十大碗粥麵專家

營業中

休息中

呢日係太子街頭想食啲輕食，上網見到呢間粥麵店嘅評價唔錯，一於試試呢到食物種類大致有5個選擇：湯麵、撈麵、生滾粥、腸粉 同 小食揀咗2個小食：淨雲吞 同 炸蜆芥鯪魚球等緊order期間，食住枱頭嘅醃製白蘿蔔先，個味道較得唔錯，食落幾開胃🔸淨雲吞雲吞皮薄滑，餡料調味啱啱好食到原隻蝦蝦個湯好味到一滴都無得留低 見到店內嘅poster話個湯底係正宗大地魚湯底，用咗大地魚、蝦籽、豬骨、蝦角、羅漢果、果皮同蝦乾，用細火熬製咗5小時，唔怪之得啦！～😋🔸炸蜆芥鯪魚球即叫即炸，熱辣辣加咗米粉喺鯪魚球嘅表層一齊炸，脆卜卜，口感豐富點埋蜆芥食更加惹味另外，想讚一讚鯪魚球嘅份量選擇👍🏻可以揀小(2粒)、中(4粒)、大(6粒)特別喜歡有’小’嘅選擇，一個人嚟食，order 2 粒都得，好細心🫶🏻呢日試嘅2款小食都唔錯，有機會再訪試吓佢嘅粥麵

「十大碗粥麵專家」承傳爺爺那年代的雲吞麵，是第三代，正宗祖傳廣州雲吞麵......大地魚湯底以大地魚、蝦籽、豬骨、蝦角、羅漢果、果皮、蝦乾，細火熬製5小時！用心製作全鴨蛋麵，每公斤麵粉多加十隻新鮮鴨蛋，令麵的蛋香特別濃郁，吃來更爽口！一碗招牌雲吞麵$31，可以揀幼粗河米，即係幼麵、粗麵、河粉、米粉，任君選擇！除左湯麵類，仲有撈麵類、生滾粥、即拉腸粉同只限星期一至五，公眾假期除外既飯類！淨食及小食既選擇都唔少架，必試炸蜆芥鯪魚球，6粒大$54、4粒中$36、2粒細$20！

※招牌雲吞麵相信好多人第一次黎，都係會嗌招牌雲吞麵，特別因為雲吞麵關注組嘅好評。湯有大地魚甜味，而麵亦都無皀味，雖然一開始輕微過硬，但浸耐少少其實問題不大，而雲呑蝦同豬肉調味唔錯而且比例適中，整體黎講係唔錯嘅！※炸醬麵個人認為有少少過酸，普普通通※炸蜆芥鯪魚球呢度好細心嘅係可以揀大/中/細份量，啱晒想都試多啲食物款式嘅食客。即炸嘅鯪魚球好大粒，酥脆得黎唔會太膩，推介！※葱花蝦米炸両油炸鬼即炸，非常脆口，但係蝦米實在太少，而家係就咁放炸両上，而唔係包埋喺腸粉皮入面，存在感近乎零※炸魚片頭呢個就無得揀份量，固定左係八粒。味道不過不失，普普通通

在太子地鐡站附近開了很多小餐廳，我每次去花墟，也會在附近嘗試不同美食。 今次我選擇在太子A2出口看看，出咗地鐵站看見四周也是一些街坊小店舖。 跟著過了馬路向右沿著汝州街直行。 經過咗大概十間店，就看見有個大碗型格logo 招牌。 看見門面乾淨光亮，餐牌有傳統粥粉麵，價錢又不貴，一於入去試試。 餐廳內不算大，但用上白色牆磚及掛畫，再配上射燈吊扇。 全店白色設計配合光亮度，為餐廳看來增添空間感。 大部分枱也是四座位，每張枱也放上一樽酸白蘿蔔，給客伴著粥麵吃。 餐廳好細心會先給客人一隻小碟，方便夾出白蘿蔔粒慢慢吃用。酸白蘿蔔（酸酸甜甜好好味，切成小四方粒，方便一粒一啖食用）鮮蝦雲吞(粒粒有原隻大蝦，皮滑餡鮮，麵有韌度，新鮮美味。 )炸蜆介鯪魚球(炸至外脆，內juicy )