霜月居酒屋

營業中

休息中

今晚嚟到佐敦小巷呢間隱世居酒屋食飯，環境舒適溫馨，牆上及每個角落掛上日本裝飾，充滿懷舊日式啲氣氛。🩶紅酒蕎頭 $48蕎頭以紅酒浸泡，香甜爽脆，帶有微酸，好開胃，有驚喜！🩶焦糖蕃茄牛油果沙律 $88蕃茄超好食，上面沾滿咗脆香嘅焦糖，好似拔絲口感！牛油果香軟奶滑，沙律菜都新鮮！🩶關東煮 $118湯底有昆布海帶，好清甜，好入味 材料好多，竹崙，魚丸，大根，牛旁卷，魚餅，雞蛋等，好豐富啊。🩶炸蝦寶 $78每隻蝦仔炸到金黃香脆，啖啖肉，咬落仲有蝦膏，沾少少沙律醬食，送酒一流！🩶日本雞丸 $33彈牙爽口，燒到好香，配上醬汁，唔錯🩶黑豚青蔥卷 $28黑豚肉肥瘦剛好，配以青蔥解油膩，幾惹味🩶魷魚一夜干 $88魷魚新鮮爽脆，肉質厚實Q彈！以檸檬及醬汁調味，將味道升華。🩶櫻花蝦天婦羅蝦卷 $128份量十足，好大碟天婦羅蝦香脆好食，飯團外層沾滿櫻花蝦，櫻花蝦甜甜地，一口接一口。

同奴才爸去咗佐敦有死亡灣角之稱既釣魚舖集中地行街街補給釣具之後，去咗附近搵好西食🤭鮟鰜魚肝🐟鮟鱇魚肝味道濃郁口感軟糯🤤炸蝦寶🦐原隻蝦仔炸好上碟，連蝦殼都可以食埋🤭一滴都唔浪費，蝦味超濃👍🏻雜錦魚生沙律🐟沙律菜同魚生一樣咁新鮮，魚生口感軟滑，加上沙律菜甘甜爽口，口感非常豐富😋霜月刺身五點盛🐟刺身魚生夠晒新鮮，三文魚油甘魚味濃有油脂香，魷魚包裹紫菜增加口感豐富味蕾😋横膈膜🐓第二次食雞橫膈膜，仍然咁好食👍🏻雞味濃郁，而且口感軟彈😋黑豚青蔥卷🐖奴才爸非常欣賞呢個串燒，豚肉味夠香濃包裹住青蔥，口感豐富得來aftertaste有濃濃既青蔥味😋焦糖菠蘿🍍菠蘿本身微酸，但喺菠蘿上沾上白糖再燒焦，令到整個菠蘿串燒甜甜酸酸解一解膩😋燒粟米🌽燒粟米用牛油調味，燒好後唔止有粟米嘅香味仲有香濃嘅牛油味😋叉燒拉麵（豚骨湯）🐖🍜拉麵麵質彈牙，豬骨湯唔會過咸👍🏻叉燒帶少少肥膏增加香味😋聽店員介紹，餐廳而家做緊優惠，食夠$60就可以用優惠價$8叫一杯生啤🍺/ $28日本生蠔/ $68象拔蚌🤩三樣野夾埋可以叫5次任你配搭，真係幾優惠🤑🤑 人均消費：～$350🤩 推薦指數：7 / 10📍 餐廳資料：霜月居酒屋 (佐敦)佐敦

臨近年尾都係三五知己聚會既季節，最近係佐敦搵到間新開張既居酒屋，今晚就約埋朋友試試😌串燒雞心$28 ．雞腎$30．雞軟骨 $22雞心入口彈牙有肉汁，質地柔軟，雞腎煙韌之餘有咬口，雞軟骨爽脆香口，調味惹味海鮮類魷魚一夜干 $88一夜干除左用作處理鮮魚，原來魷魚都可以用呢個方法製作，烹調後既魷魚保持鮮味，口感軟硬適中，沾上帶微微酸味既醬油更加開胃，而且剪成細絲，入口容易👍🏻炸池魚BB $68池魚份量超多，雖然叫做BB，但每條池魚size都唔細，炸得乾身唔油膩，入口酥脆連骨食更突顯魚味鮮濃🐟炸蝦寶 $88又一出色伴酒小食🦐每隻炸蝦可以連殼食，蝦肉彈牙蝦殼乾脆，再沾上沙拉醬亦都好惹味清酒煮蜆 $88居酒屋必點菜式😆蜆肉非常鮮甜，而且冇沙，清酒加昆布既湯底清香，蜆肉連埋湯汁一齊品嚐更加滋味明太子玉子燒 $48玉子燒厚身又嫩滑，口感綿密，明太子醬鋪滿蛋面，咸同甜互相配合，兩者味道岩岩好海膽炒飯 $188壓軸嘅主食🍚真材實料有海膽於飯面，米飯亦炒得粒粒金黃，將海膽拌勻於飯中更加香氣撲鼻，啖啖海膽鮮甜充斥口腔🤤🌟🌟🌟餐廳仲做緊2小時任飲生啤$98/ 任飲清酒$198，酒鬼們要注意喇🤣