金蘭花泰國菜館

營業中

休息中

好少去九龍城，見呢間金蘭花舊舊地，同老婆入去試吓，食過就知好味，價錢公道，又無加一，我亦罕有寫食評，但吃過這餐感覺良好，執筆讃賞一下，希望多啲呢種良心小店，貨真價實，可以生存落去。但因為到 OpenRice 出此食評，而發覺一些針對性的不實文章，不得不丈義發聲一下，那有人喜歡食燒全熟的牛肉（全熟你又話鞋啦），吃燒雞翼，整隻雞翼全燒，那有可能雞翼肉會滑？本人亦叫了一客燒牛肉，牛肉質素是上乘的，而師傅燒工了得，燒到只有半熟，內裏粉紅色，牛肉入口𡛺軟無根，牛肉味濃，我和老婆非常享受，吃一片讚一次。另外半打串燒，3串雞，雞肉醃得非常入味，雞肉亦很嫩滑。3串豬，亦好味但比較普通。炸蝦餅亦要讃賞，每件都厚厚，大大件，每件都係彈牙的蝦肉，超好食。最精彩不過是他們的咖喱蟹，大大隻肉蟹，蟹肉新鮮，襯托濃濃椰香的咖喱汁，只係 $368，非常抵食，如果咁都話貴，簡直是貪婪。我同老婆作為退休人士，好耐無試過食性價比咁高的一餐，衷心希望呢間小店，可以持續落去，落筆推揚一下，比更多人知道有此良心食店，祝生意興隆！

係九龍城附近返工,今次去返之前去過既金蘭花泰國餐廳食晚飯,由於唔算好肚餓,所以只點了少許食物。炸蝦餅-蝦餅炸至金黃,外面有一層薄薄的粉衣，入面蝦肉份量飽滿，外脆內軟,醬汁有甜醬加辣椒，蝦餅點一點醬汁令味道更好。蒜子胡椒炒青口-鑊氣十足,胡椒蒜子味道很出，青口新鮮,肉質飽滿，而且彈牙爽口，整體上味道也是恰到好處，十分不錯。馬拉盞炒時菜-細細碟，份量較少,味道方面炒得很香,時菜口感爽口,蝦醬馬拉盞令時菜更鮮。整體來說,食物質素很不錯,價錢方面也不算太貴,平民價,值得推薦。

表姊妹好耐都未試過咁齊人喇！雖然唔係全部到齊，但LEE班算係細個玩得好多的一班了講番點解會黎LEE度食呢？因為我地細個時，阿姨成日都帶我地黎LEE度食架今日黎當大家回味下啦一早BOOK定位，咁就唔洗等喇我地一行十二人，所以就坐閣樓喇一坐低就睇下食咩先，人多可以叫多D無骨鳳爪，酸酸辣辣的好醒胃，之後仲要再ENCORE冬蔭公，一D都唔辣ARM哂我唔太食得辣的朋友呢生蝦刺身味道絶對冇問題，只係可能一早整定，D涼瓜同D冰痴住左囉炸蝦餅，VERY GOOD！一共叫左三碟明爐烏頭，NO GOOD，我唔LIKE食魚所以冇食，不過有食的人話D肉有D"梅"糯米釀雞翼，好香脆YUMMY咖喱炒蟹！正呀！配埋法包或者手抓餅真係正到暈呀其實邊止咁少野，只係掛住食冇影炸整體黎講，除了條魚外，其他都好好味