霸嗎拉麵 (已結業)

平時好少係將軍澳搵食，但隨住呢度ge 人口增長，餐廳都愈開愈多，仲愈黎愈多元化。今日lunch去左新都城食呢間拉麵舖，為左避開人潮，我地兩點幾先黎到，唔使等位～日本風ge牆身。野食ge 選擇都幾多，好少拉麵舖有咁多小食揀，拉麵仲有雞湯雞义燒，幾特別。其實佢唔用冰水呢下我真心高興，因為冰水真係好難一邊食拉麵一邊飲。。先黎唐揚炸雞。新鮮炸熱辣辣，加埋少少檸檬汁中和下，脆得黎內裏juicy，簡直係呢餐ge亮點。夠肉好大塊。。。差d食唔哂。隻蛋是糖心的。有三大塊海苔，湯底唔會太咸，麵條煮到剛好唔會淋。呢個係辣ge, 朋友叫的，佢好快清哂，湯底都幾好飲。

呢間拉麵都開咗幾個月，因太多人所以一路都未試，實在唔想排隊點知今日小朋友話要食拉麵，ok排就排喇煎餃子幾脆，不過個汁就喊左啲呢個炸雞，外脆內軟雞肉仲有汁架塊豬肉睇落去好似好肥，但係其實肥肉係好少嘅，白色嗰啲部位其實都係瘦肉黎架，跟住個筍就好入味，雞蛋係糖心，而蛋白都入到味，湯濃郁嘅比較杰身，但係就無大坑嗰間日本拉麵，杰到好似糊咁，都可以接受，麵係冇鹼水味嘅！呢度最好就係有兒童餐，除咗一碗麵、一杯飲品！食完之後仲有一個雪糕糯米糍同埋一件日本嘅那些年玩具俾小朋友揀，好貼心

霸嗎拉麵開咗喺將軍澳，最開心一定係住喺將軍澳嘅女朋友，之前喺銅鑼灣食完霸嗎拉麵女朋友已經問幾時再去食。今晚我哋就去咗新都城「回味無窮」。我哋10點到先入去，嗰時都仲有10幾人左右等位，睇嚟霸嗎拉麵係香港都幾好人氣！今次我哋坐咗係吧枱，雖然廚房太高，我哋睇唔到啲師傅整拉麵嘅過程，但令我諗起喺日本傳統拉麵店嘅回憶。首先嚟咗炸雞小食，睇相都見到佢炸到好香脆，食落去唔會粉，而且每一舊都有返咁上下大小，嚟親霸嗎拉麵，炸雞都係小食嘅不二之選。終於到主角出場啦！男主角係豚肉拉麵。麵嘅闊度同油麵差唔多，傾向硬身。一如既往，叉燒都係咁厚身，湯都係咁濃郁，份量夠多，唔使加麵底都已經飽到上心口。糖心蛋亦都好靚好好味！女主角就係白湯雞拉麵啦！兩塊厚切既雞腿肉真係好滿足，雞肉嫩滑之餘，亦都好香雞油味。同埋每一碗拉麵都放咁上下嘅蔥粒，令拉麵冇咁油膩，正下次再食可以試吓啲辣嘅拉麵，挑戰下自己！