好到底麵家

營業中

休息中

講起蝦子麵，其實我都唔係食過好多間，有一間比較出名係灣仔，已經結業。黎到元朗，今次朋友帶我黎到好到底麵家。雖然店面唔大，人都較多，但係都唔算太逼。見到有蝦子麵，二話不說就簡左佢喇。蝦子份量好足，啖啖既麵都有蝦子，超鐘意，朋友果然無推介錯。加上麵質爽口彈牙，條條分明，唔會一patpat，所以食得好開心。朋友簡左炸醬麵，幾香口。炸醬麵當然會配碗湯喇，都係唔錯的。雖然份量唔算多，但係價錢都好親民，唔夠既話再叫多碗都唔怕呢。元朗好食既野好多，呢間都真係好唔錯，難怪可以keep到咁多年都仲係咁旺喇。總結黎講，位置方便、食物質素唔錯，係一間值得一試既餐廳。

香港租金地價昻貴，很多老字號的食店都在無聲無息的結束，換來更多連鎖式，或是裝飾得像五六十年代的懷舊餐廳，不如尋找一下現有真正的老店，品嚐一下食店幾十年的傳統味道。去到元朗好到㡳，接近七十年歷史，沒有華麗的裝潢，更沒有五星級服務，但都值得去吃碗麵，支持老店。這張在門外的廣告，相信有幾十年了，電話號碼只得三個號數。雲吞麵（$28）雲吞有五粒，麵質爽彈，湯㡳清甜，雖然不是很大碗，但從$28來說，都算抵食。雲吞皮很滑，蝦肉爽彈，配合紅醋及辣椒醬一起吃，更加提升味覺。炸醬麵（$32）炸醬麵是撈麵形式，配上一小碗上湯，麵質爽彈，上湯鮮甜，炸醬調味合適，每條肉絲都很好味，與湯麵相比，又是另一番風味。

吃過不濟的大排檔後，大家決定來一嚐元朗老字號麵家，咁出名，斷估都唔會太差。印象中幾年前是來過幫襯，大概也是水準不俗，但詳細就記不清楚。店鋪面積有限，七個人不能安排一齊坐，唯有男既一檯，女既一檯。瞄一瞄餐牌，我要個炸醬麵，同檯食友分別點了雲吞粗及幼麵，另加一碗蘿蔔牛腩share食。炸醬麵個麵底幾爽口彈牙，肉絲稔身亦入味，酸酸甜甜咁，很快食晒一碗。再講個湯，味道鮮甜，挺不錯。也試了一點食友的粗麵，十分爽口，要具彈性，果然有水準。聽講雲吞也做得不錯，只不過我對蝦敏感，即使食友豪一粒雲吞俾我，也無福消受。齊齊吃的蘿蔔牛腩，牛腩幾入味，只嫌稍韌了一點；蘿蔔則稔身，亦無渣，但不算清甜。說起蘿蔔，始終是車品品的最值得欣賞。每人廿蚊有找，抵到爛。兩餐咸點後，又係時候去慰藉大家的甜胃了。而我們選擇的吃甜品地方就是......SUZUKI!

我帶著8成飽來食元朗馳名的雲吞麵，男士一枱、女士們一枱各據一方，男士們當然一人一碗，我們細食的女士只叫兩碗大家同享。我試了一粗一幼的雲吞麵，先食粗的，很具彈性，可能麵身較闊，口感較為實在；再試幼的，麵條極富彈性及爽身程度更勝粗麵，而兩款麵沒有一種重重的梘水味。雲吞頓時變了配角，但亦不失皮薄饀爽。深橙的炸醬麵，酸酸甜甜味道幾得意。另外，男士們追加一個蘿蔔牛腩，我已無法容下了。