時新漢堡飽 (已結業)

睇Toy Story 4之前食個快飯，一落小巴就見到時新快餐店。昔日舊店分家，大哥係蕪湖街開左SHKB1963，二哥就用原名係黃埔開左間。之前食過大哥果間，今次試下二哥呢間比拼下。呢度舖面較大，平日晚上到七點半都差唔多有八成滿，不過食快餐就係流轉快，唔駛等位。一行入黎收銀姐姐就俾個餐牌叫我坐低慢慢睇，又唔會催你落單。餐牌真係好多野揀，除左招牌既漢堡外，碟頭飯、粉麵都有好多餸選擇。唔想諗既話仲有套餐揀，不過我地想試推介既炸雞脾，所以就散叫左兩個雙層漢堡包、兩個小食同一杯特飲share。落單之後等大概十分鐘就叫號去櫃面自取，所有野食都係熱辣辣即叫即整，即刻加哂分。個漢堡望落去好似細細個，但食落去會發覺好有份量，雙層漢堡包有兩大塊肉，女仔食到一半都飽左一半。塊漢堡用新鮮牛肉配料整成，食落同二哥店既唔同。最好味既就係個時新醬，比平常既沙律醬稀d，但夾雜著好多果粒，係種清新感而唔係突兀既甜，好味過超市買到既水果沙律醬好多。 配料可以揀芝士、火腿同煎蛋，比舊店多左火腿揀，岩哂食肉獸。不過我都係鍾意芝士同煎蛋，食返原店風味，口感rich d炸雞脾真係不得了，外皮脆得黎係炸到好乾身，冇乜多餘既油流出黎

以前每逢演唱會都會食時新，聽到佢話唔做真係覺得好可惜。不過而家喺黃埔新天地重開，出開黃埔梗係要去懷緬下。一來到就發現原來他們作了期間限定套餐（復仇終局·冇廁所位），當然要試試啦。店內環境比舊店闊絡，可容納更多客人，而且坐得更舒適。炸脾同薯條可以share食，朋友另外再叫多個雙層漢堡芝士包同紅豆冰。雙層漢堡芝士包包夠軟熟，兩塊漢堡煎得外層香脆，加埋個酸酸甜甜嘅沙律醬，味道依然。炸薯條仲係波浪紋，而家好少地方有！熱辣辣新鮮炸起，外脆內軟！炸雞髀香氣十足，色澤金黃，外脆內嫩，雞脾肉仍然保持滑溜多汁。紅豆冰啖啖紅豆香，紅豆味好濃而且仲起晒沙，好好味！

大學年代lunch周不時都會去舊舖食漢堡包同薯條，果陣聽到佢執左覺得幾可惜，好在佢再係黃埔開返，可以再次嘗試到呢個港式漢堡包。今天就相約左大學的朋友來到這間新店，餐廳位於黃埔巴士總站附近，如果搭港鐵黎亦唔難搵到。lunch時間黎到都幾多人食，餐廳比舊舖大少少，座位亦較以前舒適。落單都是在收銀處，然後等叫No.。雙層漢堡包加芝士($32)、雙層漢堡包加芝士和蛋($35)，每次來都是吃雙層漢堡，因為飽D麻!麵包鬆軟，芝麻味香。漢堡扒是自家製的，所以咬落鬆軟juicy，而且都幾厚身。加上芝士、蛋和這餐廳秘製的時新醬，特別惹味!炸雞脾($27)，這裡的炸雞脾亦是很有名，雞皮炸到脆卜卜，雞肉嫩滑juicy，好香口呢!炸薯條($22)，黎呢度又點可以少左食薯條，這裡的薯條是粗薯條，外脆內軟，口感豐富!黃金脆雞粒($15)，這款小食第一次吃，口感有點像麥樂雞，但變了球狀，再配上時新醬汁一齊食，更加好食!總括黎講，有機會出開這邊也會再來試試，如果唔係不久將來又少了一些港式美食!

好耐好耐之前食過一次，之前更結業左一段時間，係上年重開返，不過一直未黎再試下，終於過來紅磡呢邊可以食返好值得保留既港式漢堡包。環境係黃埔新天地重開左一段時間，都未黎幫襯過新店，設計西式好多，同舊店風格完全唔一樣，不過都有保留到港式風味。餐牌好有港式味道，有股舊香港既風格，設計得幾靚，仲有好多食物揀，唔止漢堡包，連小食，甚至係粉麵飯意粉都有。秘製生果沙律 $12幾抵食，用上蘋果粒及梨粒，簡單開胃。炸雞脾 $27有得揀要黑椒汁/炸/滷水，今日想食炸脾，都幾大隻，用生炸方式，皮薄而脆，而雞肉保持到嫩滑冇雪藏味，以快餐店黎講都做得唔錯。雞全翼 $27由樣有得揀要黑椒汁/炸/滷水，呢款就要左黑椒汁，其實佢外層同樣都係生炸左，都做得好香口，睇你中意食脾/全翼，兩款一樣好食。炸薯條 $22茶記既間條紋粗薯，正常茶餐廳質素冇乜特別。雙層漢堡包 $35有得三揀二，芝士/蛋/火腿，配左芝士、蛋，而醬汁有得揀秘製沙律醬/黑椒汁/咖哩汁/茄汁/走汁，當然配左招牌秘製沙律醬。港式漢堡包，用嘉頓麵包做面同底，包身唔大個，牛肉漢堡扒都同包身差不多大，一咬落去，份量岩岩好，唔會太大又唔會食空氣，牛肉漢堡扒唔韌，都算鬆

🌟Pls follow my ig :eat_neverland🌟#時新漢堡包 🍔成日聽講係香港的老味道，係好多人既童年回憶。從未食過既我對佢都早有興趣想試下屬於香港既漢堡包🍔。好耐都無去過黃埔，同屋企人咁岩去行街。竟然比我遇到佢反正唔知呢頭有咩食，一於試下佢。#雙層漢堡芝士火腿包有兩層既肉肉🥰好滿足。好欣賞佢既漢堡扒係用新鮮既牛肉打成。👍令到成塊肉好有口感有彈性有肉汁。唔似m字頭咁食緊人工同化學添加濟。🙆🏻‍♀️加埋少少溶既芝土同火腿完全係勁香港風味既漢堡包。好有特色，比想像更好食。🤤醬方面我覺得係蛋黃醬加沙律醬既味道，甜甜酸酸。仲好似有加好碎既洋蔥🤔？當然仲有其他料先整到呢個同個包夾無遺和感既醬啦！#滷水雞髀 n #茶餐廳式炸雞脾滷水雞髀 都大隻而且入味但唔會過老仲保持到嫩滑。炸雞🍗脾 生炸 可能係咁既關係會細隻啲都易熟透啲。脆口多汁。#洋蔥圈粉漿唔厚外脆肉爽洋蔥甜甜地無辛辣味。

時新是港式漢堡包的始祖，當時突然結業，一直叫人記掛。幸好現在於黃埔新天地重開，屬於香港人的漢堡包得到重現了。👏🏻本來打算點一個下午茶(B6 炸雞脾拼炸薯條)、單點一個雙層漢堡及紅豆冰。店員很好，下單時提醒我們單層漢堡只需要加$10便可轉雙層漢堡、加$7餐飲可轉紅豆冰；於是便點了兩個下午茶。店內設有電視屏幕提示取餐。裝修光鮮，座位很闊落。雙層漢堡芝士包拼炸薯條炸雞脾拼黃金脆雞粒 (套餐薯條可轉黃金脆雞粒)雙層漢堡芝士包🍔麵包口感軟熟；漢堡是自家製的，牛肉混入了洋蔥，再用手將免治牛肉搓成漢堡扒。漢堡不太厚，但勝在煎得外層香脆，內裡鬆軟中帶有嚼頭，吃下去還有陣陣洋蔥味，很香口。再加上自家秘製沙律醬，真的很好吃！整個漢堡包充滿著港式風味的味道，仍能保持水準，味道依舊！👍🏻炸薯條🍟即炸出來新鮮熱辣，炸得酥脆，波浪紋夠質感。現今世代，波浪紋薯條真的買少見少了。炸雞髀🍗新鮮熱辣生炸而成，色澤金黃，香氣四溢。雞皮又薄又脆，肉質嫩滑多汁，令人食指大動！😋黃金脆雞粒雞粒炸得香脆，入口鬆軟，配埋秘制沙律醬更加開胃好吃！🤩紅豆冰🥤紅豆不會太甜，奶味十足，跟雞脾薯條一起吃，立刻令人想起兒時回憶。

今晚又要番夜班,於是又去黃埔覓食!行過聚寶坊時竟然俾我見到呢個廣告牌~~係回憶呀!作為紅磚牆校友,相信時新係大家既回憶!咁橋俾我見到呢個廣告牌即係叫我去拜訪佢啦~~位置係我見到個廣告牌既附近,轉個彎就係!之前舊店係橋底,地點唔易搵!座位都較迫,新店地點方便好多,座位都多左同闊落左~第一印象很好,即刻好想知味道是否如舊!黎時新必點漢堡餐啦!叫左一個單層漢堡蛋餐一個雙層芝士蛋漢堡餐再加隻炸脾同炸雞粒!點完餐坐定定等叫number.,同同事傾左一陣好快就叫到我地,漢堡同雞脾黎先,跟餐既薯條同另叫既炸雞粒要等~一見到個包真係回憶番哂黎~漢堡扒仍然保留原有風味,係手作既味道,夾埋煎蛋同signature沙律汁~仲唔係回憶既味道?同事叫既雙層芝士蛋漢堡比我多左塊扒同芝士,佢以前未食過時新,今次首試都大讚,話係真正港式風味!之後試下個炸脾,見到佢有3個👍👍👍所以叫,果然係👍既!外表炸到金黃香脆,仲以為炸到咁既未免d肉會有d乾,點知咬落去係必左勁多肉汁,必到成隻碟都係超樣衰😂ladies們係心儀對象前食要係counter拎定紙巾!不過我同呢個不拘小節既朋友食就唔怕啦,兩個人幾分鐘就KO哂一隻大雞脾!之

今日陪朋友👱🏻‍♀️重遊小學舊地，見完老師之後就係附近行下。旺角油麻地就去得多，但黃埔係好日都唔去一次⋯今日係第一次去的地方🤣🤣，所以由地頭龍帶路逛逛和覓食👩🏻：不如食麥當當？👱🏻‍♀️：咁同係你樓下食有咩分別？😐👩🏻：⋯⋯⋯👱🏻‍♀️：帶你食另一間啦！👩🏻：邊間？👱🏻‍♀️：時新漢堡！👩🏻：啊！我聽過！但唔知係邊！👱🏻‍♀️：冇指望過你知你帶路😌👩🏻：帶路啦你😤😤🌟🌟🌟🌟🌟🌟🌟🌟最後就揀左食—時新漢堡飽，是一間很有港式風味的快餐店。一入餐廳，店員姨姨就好禮貌地招待，遞上餐牌同指可以隨自己喜歡揀位置坐（因為時間尚早，未到高峰飯時所以有較多選擇，食食下已經坐滿左⋯比較親切係有一份份既餐牌可以令係手到慢慢睇慢慢諗，唔洗好似其他連鎖店咁成堆人企係到諗食咩👈🏻岩哂選擇困難症患者慢慢選擇😎漢堡同小食都好多選擇，但今次有地頭龍👱🏻‍♀️介紹，所以好快揀好，去收銀處落單比錢再令單等叫號碼。非常juicy 的漢堡飽！！無論係漢堡扒定係佢地既秘製沙律醬汁都好多，而且佢既漢堡扒係肉嫩多汁，比起麥⋯⋯既乾爭爭漢堡飽差好遠⋯⋯🙈同👱🏻‍♀️share 兩份食，一刀切開漢堡飽，好輕鬆，切完出來的漢堡飽形狀冇變，因為漢堡扒肉嫩

一家人係黃埔行街，好眼訓想嘆番柸奶茶，所以入左時新幫襯下，都幾港式風味既快餐店。叫左一個下午茶餐炸雞脾併炸薯條$39估唔到仲食到扭紋薯條啵，熱辣辣，外脆內軟，諗起以前唱k必叫之小食。而個炸雞脾都炸得幾靚仔既，算厚身，唔乾身，有肉汁算唔錯。港式奶茶完全冇問題啦。另外再單叫雙層漢堡芝士蛋包，唔算好巨型，但一啖食唔哂既，個漢堡扒係人手打，所以都好juice，唔係薄薄一片，但再大塊d就更好，雖然睇個樣麻麻地，但個沙律醬又幾好味啵。

細說懷舊，人情味的快餐店，真係少之有少呀。。。。。早兩前曾經結業，而家終於可以有得食了😍我相信 ❮時新漢堡飽❯ 好多人都識架啦，今次就係黃埔新天地重現大家啦～環境都好企理好乾淨，一入門口就有好大個餐牌係到，一目了然。而且都幾光鮮，不過就少左舊式既味道。。。之後睇岩直接比錢落單，搵個靚位坐住得叫號碼就可以啦～餐牌上有唔同款式既野食，當然唔少得呢到既招牌港式漢堡包啦🍔除左漢堡包，仲有飯類同意粉可以揀，岩哂唔同人既口味，同埋佢地既風味小食都唔可以錯過，特別係佢地既炸雞脾同炸薯條🍟漢堡芝士蛋包 $27真係好耐好耐都無食過呢種舊式漢堡包，真係好令人懷念呢～～☺️今次點都會叫佢地既經典漢堡包，牛肉多汁惹味，而且蛋邊仲係焦燶邊，加埋佢地既沙律醬汁，帶有酸酸甜甜既味道，真係好好食！漢堡芝士火腿包 $27呢款就拼左火腿，煎得好香，同樣有少少焦焦既感覺，配上牛肉同芝士，懷舊既味道出哂黎呀！👍🏻炸雞脾 $27脆香既炸雞脾同樣都係唔少得，老闆堅持用生炸既方法，令雞脾可以炸到香脆又多汁，雞肉仲幾滑TIM～🍖炸薯條 $22個人係非常喜愛食粗薯條，呢到呢粗薯條仲要係波浪紋，呢款既薯條而家真係好少地方可以搵到，薯條炸到