Seoulmate (MONTEREY Place)

營業中

休息中

近排我哋去咗將軍澳食韓國菜 聽聞呢間幾出名 同埋都好啱打卡 唔知好唔好食呢😚👅炸雞和紫菜飯卷配薯條 $80呢個餐可以滿足晒兩個願望 可以食炸雞 又可以食紫菜飯卷 紫菜飯卷正正常常 炸雞就幾推薦一試 外皮炸到脆卜卜 雞肉都幾嫰滑🤤炸雞嘅醬汁幾惹味 好食😍👅部隊鍋 $188呢個部隊鍋好足料🤩佢有晒午餐肉 年糕 芝士腸 韓式魚糕 泡菜 芝士 同埋韓國麵 湯底都幾濃郁 又唔會太辣😋芝士份量都夠多 整體唔錯🙈👅韓式年糕魚蛋卷大戰香港煙肉芝士腸串燒 $68佢嘅串燒係用煙肉包住芝士腸同埋煙肉包住年糕 調味唔會太鹹 食落去脆卜卜 鍾意食呢幾樣食物嘅人可以一試😛👅奧利奧奶昔雪山 $48呢杯好好飲‼️打卡又靚 Oreo味好濃郁 亦都唔會太甜 奶蓋都好滑 正😝總括嚟講 呢間韓式餐廳嘅食物唔錯😋坐得幾舒服 大家不妨一試😚😋 好味：8.00/10🤑 價錢：7.89/10🤗 服務：7.23/10😝 環境：7.76/10😚 衞生：7.13/10🤩 整體：7.88/10

又係將軍澳南搵食時間🥳我地見到seoulmate 門口嘅麵包公仔咁得意都俾佢吸引咗🍞之後又覺得午市套餐幾抵食就入去試吓.🌟韓式醬油燒腩肉拌飯配溏心蛋 ($64)拌飯好大碗 而且有齊青瓜絲🥒、紅蘿蔔絲🥕、芽菜、腩肉、紫菜同埋溏心蛋🥚 非常豐富我地最鐘意呢個腩肉 肥瘦適中 一口咬落去仲散發出啖啖油香味🤤.🌟海鮮豆腐湯配飯 ($68)呢個豆腐湯可選擇辣或唔辣 我地因為怕辣所以揀咗唔辣🤭海鮮豆腐湯用料非常豐富有蝦🍤、帶子、八爪魚、金菇，豆腐、紅蘿蔔、白蘿蔔海鮮非常新鮮而且爽口彈牙至於湯底就有非常濃郁海鮮及蘿蔔味 夠晒鮮甜.🌟炸雞和紫菜飯卷配薯條 ($80)炸雞有成六、七件 份量都好多 就算係大食嘅朋友都夠食😋而且炸到卜卜脆 雞肉仲好Juicy加埋少少辣醬汁就更加惹味😙紫菜飯卷都有五件 味道唔錯仲加埋一大堆熱辣辣嘅薯條🍟.午餐仲包埋餐飲 我地就飲左柚子薑茶、韓山什梅茶同埋檸檬茶☕️.🌟榛子脆多士方塊 ($88)午餐再加甜品有八折優惠咁抵食我哋當然會加多個甜品😍麵包切成方塊再用左牛油焗到外脆內軟面頭仲有榛子cream🌰另外香蕉片🍌上面仲有啲焦糖味 味道好豐富好適合做飯後甜品.餐廳好闊落 而且門口仲有

屋企零食又清倉, 今早同丫妹一齊去將軍澳Donki補貨, 順便食lunch。我倆都喜歡食韓國菜, 特意去咗呢間係多年前於港島區食過嘅Seoulmate一向係MONTEREY Place開嘅餐廳環境都極為整潔乾淨企理, 呢點正正係我其一特登會去食嘅原因。餐廳開始營業時間正好係lunch hour, 有lunch set供應, 每款都包餐飲, 轉其他飲品正價減$20。order了兩個sets, 其中一杯加咗$26轉【紫薯拿鐵雪山】芝士奶蓋瀉出杯外, 令賣相有如雪山般相似; 先啜一啖, 芝士鹹香幼滑, 相對紫薯味偏淡。【炸雞配芝士唔辣咖哩蕃茄濃汁撈稻庭烏冬】HK$78呢款味道偏重, 炸雞雖不是炸得金黃而是焦燶, 但炸皮極為香脆, 肉質不算嫩, 亦唔會太乾身; 面層大量已焗透芝士可以拉出芝士絲, 好邪惡啊! 不過芝士好快凝固成一塊, 只好一塊咁咬, 芝士味濃, 選用了幼身稻庭烏冬, 更能吸了咖哩汁, 啖啖充滿濃郁咖哩味, 但就唔太食得出有茄醬。整體味道不錯!【炸雞和紫菜飯卷配薯條】HK$78份量同樣大碟, 同樣有炸雞, 額外加了韓式汁醬, 少少辣; 紫菜飯卷一夾好易散, 飯粒粒粒分明, 偏乾咗

住起將軍澳終於有機會試呢一間餐廳點知失望而回Lunch都幾抵食地方寬敞有落地玻璃窗其實都幾好坐跟餐嘅咖啡都幾好味好香但唔知點解人哋有拉花我哋冇拉花我叫咗炸雞配紫菜飯卷跟薯條（$78）好大碟㗎但細心一睇認真麻麻薯條雖然份量好多，但係碎濕濕脆口好食！炸雞好好食！熱辣辣脆卜卜！加埋個汁更好食沙律菜一啲都唔新鮮望落乾爭爭，跟嗰個汁冇味，我都唔敢食最差係個飯卷散晒都夠膽俾客我冇整散佢架本身上菜就係咁仲要後面嗰舊根本冇飯起入面如果係因為抵食而咁求其我寧願佢加返少少錢咁講返個味道先入面嘅肉醬同飯卷非常之唔夾好奇怪同我平時食嘅韓式飯卷唔同我寧願佢淨係炸雞配薯條算男朋友要咗青梅照燒腩肉配糖心蛋飯（$64）味道幾好但係個醬略嫌酸咗啲同埋太多男朋友話個糖心蛋完全係熟咗不過佢覺得咁嘅價錢有埋嘢飲就不能要求太多不過我就唔係咁睇我係寧願俾多少少錢食好啲嘅人所以我覺得普普通通嘅餐廳黎整體來講服務一般，侍應都冇乜笑容感覺黑口黑面環境優美，好坐性價比高，澳南來講算抵食食物無誠意，賣相同味道都一般呢度咁多餐廳我會選擇食其他未必會再嚟除非唔想行咁遠