西關老祖 (文苑樓)

營業中

休息中

渡船街一帶嘅大廈有返咁上下歷史，但竟然有間文青裝修風格嘅小店「西關老祖」，感覺幾得意喎。佢成個格調同呢區好唔同，別樹一格😆。佢賣嘅食物同樣有特色，例如有招牌瀨粉、鹹肉粽同蘿蔔糕等，大部份係中式懷舊小食🥢，唔係四周圍都有得食。雖然食物唔大份，但定價大眾化，你當佢係蕯莉亞嘅價錢吧。極黑·黯然銷魂飯($56)，佢係非一般嘅叉燒飯，好出色。🐷餐廳選用豬腩肉以醃製成黑叉燒，無論肉質定味道都同燒味叉燒不一樣。黑叉燒帶微微甜香，並非濃烈嘅蜜汁燒烤醬味，肉質亦好軟稔。白飯撈咗豉油醬汁變得好食，另外再配埋煎雙蛋🍳，份量足，男仔都夠食。炸·黑毛豬肉粽($45)，炸粽賣相吸引，因為炸至金黃色💛，望落有啲似薯餅。炸粽外層微脆，亦難得唔油膩。糯米無過黏或過硬，所以易入口，亦唔會太滯。🥠粽中間主要得豬肉餡，保留傳統風味。爆炒·XO醬蘿蔔糕($38)，炒蘿蔔糕好香口🥕，XO醬辣辣哋幾正🌶。每粒蘿蔔糕均附有瑤柱、臘腸同蝦米等，相當足料。另外，餐廳更有發售原底自家製蘿蔔糕，過時過節可以買返底同屋企人分享。老祖·臭草綠豆沙($28)，經典糖水改頭換面，用飲品杯裝，再加上凍食，成個感覺煥然一新✨。我阿媽一聞就聞到臭草香，佢

最新因疫情關係 又禁咗堂食🙁係佐敦附近周圍搵下食～見到呢間西間老祖都幾多人推薦 所以就外賣返屋企食～ 門面唔算大 只有小量座位 所以大部分人都係外賣拎走 叫完外賣等左一陣就可以拎得👍🏻👍🏻 佢地係似自助點餐機落order 都幾方便😋 見到佢地有出名不同醬料 e.g. 豬油、XO 醬、麻辣醬同辣菜脯～～ 睇到都覺得惹味😆西關老祖話明出名古法瀨粉 緊係要試下呢個招牌瀨粉啦！佢有得簡辣/唔辣菜脯 我今次試下辣！呢個瀨粉質感好濃稠 加埋辣菜脯個味岩岩好 不過菜脯比我想像中要辣🤣 岩晒d食得辣既朋友另一特色係呢個炸黑毛豬肉棕！第一次食炸咗既粽 點知意外地好食😋！個口感類似薯餅 唔覺唔覺會食到停唔到口 不過最好同人share 因為份量真係好唔客氣☺️仲多左款小食—XO醬炒腸粉，味道好夠 係懷舊既港式味道😍唔錯 最後又差唔多食晒!飲品方面 叫左佢地既低糖豆漿～～ 餐廳default 左係低糖 中和岩岩既罪惡感✌🏼✌🏼本人唔鐘意飲太甜 所以呢杯低糖豆漿岩晒我 疫情禁堂食期間大家都可以外賣返去試下呢個懷舊味道☺️☺️😍

超級懷舊喎😁 “老祖秘傳麻香咖喱 ”即係（豬皮蘿蔔仲要用陳皮魚皮）🤩簡直冇得輸超級好味👍好多汁好大兜都係38蚊咋喎😋啲蘿蔔係好入味， 魚蛋係陳皮魚蛋yummy仲有豬皮好爽口彈牙呢個第一推介👍👍]失傳炸粽。可樂套餐 $57 炸黑毛豬粽👍👍👍以前屋企人整食過之後就食唔返啦😅估唔到係呢度搵得番😋套餐要咗雪碧，仲加咗12蚊要叫咗怒烤日本甜蕃炸粽裏面只有好大塊黑毛豬，而黑毛豬簡直係同糯米一樣size即係話每一嚿都會食到黑毛豬 💯好正㗎加12蚊加有日本甜蕃薯好好味🤩番薯連皮食㗎咁樣先好味💯]老祖。Double至尊頹飯 配自家製黑毛豬油（ 其實即係餐蛋飯加黑毛豬油同豉油）$46蚊， 見唔見到呀😃塊餐肉勁厚呀👍真係超級正💯我見到佢係新鮮炸㗎😎兩隻雞蛋呢就彈下彈下咁😁裏面嘅黃呢係流心㗎😋加埋黑毛豬油豉油特別好味喎😍個飯仲好大兜添😁😁呢個真係超值呀👍我都係叫套餐㗎喎😎😎]😁😁老祖炸芝士孖薯 （即係薯條同薯餅） 配黑松露醬😍芝士薯條小朋友唔使10分鐘已經K.O.晒啦🤩正明超正， 我鍾意加埋啲黑松露醬落去啲薯條都食好好味呀💯仲有煎祖秘傳蘿蔔糕（即傳統蘿蔔糕）佢上面已經加咗啲甜醬落去， 好多蘿蔔喺裏面，又唔會粉

佐敦渡船街附近最近開咗一間小食店，個名叫西關老祖，走進呢條小小嘅文苑街上，你就會發現柳暗花明又一村。小店主要做外賣為主，門外擺設亦甚有特色。呢度都不乏自家製招牌菜。想試嘅朋友請注意，呢度係唔收現金。店內設有自助點餐機，可以有多種電子支付方式付款。我從來食嗰方面都係貪心，所以都點咗幾樣招牌菜試吓，其中呢個炸黑毛豬肉粽炸得非常香脆，覺得好似食緊薯餅咁，而糭入面嘅綠豆蓉經過油炸之後變得外脆內軟，絕對值得一讚！爆炒XO醬腸粉用上潘記腸粉，再配合佢哋嘅自家製XO醬，入面有蝦米、干貝、金華火腿、銀魚仔、仲有唔同調味醬料混合而成，甚有風味。爆炒XO醬蘿蔔糕嘅蘿蔔糕同樣係佢哋自家製，配合佢哋自家製嘅XO醬同樣有特色。老祖黑松露炒蛋炒得夠滑，而且仲有大量黑松露，滑蛋中啖啖滲透住黑松露嘅香味。估唔到一間小食店可以做埋盆菜，下次屋企有party或者要做節都可以考慮吓。

係住宅區有一間新派裝修小店，幾特別。佢主打外賣，所以店內只有一張導演椅供堂食既人，門口有部自助落單機，仲支援多個支付平台，好方便。落完單，可以睇到佢即場整我既食物。一向係瀨粉忠實粉絲既我，叫左佢個招牌西關瀨粉加辣。一打開外賣碗，望落好似平時食既狗仔粉，不過佢既瀨粉好特別，比傳統既粗，咬落較有口感。最重要既係佢$15渣，如果番工附近有，真係日日食都得，又抵又好食。炸黑毛豬肉棕，我俾男朋友盲猜下呢個係咩菜式，佢一咬落去就估到，因為食落去真係好有食棕既感覺，有糯米既香，再加豬肉既口感，配埋薄薄既炸粉，好有新鮮感。爆炒xo 醬蘿蔔糕，蘿蔔糕口感唔會係好粉，加埋xo 醬好惹味。老祖至尊頹飯，食落真係頹飯既感覺，但係好好味。佢既肉，做得好好食，好特別。自家製豆漿，好好飲，而且佢係微糖，更加飲到豆香。特別要讚佢係用玻璃樽裝住，好特別，之後仲可以重用番個樽。咁樣都係$150，幾抵食，又食得好飽。