Granville Island Hong Kong (已結業)

以前係西環返學，幾乎每日都會去高街水街同蘇豪食野。高街近年通左港鐵之後多左好多有質素既餐廳，大部分以小清新同西餐為主。今次就試左係高街既Granville Island，朋友一個星期前訂左位，當時見到價錢尚可，食物種類都多，而且環境幾好，可以同埋朋友慶生，所以即管一試。餐廳用開放式門口，好多人坐外面Bar台。一入到去即刻有職員serve我地，好好笑容，同埋可能因為人不太多，比我地揀位坐。餐廳整體裝修還可以，叫做寬敞，坐得幾舒服。食物方面，我地3個人一共叫左5樣野加3杯飲品，食物分量偏大。炸魷魚圈有洋蔥同魷魚，炸粉都夠薄，配埋沙律醬好好味。但因為我唔食洋蔥，所以略嫌過多，朋友就覺得Ok，值得一試。BBQ rips呢個真係好失望。無記錯價錢係$348半份，全份要大約500。肉質好鞋，好乾，咬擦子膠咁，近骨位好啲，但都係唔多Juicy，唔係特別鐘意食Ribs既可以唔叫。5星係比黑松露意粉，手撕豬肉薯條啲豬肉太酸，同埋咸到食左應該會有腎病，男士想食要三思。黑松露意粉非常好味，好香菇菌味，意粉不會太淋，sauce都好多，啱曬鐘意食汁既人！我地仲另外叫左個牛扒，好juicy 好好味，連我麻麻地食牛

筆者最怕大時大節出街食飯，既踫上人山人海，又有時間限制，而且只有指定套餐之餘，又比平時貴幾成。因此每逢西方節日便到中菜館，中式節日便到西餐廳，這種逆主流已經成為筆者的習慣。今年的團年飯，筆者揀了西餐，地點揀了新蒲點：高街。以前一提起高街，最熟悉莫過於高街鬼屋。自從港鐵伸延至西環，這區頓時熱鬧起來，不少新屋苑相繼落成，而且愈來愈多外藉人士入住，因此吸引不少餐廳進註港島西區，除了堅尼地城電車總站一帶之外，西營盤高街是另外一個熱門勝地。雖然只是短短一條街，但開滿了各式各樣的餐廳，當中以西餐廳及酒吧為主。可是價格方面已經不再是西環舊區的街坊價，直迫中上環soho區的價錢。最後揀了間價格比較貼地的「Granville Island」。揀這間餐廳除了價格外，情意結都是一個原因。筆者家人都在温哥華生活，剛巧地餐廳用了温哥華「Granville Island」的名字，令這餐團年飯更加有家的感覺。Granville Island 是温哥華的旅遊勝地，沿著岸邊而建，集工業歷史、購物、劇院、餐廳、公園及酒店於一身，當中有個賣新鮮食品及小手作的市集吸引不少遊客。不知店主是否以 Granville Island