金蘭花泰國菜館

營業中

休息中

好少去九龍城，見呢間金蘭花舊舊地，同老婆入去試吓，食過就知好味，價錢公道，又無加一，我亦罕有寫食評，但吃過這餐感覺良好，執筆讃賞一下，希望多啲呢種良心小店，貨真價實，可以生存落去。但因為到 OpenRice 出此食評，而發覺一些針對性的不實文章，不得不丈義發聲一下，那有人喜歡食燒全熟的牛肉（全熟你又話鞋啦），吃燒雞翼，整隻雞翼全燒，那有可能雞翼肉會滑？本人亦叫了一客燒牛肉，牛肉質素是上乘的，而師傅燒工了得，燒到只有半熟，內裏粉紅色，牛肉入口𡛺軟無根，牛肉味濃，我和老婆非常享受，吃一片讚一次。另外半打串燒，3串雞，雞肉醃得非常入味，雞肉亦很嫩滑。3串豬，亦好味但比較普通。炸蝦餅亦要讃賞，每件都厚厚，大大件，每件都係彈牙的蝦肉，超好食。最精彩不過是他們的咖喱蟹，大大隻肉蟹，蟹肉新鮮，襯托濃濃椰香的咖喱汁，只係 $368，非常抵食，如果咁都話貴，簡直是貪婪。我同老婆作為退休人士，好耐無試過食性價比咁高的一餐，衷心希望呢間小店，可以持續落去，落筆推揚一下，比更多人知道有此良心食店，祝生意興隆！