豬排餐廳，但原來佢係一間行港式懷舊風嘅美食店！久聞尼間餐廳嘅大名，時不時都聽到同事強烈推薦！為左方便7哥放工過海，我地就選擇中環尼間。由中環站C出口出左利源x街，大概行12分鐘就到！實情係🥢記附近，冇想像中咁唔方便😂-是晚決定同7哥每人1個主食+1個小食1. 蔥油豬扒飯大量嘅蔥+芝麻，放係原塊厚切嘅炸豬排面，氣排十足！豬排炸到金黃色，香口脆卜卜得黎炸粉薄🐷 正呀！2. 沖繩豬軟骨飯而豬軟骨飯係完全另一種體驗！豬軟骨軟骨同豬肉嘅份量平均，唔會食軟骨食到好膩，又唔會食肉食到好寡🥴 甜甜地嘅秘制汁深深滲入豬軟骨、蘿蔔中，而蓮藕鬆化，撈埋珍珠米簡直係絕配♥️ 3. 炸芝麻雞翼炸雞翼嘅火候岩岩好！灑上辣粉，味道更上一層樓！必試之選！4. 椒鹽魷魚鬚Deep fried 有避風塘炒軟殼蟹嘅口感😂💭是晚溫柔嘅涼風由大窗吹入，聽住餐廳播放嘅懷柔舊歌（王菲，劉德華-一起走過的日子，李克勤-飛花，孫燕姿-Silent all these years），甚有一番味道。

同男友路過見到間幾靚既餐廳，就入去睇下有咩食，發現尼間鋪頭全部都係食豬，而且價錢都合理。而且裝修有種懷舊感覺。餐牌前後中英對照，就算遊客入到鋪頭都可以點餐，係好貼心既設計。「秘製豬扒飯」超大塊的炸豬扒，直情大過個碗，因為即炸，所以都好熱，唔想甘熱氣就放一放涼。店家好貼心甘切開左個豬扒，等大家方便食。豬扒飯底係肉燥汁，用豬肉、醬油同葱煮，送飯一流，可惜個汁唔算多，飯量就超分量。「沖繩豬軟骨飯」好足料既豬軟骨，食極都仲有，豬軟骨熬得好淋身好入味，所以食落好香口，而且個飯底充滿醬汁，好岩汁控。「炸芝麻雞翼」雞翼佈滿七味粉同芝麻，聞落已經好香，咬落好脆口，雞肉好滑，而且七味粉帶點辣味。而且雞翼無炸到乾身，保留到肉汁。「椒鹽魷魚鬚」魷魚鬚預先切細，所以可以一口吃，好貼心。飲品