東記上海麵

營業中

休息中

在二人限聚令下，街市熟食檔枱有限，而每張枱只可以坐得兩個人，一個人嘅我不如買外賣返屋企，唔好阻住人做生意。今日雖然係除夕，但好多人都仲要返工，所以冇人龍之下可以買到每日限量牛筋，真係執返個尾彩。街市裏面有兩檔豬扒麵，其實係兩兄弟，但我自己就比較喜歡食東記，尤其係佢嘅牛筋，炆得好入味又夠林，仲要每日得嗰少少有得賣，食唔食到都係睇你嘅彩數。今日買到牛筋豬扒麵，其實不論堂食或者外賣份量都係好大，如果早餐係食呢碗麵，一定可以頂到去下午茶時間，豬扒味道夠入味，拎回家食仲係熱的，加上炸到脆脆炸漿，難怪有時會見到有D叔父帶定枝酒去嘆豬扒。