四季煲仔飯

營業中

休息中

四季煲仔飯係香港人嘅集體回憶，係經過油麻地必食嘅老店，受着疫情影響人流真係少咗好多，以前一到食飯時間一定大排長龍，今次嚟到梗係要食返佢最好食嘅炸蠔餅同埋潤腸煲仔飯啦！雖然做煲仔飯出色嘅店舖仲有好多選擇，佢個位置又唔起旺區，但係嚟到四季係食佢嗰個人情味，雖然對比返疫情前佢個價錢升幅都不少，可能因為咁嘅原因令到店舖都幾冷清（拍攝既時間是星期六晚上9點）炸蠔餅（大）大份炸蠔餅總共會有三件，四季呢個蠔餅真係做得好出色！脆皮好薄好酥脆，鴨旦嘅鹹香味加埋大量既新鮮嘅生蠔仔，外脆內軟，除了有鴨旦既香味仲食到一粒粒既蠔仔，係正宗潮州打冷嘅菜式！非常推介大家一定要嗌大份！抵食好多兩個人食啱啱好，再配埋佢嗰個特製辣醬，甜甜辣辣酸酸三種不同層次，好好味！潤腸臘腸雞煲仔飯佢呢一款煲仔飯既潤腸係比較乾身嘅潤腸，腸衣爽脆，份外鮮香，配煲仔飯係一流嘅配搭！比起一般嘅潤腸佢個酒香味會再濃烈一點，臘腸就普普通通唔係太特別，如果淨係講煲仔飯來講佢係有少少退步咗，首先個飯焗得比較乾身，飯焦唔係好焦香脆口，其實食落口個感覺同蒸飯差唔多，失去左煲仔飯嘅意義，而個北菇雞嘅味道較淡，要靠落豉油調味先好食，所以呢個位扣咗唔少分🙃

行過廟街經過一間四季煲仔飯出邊排晒隊 應該都唔會差到係邊啊 於是walk in試下先首先呢當你排隊嗰陣時阿姐會幫你落單先咁我就叫左以下肉片煲仔飯口感一流加上新鮮嘅肉片同梅菜配合得天衣無縫 尤其啲肉片好彈牙又新鮮 好好食再者啲飯粒粒分明 唔會好粗糙平時係屋企都好少食魚 係因為處理魚係好麻煩咁今次係出邊叫你個白鱔魚真係好大suprise咁點解咁講呢 白膳魚入口即溶 味道好新鮮 有少少甜甜地嘅味道 而且D飯香撲味 好開胃咁對於呢個炸壕餅就有少少失望啦 D粉多個啲蠔 成塊都唔超過五六個 食到好多份粉同蔥 味道都一半咁啲野食來齊之後就會埋單先 可能係節省人力嘅關係 仲有更餐館係冇嘢飲嘅如果自己要野飲既話要自己去士多買 就係對面鋪頭 😉整體都OK但係如果要排好耐隊我話會選擇去隔離啲餐廳食 😚

今次黎食煲仔飯唔洗排隊其實係人地介紹我黎E度食架...所以次次想食煲仔飯都會簡E度!方便..都係出開旺角..平:就平 靚:就一般 正:都OK~果度冇野飲賣的!所以如果想飲其他飲料就要自備....鳯爪排骨飯 - 排骨份量足夠，好多飯焦...陣味好濃...不太喜歡!臘腸飯 - 個FD話都OK...我就唔鐘食臘腸既....蠔餅 - 份量都算多...脆卜卜....但係好多油!唔健康....女仔唔應該食太多~肥牙!蠔仔小而細....哈哈~不過20雞都算OK啦....咸蛋肉片湯 - 有肉、豆腐、小白菜、咸蛋，都算多料....淡湯都幾甜....次次黎都飲晒....好正!不過夜晚就要狂飲水，係咪有味精呢?總括而言，咁既價錢都算OK啦.....不可能要求那麼高......