東記上海麵

營業中

休息中

行完山經過大埔心血來潮諗起熟食市場嗰度有間人氣嘅豬扒麵就帶埋朋友上去試吓適逢假日好多人冇乜位旁邊嘅餐廳話如果我哋叫嘢飲就可以安排位俾我哋坐但係叫東記嘅面同朋友每人叫咗一支可樂$10 叫咗一碗豬扒粗麵 一碗雞翼粗麵原來雙拼同單拼嘅價錢都係一樣可以揀多一個配料我就揀咗個菜肉雲吞店員送上麵之後 就要即刻俾錢先講粗麵原來唔係我哋平時想像嘅粗麵係上海嘅粗麵 有啲似烏冬 口感好實 好重澱粉質湯底冇乜味 有兩條油菜 食咗幾啖已經覺得好飽豬扒味道唔錯 炸粉好薄 都好大份雞翼味道尚可 有四隻 大大隻不過其中三隻入邊都有血水好似炸唔熟咁 有啲失望反而最有驚喜嘅竟然係個菜肉雲吞餡料豐富 調味都好好👍🏼

一直聽說呢個大埔墟熟食中心隱藏好多唔同美食，今日同朋友就黎試左兩間，其中包括呢間既名物👉🏻炸豬扒～⭐️豬扒炸醬上海粗麵 (評分: 3/5) 💰4️⃣2️⃣叫嗰陣豬扒啱啱賣晒，所以佢先上個炸醬粗麵，隔咗兩三分鐘先再上豬扒豬扒啱啱炸起熱辣辣，係幾香脆既，亦都唔厚粉，但就有啲油，肉質亦都幾乾同有點柴，我同朋友都覺得浸一浸湯食濕潤啲好食啲🙈炸醬帶點香辣，肥瘦均勻，反而幾鍾意佢加咗西芹，香口啲亦無咁膩👍上海粗面望落類似烏冬，但係食落又唔夠烏冬彈牙，個人認為還好整體呢碗麵係令我有啲失望既，下次會試埋同場另一間都係炸豬扒出名嘅上海麵比較吓😬

在二人限聚令下，街市熟食檔枱有限，而每張枱只可以坐得兩個人，一個人嘅我不如買外賣返屋企，唔好阻住人做生意。今日雖然係除夕，但好多人都仲要返工，所以冇人龍之下可以買到每日限量牛筋，真係執返個尾彩。街市裏面有兩檔豬扒麵，其實係兩兄弟，但我自己就比較喜歡食東記，尤其係佢嘅牛筋，炆得好入味又夠林，仲要每日得嗰少少有得賣，食唔食到都係睇你嘅彩數。今日買到牛筋豬扒麵，其實不論堂食或者外賣份量都係好大，如果早餐係食呢碗麵，一定可以頂到去下午茶時間，豬扒味道夠入味，拎回家食仲係熱的，加上炸到脆脆炸漿，難怪有時會見到有D叔父帶定枝酒去嘆豬扒。

今日去開梁九記買餸， 順便去埋樓上熟食中心試下。兩個人一人叫左一碗麵，一碗係竹筍加豬扒粗上海麵， 另一碗係雪菜肉絲加豬扒麵。啲麵都幾香， 雪菜同竹筍都勁多。豬扒好大塊， 炸得好脆， 個炸皮都好薄。

自己同朋友仔好鐘意食雞翼難得有機會就決定去食東記去到大家諗都唔使諗就可以落單雖然大家都鐘意食翼但無理由唔食下個豬扒所以就叫左豬扒麵 同 雞翼麵一齊開心share食豬扒麵跟2, 3塊大豬扒雞翼麵都有6隻雞翼d雞翼豬扒全部炸到脆卜卜入面仲好juicy 一啲都唔乾好食到停唔到口真係大件夾抵食d麵粗身又好咬啱晒我呢d口痕牙痕ge人朋友仔滿足到未食完已經好想encore諗定下一次入黎再刷😂小插曲：熟食中心咁多好嘢食多人都預左為免走太遠同坐左人地檔所以已經揀檔前1張枱等位坐點知等完一輪個阿姐話張枱係佢地檔 (隔離城仔記) 如果要坐响度食東記要叫嘢飲本身我地都無乜所謂, 叫咪叫囉但係個阿姐又西面 又唔好態度仲要係咁chur我地好似係我地唔識規矩咁結果我地決定拎袋走人1轉身個已經見阿姐响度口upup人地東記無水吧變相俾左生意你咁都唔係咁嘅態度對人掛未食過你檔嘢都唔想俾生意你做

其實我不是住在新界區，不過另一半住呢邊，所以呢一區都會成為我嘅飯堂選區，而且呢度價錢相對平，泊車又易，都係個句，呢間我都食過好多次，次次都炸豬排，今次就食炸雞翼，粗面幼面都試過，你話十分好食又未到，不過你話粗粗地食個食得落口嘅午餐，簡簡單單，又ok喎。呢度環境就唔洗多講，熟食中心相信普通香港人都去過，不過佢嘅枱就普遍都要搭位，同埋要留意返唔同枱有唔同餐廳，佢地暗啞底都分門別類，呢度係揾呀姐叫完野食，食物到就比錢嘅方式，得野食係無野飲，野飲就要去隔離舖落單買，非常自助。我同老公二人食了炸雞翼粗面同炸豬排雪菜粗面，炸物就夠脆，份量都多，有陣蒜麻油嘅味，再夾雜啲味精感覺，面呢就上海面，之前食都唔錯幾彈牙，今日食就覺得好似淋左少少，加埋個湯底味道就一般啦，夠飽肚，我自己都食唔哂，不過都係個句，要求太高就唔好黎食啦。

大埔墟有熟食市場，我印象中冇咁多間店以前。嘩。。。而家多人到。。😰東記出名炸豬排，嗌得炸豬點都係三十二蚊，雙拼都係三十二雞，緊係雙拼啦。炸豬拼炸醬米線個炸豬排好豬切丫，即炸，好味最正係有排既炸豬係好味好多嫁！！炸醬我就有d出奇，唔係出奇難食，而係同一般炸醬好唔同，好粗粒肉，芹菜，紅椒，我唔好芹菜都覺得好味！！好驚喜，唔好辣既朋友都覺得好味但要知道依d地方係真係污糟同唔好諗住一般街店，係街店都不如既衛生，如果接受唔到，就唔好去啦，講真！！

洪記收工、欽記無開，咁試試東記既麵啦。上次試左豬扒雞翼外賣，見到經常排長龍，今次都唔例外，阿姐話坐低要等半個鐘先有得食呀！炸豬扒，炸得好靚喎 ﹗金黃香噴噴，即叫即炸熱騰騰，炸粉鬆軟散發出酥香，豬扒入味香甜，豬味香濃，質地有嚼勁而帶肉汁，高水準。炸雞中翼，普普通通，無咩特別。炸得略為乾硬，唔難食既，味道居然跟豬扒一模一樣喎 ﹗可接受。炸醬麵麵走蔥，完全誤會晒囉，我心諗既炸醬麵係潮州橙色嗰款，依隻係上海？炸醬點解有芹菜既？股草青味太利害，我完全食唔到呢，唯有全數過比朋友仔處理掉。幼麵係較腍同嚥韌既麵，有少少似平記竹昇麵口感，咁奇

炸豬扒，即叫即炸，熱辣辣又香噴噴呀 ﹗勁多人排隊。東記豬扒好好味喎，鬆化軟墊，多汁又香口，醃得夠入味。世記太乾太硬，而且太多炸粉喇！第一次試，朋友仔無介試錯喎。炸雞中翼，依個味道就比夠大路穩陣，唔會話難食既。都炸得香口，略乾左少少，味道還可以，但感到有點濁。豬扒雞翼雙併多謝 HKD65，似乎有點貴啊。

經常老遠黎大埔街市, 就因為要黎掃凍肉, 邊間就唔開名啦, 順路係街市搵食, 見上網食評講到咁誇張咁好食, 就決定一試, 一d都唔平~~去到大約12點幾, 人頭湧湧, 周圍都係人, 自己搵位, 坐低就會有人過黎問你食乜, 當然點左名菜, 豬扒麵, 等左10分鐘左右, 就有啦, 豬扒望落唔錯, d麵就唉左一聲, 少得可憐, 冇記錯係$28一碗, 呢度黎講算貴。不過豬扒咬落都幾鬆, 有2塊, d麵就又少又難食, 最經典係個所謂湯底, 根本同冇湯底冇分別, 屋企整都好食過佢, 所以坐低食左半個鐘, 就見唔少人係黎淨買豬扒外賣走, 果然係熟客, 都知麵唔得, 叫做試過, 唔會再食了~~~

朋友是一位擁有兩位小朋友的年青媽媽，日常生活簡約，相夫教子，主理早午晚三餐兼家務等，就是典型稱職家庭主婦的模樣。因為這朋友的事務太繁重，好不容易才相約到她一起進膳，這次就到朋友家附近的東記上海麵來個短聚吧。帶同仔女前來的她雖然有點疲態，但依家親切可人、一見如故。東記上海麵是她與家人經常光顧的食店，據說附近的街坊們也認為她"大件夾扺食"，以27元的價錢可以吃到一碗雙拼麵食算是十分划算嘛? 筆者又認為可以接受吧，大概主因是麵店在大埔的歷史悠久，麵食與招牌炸豬扒、雞翼的份量是重型的，真材實料的大前題下發現食店內總座無虛席。東記又是一位處街市熟食檔的傳統格局，顧客先下單，食物隨後送到後再即時付款，店內沒有飲品供應，口渴的唯有請移玉步到鄰近餐店購買了。與友人談著近況，店員已迅速地將兩款麵食呈上，是意想不到的大份量，當中一款是炸豬扒拼榨菜米線，新鮮的現炸酥香向來就是讓人難以抗拒的誘惑，豬扒大大件又厚身，與坊間常見的"發育不良或如紙薄"的豬扒種類不能相提並論。外皮炸的金黃酥脆還佈著蒜粒便為惹味、肉質鬆化軟腍，鹹度也適中，配上滿滿爽口惹味且粗身的榨菜絲，味道也滲進了湯底裡，乾脆與滑溜溜又富彈性的米線同

記得上次來的時候是2年前在恩主教考(中文科)會考完的時候和一大班同學吃午餐!真的已今不在!這次是放工後和媽媽去回味一下炸豬扒的味道!雖然這裡是在街市樓上，但同樣是人多多!點了一個雪菜肉絲米線配炸雞翼&雪菜肉絲河配炸豬扒，加凍檸茶!炸豬扒和米線是分開上的!份量也不少，真的炸得熱辣辣，夠香口，又不會勁厚粉，炸雞翼，脆脆的，肉質很滑溜果然是名不虛傳!不過杯檸茶就貴了一點~飽飽的一個午餐!已經很滿足.....

熟食中心感覺很衛生清潔, 花多眼亂的小鋪, 想在旁邊睇清楚餐牌, 已不繼有人過來拉客, 唔通真係競爭好大? 唯有睇下人地食緊咩, 發現有人食緊塊炸得好靚既豬扒, 唔知係邊檔....... 見到東記招招牌, 記得openrice 見過, 諗住應該冇衰. 本來自己滿口痱滋, 唔想再食熱氣野, 但係坐底發現麵食冇乜餸選擇, 炸豬扒同炸雞翼睇來係必然之選, 見佢有剩餸炸豬扒炸雞翼一盒$50就知係招牌貨. 炸豬扒夠份量外脆內厚肉, 肉汁保留不乾身, 仲要係半肥瘦, 很少有. 在唔想食炸野既時候都俾佢吸引左.炸雞翼同樣出色, 基本上外皮味道同炸豬扒差唔多, 份量有4隻.牛丸米線, 牛丸一般, 不夠牛味不夠彈牙. 菜肉雲吞米線, 雲吞都唔錯, 皮夠薄, 大少有點像鮮蝦雲吞. 香港應該很少地方可以用呢個價錢食到甘既炸豬扒質素!

星期六甚少要返工，橫掂返九點，返工前不如食個靚早餐。上到街市，倒不如食碗馳名豬扒麵，一來好食，二來食完呢個豐富早餐，午餐也不用吃！點了一碗豬扒幼麵，豬扒即炸，所以都等了頗耐，好彩有時間，否則就要滾水淥腳咁食。豬扒雖然係雪藏貨，但好鬆，炸得香脆，厚身，一碗豬扒麵有兩大塊，所以好多人都會食唔晒打包豬扒走.....而豬扒亦會和麵分開上，豬扒得以保持脆口，唔會比啲湯整淋晒！幼麵唔係上海麵，係一般嘅梘水麵，但又比一般雲吞麵粗身少許，最正就係冇梘水味，正合我心意！一碗豬扒麵22蚊，能夠飽肚到下午，抵！