Samsen 泰麵

營業中

休息中

一直都知道灣仔有一間好出名嘅泰國菜，之前襯天氣開始轉熱，想趁「熱」感受吓夏天嘅氣息，weekend專程出咗去食呢間泰國菜！舖頭開12:00，12:30到嘅時候已經坐滿咗，要等下一輪先有位。但係職員好好，排緊隊嘅時候派咗杯冰水俾大家飲！入到去第一時間叫咗最出名嘅船麵！湯底香甜濃郁，和牛肉身超級嫩滑，仲有通菜、炸蒜同炸豬皮做配菜。雖然份量唔多，但係喺咁熱嘅天氣食一碗船麵，感覺剛剛好，仲有胃口可以食埋其他小食！闊河粉質地軟燸煙，火喉調味怡到好處，唔會太過油膩又非常惹味。睇賣相以為豬頸肉質會好乾，食第一口反而覺得唔錯。豬頸肉切成條狀並以炸蒜頭調味，入口啖啖肉，非常有咬口。呢個甜品好似係每枱嘅必食，食完濃味嘅主菜，食返一個椰子味嘅甜品，的確係解膩之選。飲品冇提供飲筒，可以大大啖飲，飲嘅時候覺得充滿泰國特色！

灣仔最愛飯堂級泰北菜🇹🇭Samsen 泰麵📍灣仔石水渠街68號地下➰好歌推介「見或不見，亦很掛念，你在心裹，亦於面前」#見或不見 #張敬軒➰每隔一段時間想食泰國野，心裹面都不期然得依間長期榜首嘅泰麵，雖然有時要排上數十分鐘，但所有食物出品都係一流水準。.餐廳有上環及灣仔分店，兩間各有特色，灣仔依邊主打和牛船麵聞名，上環分店菜式.及甜品更多種類，餐廳多年來榮獲米芝蓮推薦，人氣不減。.餐廳裝修以街頭風格，開放式餐廳及廚房設計用盡餐廳格局，務求放置更多座位，因此我唔太推薦嚟依間餐廳漫漫長談，但大排檔式嘅熱鬧氣氛亦係另類風情。✥小食𖥕炸豬頸肉配烤蕃茄辣醬 💲88 ⭐️4/5⭐️本身一直都會叫蟹肉奄列，但由於午市並無供應，所以叫左依道。炸豬頸肉並非我地平時食開嘅切片，而係豬肉條狀，配搭炸蒜調味入口更滋味，豬頸肉有咬口，但略嫌少少偏乾，整體上都唔錯。✥主食𖥕招牌泰式蟹肉炒飯 💲158 ⭐️4.35/5⭐️嚟親依度，我都會推薦朋友叫兩款主食，雖然都係澱粉，但係全部都係即點即炒，非常有鑊氣，蟹肉炒飯上枱看似平平無奇，但飯粒乾爽粒粒分明，火喉掌握非常有水準，其次係蟹肉份量豐富，每啖都食到一梳梳嘅蟹肉，非常滿足

【亂係餐牌點一樣都唔會令你失望嘅泰菜🇹🇭】佢係連續六年得到米芝蓮🏅上次介紹過上環店，今次介紹灣仔店🤩2間食嘅嘢係唔同㗎！灣仔店係主打濃湯同和牛船麵😋裝修泰FEEL GET🇹🇭想講雖然泰菜唻講少貴，但真心物超所值！全部都高質🥰強烈推薦大家去食🤪.🍴招牌和牛泰式濃湯河湯底偏濃味，香料味好足，同平時食到嘅好唔同，充滿肉味，完全唔油膩，好食😍偏辣🌶️ 河粉唔係我哋平時食嘅河粉，彈牙煙靭，仲好掛汁，我中意食呢款粉多啲！配料有和牛、牛肉丸、牛腩、炸豬皮、生菜🐮牛肉丸彈牙，好有口感🤩澳洲和牛半生熟，啱啱好👍🏼牛腩淋得唻幾有牛味😆推介‼️.🍴泰式炒闊河粉河粉好煙靭，有鑊氣！入面有蛋碎、粟米條，本身都夠曬味😆加埋辣椒漿勁MATCH🌶️ 雞肉嫩滑🐔推介‼️.🍴炸豬頸肉配烤蕃茄辣醬豬頸肉炸得啱啱好，佢仲要係一舊舊唔係一片片，啖啖肉😛加埋蕃茄辣醬SO JENG🥫.🍴泰式街頭椰子雪糕椰子雪糕好大份，仲要係椰殻裝著超吸睛🥥椰子味有2球，好香，都幾清甜😍平時唔中意食椰子嘅我都幾中意食呢個雪糕🍨佢入面仲有椰子肉、脆花生，夾埋粟米意外地好食🌽推介❗️.🍴泰北肉碎生菜包 (鴨)佢同平時食開嘅少少唔同，唔太辣偏酸🥬佢啲菜好甜😋肉碎偏

仲係灣仔返工時曾經lunch特登去藍屋碰碰運睇下食唔食到人氣船河，可惜都failed… 咁啱5:30pm係灣仔睇完show就決定早d去排隊，5:50pm去到已經有一條十幾人嘅人龍，6:00pm成功入座。小店面積不大，檯貼檯，不過侍應人手充裕，落單出餸都好快。Order左兩款小食，炸豬頸肉配烤蕃茄辣醬嘅豬頸肉炸得香口之外個烤蕃茄辣醬係重點，酸酸辣辣仲食到蕃茄肉，超有驚喜！泰國炸魚皮好薄身，魚皮上撒左辣粉超惹味，配特色泰式粉紅青檸梳打超chill~Main course當然唔少得招牌泰式和牛濃湯河，呢一碗人氣boat noodle嘅湯底濃郁而不油膩，出奇地唔算太鹹，河粉非常滑兼有咬勁，吸嘅個湯同炸蒜嘅香味超正，如果再多多dd河粉就好啦~ 除左入口嫩滑嘅薄切和牛肉片，牛腩同牛丸都好高質，加爽脆嘅通菜同炸豬皮，非常豐富，係出色嘅~另外仲order左香辣泰式炒闊河粉(和牛) ，和牛肉片真係無敵，口感超嫩滑同牛香味好出。炒闊河粉鍋氣十足，我對醃酸青辣椒同一串串嘅青胡椒兩款配菜/香料愛不釋手，尤其青胡椒一粒粒咬爆後辛辣味慢慢滲出非常過癮。泰式蟹肉奄列厚度十足，切開裡面十分滑一d都唔乾，仲見到一疏疏嘅