火箭餐廳

營業中

休息中

玩完漫威蟻人展館-蟻俠與黃蜂女擊戰特攻，走去附近個間火箭餐廳醫肚。建議最好用手機app購下二合一餐卷。或入到樂園賓客部購買三合一餐卷。二合一即一個正餐加一個小食。三合一即一個午餐加個晚餐再加一個小食。三合一餐卷$220。正餐不適用於廣場飯店-美心主理及大街餐廳-可口可樂主理。如要購買超過$120正餐，要補差額。因個餐卷只適用於$120或以下套餐。小食只供爆花$35米及雪條$40。在小食亭有售。間餐廳門面有個巨大火箭。有三份一坐位屬半露天，餘下屬室內坐位。牆壁有多幅巨型太空畫。服務員穿上太空裝，好重星戰FEEL。火箭精選推介有兩款，戰隊雞桶套餐$568及戰隊漢堡套餐$149。我個人買咗個炸魚寶套餐。個包裝印有蟻俠及黃蜂女，當中有六塊炸魚柳及一大堆炸薯條。中型可口可樂。佢地提供亨氏蕃茄醬及Tartar醬汁。Tartar醬汁混入炸魚柳，非常滋味。亨氏屬餐飲界頂級蕃茄醬。混入炸薯條，滋味無窮。凡購買任何套餐，除兒童餐，加$20可換原價$40蟻俠及黃蜂女雪糕甜筒一支。下午四時半後用餐消費，用微信支付內地錢包有優惠。滿$150可減10元人民幣。滿$400可減40元人民幣。

早前的食評都有提過，小編最近曾到訪迪士尼樂園，在園中亦有好野介紹給你們！---火箭餐廳！火箭餐廳算是迪士尼內最舒服的餐廳，餐牌食物一目了然，點餐及取餐過程亦非常順利，座位亦不難找到。今次點左炸魚寶套餐。呢個套餐有薯條同炸魚塊，炸魚塊外貌好似麥樂雞咁，但食落入面就係魚，魚味好重同好出，以沙律醬配食，非常合襯！好味！薯條亦係新鮮炸出，熱辣辣，脆口，粗度亦適中，金黃色，很有質素。如果一家人玩到累累地，可以黎抖抖差差電再玩過，係唔錯嘅選擇！