時新漢堡飽 (已結業)

一家人係黃埔行街，好眼訓想嘆番柸奶茶，所以入左時新幫襯下，都幾港式風味既快餐店。叫左一個下午茶餐炸雞脾併炸薯條$39估唔到仲食到扭紋薯條啵，熱辣辣，外脆內軟，諗起以前唱k必叫之小食。而個炸雞脾都炸得幾靚仔既，算厚身，唔乾身，有肉汁算唔錯。港式奶茶完全冇問題啦。另外再單叫雙層漢堡芝士蛋包，唔算好巨型，但一啖食唔哂既，個漢堡扒係人手打，所以都好juice，唔係薄薄一片，但再大塊d就更好，雖然睇個樣麻麻地，但個沙律醬又幾好味啵。