寶寶雞煲 (已搬遷) 新店位置

真係講都無人信，依間寶寶雞煲其實就係我屋企對面，同一條街相處咗憑印象應該有差不多10年...但係今次先係我第一次食😂因為太子附近火鍋實在太多，咁岩今日女友放假又想食雞煲，所以今次係試新野😆😆😆女友到咗先，我因為要開會，所以差不多遲咗半個鐘，咁不嬲食飯都係我揸主意點菜，諗住今次比佢揸主意，點知最後都係影晒相send俾我話事✌🏻雞煲就揀咗奇味雞煲，要冰鮮雞，咁我覺得雞煲係好重味嘅菜式，所以用冰鮮雞就OK，但係有啲人鍾意食走地雞，如果白切雞我就會揀走地雞，不過個人喜歡啦⋯⋯其實我唔知咩叫奇味雞煲，真係第一次食，口味幾啱喎，唔係好辣、亦唔算太鹹，又食到有雞味，正！😍牛肩肉，點菜紙寫咗係必食，真係同佢描述一樣唔係好肥但又有牛味😋芝士牛丸，咬落去唔會爆到出嚟，唔會辣親條利，我覺得啲芝士好香😂炸魚皮就好爽脆，浸咗落個湯度都唔會即刻林晒👍🏻淮山非常新鮮，其實食淮山切嘅厚度係好重要，太薄就好快會溶晒，切太厚又會淥好耐都唔熟，佢依個厚度啱啱好👍🏻👍🏻鴨血好彈牙，女友嘅至愛😋😋萵筍好新鮮冇喳，同淮山一樣，切萵筍嘅厚度係非常重要👍🏻👍🏻油麥菜浸咗啲雞煲嘅汁非常之野味😱鹹檸七女友話夠鹹😆😆唔係好多地方會有半碟食

約左朋友仔食dinner, 朋友仔唔食辣，但又好鍾意食雞煲😂😂所以就揀左寶寶雞煲...好彩我地未夠7點就黎到，唔洗等位其實我都係第1次食唔辣嘅雞煲，見到嘅時候，覺得個樣有少少似醉雞鍋雖然話半隻雞，但好似食極都有，雞肉幾滑2個人打邊爐係要好有節制，好彩呢度好多野食都可以揀半份，我地2個女人仔就可以嗌多幾樣野炸魚皮好脆口，自家製水餃好味，皮薄餡靚大大粒竹笙索哂d雞湯，好好味喔不得不提係杏汁豬肺，好飽滿同洗得好乾淨下次我要約多幾個朋友黎先😎😎

雞煲店打邊爐@太子一心嚟食雞煲，點知海鮮火鍋 $198/位而且無加一，結果就轉咗打邊爐 😂 如果有 book 位，可以講定要粥底火鍋𠻹～首先有個環球海鮮盤，有八款唔同嘅海鮮，豐富到爆！海鮮籃有龍躉、魷魚、生蠔、帶子、蜆、蚌、膏蟹仔同蝦。侍應仲好細心咁一早擺定兩個桶仔，俾我哋掉殻。啲海鮮全部大大隻，size 唔細㗎喎。真係好新鮮好鮮甜，樣樣都好掂 😍大蝦好生猛，肉質爽彈 👍🏻 原本見抵食先揀呢個餐，無諗過呢個價錢有咁好質素嘅海鮮，超值！海鮮之後套餐包咗自選八款火鍋配料，各種肉類、手打丸、餃同菜等等，選擇都唔少。美國牛肉帶點脂肪紋理，食落柔軟唔乾柴。手切鮮牛肉切得厚啲，口感強烈啲。味道亦濃味啲，牛肉味重啲。日本黑豚肉都好好食，無普通豬肉嗰啲肉膻味。食落係滑嘅唔嚡～自製墨魚丸使唔使咁大粒啊？自製嘅果然彈牙得多 😋魚皮餃個皮幾薄，肉餡包到脹脹～炸魚皮脆到無人有，調味適中唔會過鹹，俾朋友送啤酒一流。最尾兩樣就點咗啲蔬菜、菌類，食完肉食翻啲菜就啱哂。唔飲啤酒嘅朋友就叫咗渣洛神花茶，酸酸甜甜又清涼，一渣都好夠飲。