Chill and Grill

營業中

休息中

這間餐廳都好出名都不用多介紹，地方好大好寬躺，食物質素又高，小編已經係第二次嚟，當然試吓其他菜式。● 炸魷魚鬚配他他汁層炸皮雖然唔係特別脆，但唔厚，食落唔覺油膩，少少腍反而口感更好，魷魚本身爽口，配埋紫菜同沾上他他汁提升味道，份量好多好抵食● 美國封門柳封門柳係橫膈膜嘅肌肉，肉質比較鬆軟，而且牛肉味極濃郁，叫咗5成熟，上碟見到表面煎香中間鮮紅色，鮮味多汁，功夫到家，份量比一般多，另一抵食，必叫😍● 原木烤海中蝦海蝦肉質彈牙嫩滑，醬汁偏濃厚同微辣，但用原木烤能保留海蝦鮮味，同樣都好大碟份量好足● 蟹肉牛油果意大利飯特別喜歡有顏色嘅意大利飯，又靚又吸引，今次綠色，同配菜牛油果🥑好襯，意大利飯夠軟夠腍好有咬口，加上蟹肉增加鮮味● 意式雪糕三文治有得玩又有得食，用個鎚仔打爛外層朱古力圓球，就可品嚐裏面件cookie雪糕● 蝴蝶酥餐廳另一特色係有自家製蝴蝶酥，好鬆脆好有牛油香味，真心推薦😍

🌺CHILL AND GRILL🌺富有熱帶風情，灰藍色的門面，裝潢以粉藍及粉紅花為主題，花花牆紙，木牆身，吊扇、水晶吊燈。餐廳有露天坐位，室內面積頗大，樓底高有空間感，旁邊有一個巨型的夢幻韆鞦。餐廳職員非常親切，環境歡樂, 非常適合聚會。今次，我和兩位朋友就叫左兩款小食同三款主食。燒法國黃油全雞$188，雞皮香脆又唔會太過油膩，肉質好嫩滑，細嫩多汁。一開始以為是全雞上脾，一問先知餐廳用的是幼雞🐥，再加上廚師的烹調，雞胸既位置都唔會鞋，仲唔洗點醬汁，已經夠味。配菜亦唔求其，焗薯仔夠淋加左少少鹽係表面，好入味；西蘭花苗好嫩，莖既位置好似食緊芥蘭甘，好特別。西班牙海鮮炒米粒麵$188，米粒麵係好似一粒飯既形狀，入口煙韌，粒粒分別，充分吸收醬汁，配上大蝦魷魚仔青口同蘑菇等材料🦑🦐🐙，非常豐富惹味。美國封門柳$298，叫左5成熟，每小片都帶有香濃的牛味，外層烤至微脆，肉質🐮嫩滑Juicy，有層次。新西蘭短蜆配香草清酒汁$108，蜆份量適中，每隻都好飽滿，脹卜卜。蜆肉鮮甜，配搭帶牛油蒜香既清酒汁。炸魷魚鬚配他他汁$68，份量超多，魷魚🦑有咬，炸漿加左紫菜，輕輕調味。❤️整體來說， 菜式很高質， 食物

今次係第二次嚟哩間餐廳，平日人比較少，加上未到lunch time，入座後都仲有好多位置。餐廳面積大，位置多，感覺好開揚同寬敞。室內外裝修都好有風格，而且入面仲有張韆鞦坐椅，係打卡嘅好地方📸 ✨是日餐湯 - 忌廉磨菇湯 $10加配面層加上忌廉及蔥花，外觀加分不少。雖然冇粒粒磨菇，但味道十分濃郁，質感濃稠。再配上香幼忌廉，入口更順滑，味道層次更豐富。👍🏻✨意大利貓耳粉配虎蝦及香辣蕃茄醬 $118擺盤美觀，西餐果然著重細節🌸 貓耳粉有咬口，唔會煮得太腍或太硬。蕃茄醬汁味道濃而唔會過酸，帶微微辣，酸度及辣度比例剛好，唔會蓋過對方😋 除咗面層一隻大虎蝦外，其實粉入面仲有蝦，食落都唔係雪藏蝦肉。✨芝士菠菜意式雲吞配巴馬火腿及黑松露忌廉汁 $118擺盤見到面層一片片黑松露，即刻覺得高級咗😂 巴馬火腿鹹香味剛剛好。雲吞數量睇落唔係好多，但食哂都好飽，菠菜餡香濃亦唔怕過膩。而好重要嘅係雲吞皮煮得剛好，唔會太腍或太硬。✨炸魷魚鬚配他他汁 $68上菜已經聞到炸物嘅香氣，咬落表皮夠薄亦脆卜卜，配埋他他醬酸酸甜甜，可以去除炸物嘅油膩感。🔍整體感覺：職員親切細心，我地並冇特別要求，但職員自動俾唔同溫度嘅水，肥b