西關老祖 (文苑樓)

營業中

休息中

係住宅區有一間新派裝修小店，幾特別。佢主打外賣，所以店內只有一張導演椅供堂食既人，門口有部自助落單機，仲支援多個支付平台，好方便。落完單，可以睇到佢即場整我既食物。一向係瀨粉忠實粉絲既我，叫左佢個招牌西關瀨粉加辣。一打開外賣碗，望落好似平時食既狗仔粉，不過佢既瀨粉好特別，比傳統既粗，咬落較有口感。最重要既係佢$15渣，如果番工附近有，真係日日食都得，又抵又好食。炸黑毛豬肉棕，我俾男朋友盲猜下呢個係咩菜式，佢一咬落去就估到，因為食落去真係好有食棕既感覺，有糯米既香，再加豬肉既口感，配埋薄薄既炸粉，好有新鮮感。爆炒xo 醬蘿蔔糕，蘿蔔糕口感唔會係好粉，加埋xo 醬好惹味。老祖至尊頹飯，食落真係頹飯既感覺，但係好好味。佢既肉，做得好好食，好特別。自家製豆漿，好好飲，而且佢係微糖，更加飲到豆香。特別要讚佢係用玻璃樽裝住，好特別，之後仲可以重用番個樽。咁樣都係$150，幾抵食，又食得好飽。