洋食商店 (喜遇)

營業中

休息中

店面裝橫好特別 結合左懷舊日式x新潮韓式元素 食物都好好食 真係值得一試✨呢到仲有好多寵物零食可以買添架🐶.📌枝豆(前菜) $free枝豆係凍食嘅 調味比較淡 煮熟左之後再加鹽 得外殼有味🫛.📌椒鹽日本魷魚鬚 $78大推 超級好食‼️炸衣厚薄適中 炸得好酥脆 冇油膩感 海苔碎好香👍🏻魷魚鬚夠晒新鮮 冇雪藏味 煙韌度剛好🦑沙津醬有啲辣味 好正 作為下酒菜真係一流🥃.📌清酒煮鮮貝類 $128蜆肉好新鮮 大粒又清甜 有啲啲腥 但都好食 食落好濃嘅胡椒味同清酒味🍶啲湯真係勁好味 蜆肉鮮味出晒嚟 不過份量比較少如果有一個煮蜆煲 有火warm住湯多啲就仲正🔥仲有啲三色椒同洋蔥粒一齊煮 藏紅花作點綴🫑🧅店員話個湯可以點豬皮食 啲豬皮比較似蝦片同薯片 就咁食都幾香 點咗湯會融化 唔會錦上添花 只係會淋淋地冇左咁脆 口感變左🤣.📌真·甲羅燒手工披薩 $248手工pizza真係特別好食 有餡既地方夠薄 批邊夠厚又鬆軟🍕成隻蟹融入晒落pizza到 蟹柳, 蟹肉, 蟹膏, 蟹籽, 蟹蓋, 蟹鉗 海鮮pizza就食得多 但成隻蟹都係第一次🦀每啖都有蟹味 芝士, 沙律醬, 蟹膏同pizza一齊焗 味道好濃郁🧀蟹籽份

好少會突登去長沙灣食野，但如果系好吸引嘅沒有不去的理由啊？洋食商店由門口到內裡環境亦充滿和風，沿用日本小商店設計，汽水機、扭蛋機等裝飾好有玩味😆✿ 唐揚爆谷雞 $68爆谷雞個名好過癮，叫黎試試咯。叫呢個名大概系因為炸雞一粒粒細粒好似爆谷咁🍿️炸雞可沾上3款醬汁，分別系沙律醬/ 蜜糖芥末醬🍯/ 車打芝士醬🧀個人好中意車打芝士醬，微甜而且吾會好漏👍🏼✿ 原條鰻魚鰹魚汁意粉 $188原條鰻魚非常吸睛👀旁邊有大量木魚絲，鰻魚啖啖肉又冇乜骨幾好。鰹魚汁同忌廉融合，忌廉汁味道出好多。✿ 真 · 甲羅燒手工披薩 $248講得咁認真系真 · 甲羅燒絕冇花假啦～大大隻甲羅燒就系度，有勁多蟹籽同蟹膏😍然後隔離仲有蟹腳同蟹柳😍除咗甲羅燒入面嘅蟹膏，原來數件pizza入面亦有蟹膏🦀成個pizza滿滿嘅蟹香！✿ 烏龍茶 $30想清清哋吾想飲甜野可以飲烏龍茶，用咗Asahi樽好igable😆茶味香醇。✿ 手搖冷泡水果茶 $58水果茶有數款味道供客人選擇，揀咗菠蘿🍍水果茶清新，菠蘿味香甜，整體吾會太甜。

這間新開的居酒屋位於長沙灣，以日式昭和及平成時代為主題，店內完美模仿日本街道，搜羅日本各款零食、扭蛋機、汽水機擺設等，四周都是打卡位。菜式方面均即叫即製，主打日式西餐，有炊飯、手工意粉、薄餅及串燒等等。前菜日式毛豆鮮嫩清爽，豆質軟綿。真．甲羅燒手工披薩 - $248薄薄的披薩酥脆無比，批邊更鬆脆得帶點焦香，餅皮中心保持柔軟濕潤，塗滿酸甜的蕃茄醬及半溶化的芝士；每塊更有一根多汁的蟹柳棒及甘香的甲羅燒蟹膏，中間的甲羅燒更有大量鮮甜的蟹肉及爽脆蟹籽，蟹味十足！炸軟殼蟹明太子手工意粉 - $188大大隻酥脆的炸軟殼蟹毫不油膩，咬開厚厚的蟹肉充滿鮮甜海水味，更有少許甘香的蟹膏，還有香煎帶子、魷魚粒、蜆肉及蟹籽等等，鮮味十足；手工意粉特別煙韌彈牙富蛋香，掛滿幼滑的忌廉奶油醬汁。燒菠蘿 - $38一整串鮮菠蘿香甜多汁，塗滿香甜的焦糖，好開胃。。烏龍茶 - $30Asahi玻璃樽烏龍茶，具上等茶葉的清爽，無糖之選。Kimono Tea - $38日文「和服」的意思，綠茶混合不同花香，香氣豐富且具層次感。

最近嘅搶機票活動，完全搶唔到，越搶越頹，都冇得去不過唔緊要啦，長沙灣都開咗間日式洋食屋，舖面舖內都好似去咗日本咁日式嘅pizza唔常食，呢間有好特別嘅款式，成隻蟹蓋放咗上去，裝住大量蟹籽蟹肉，pizza上仲有蟹鉗肉、蟹柳同蟹膏，味道滿滿蟹香爆谷炸雞，開頭以為係爆谷味，原來係指size，一粒粒好襟食，仲有三款醬點，分別係芝士、沙律同蜂蜜芥末，仲正過食爆谷作為夜晚蒲點，當然唔少得串燒，必試激厚牛脷，厚度目測大概2cm，好彈牙有質感，仲有神秘辣醬點吓最後當然嚟個日式經典甜品打吓卡，抹茶味刨冰都常見，玫瑰荔枝味就幾趣緻，有啲士多啤梨味零食做topping，仲有荔枝肉同果乾肉，玫瑰醬刨冰同雲呢拿雪糕，好味到忍唔住食晒，但凍到就嚟變Jack呢間逢一至五，特選酒精有買一送一weekend嘅話，飲其他嘢飲都唔錯，有Asahi日本限定玻璃樽烏龍茶可以打個卡話梅青檸薄荷梳打好啱夏天飲，薄荷味貫穿全身，爽到痹

今次黎到呢間好著重日本街頭風既洋食店一入門口就已經俾佢既風格吸引住🤩坐低第一時間唔係望餐牌 而係望佢既設計每個燈牌每個擺設都令人諗起日本🎏最令我印象深刻既 就係佢個電線柱 直頭還原一樣😍終於可以睇餐牌喇 食物既選擇未算係太多不過佢既種類就幾豐富 偏向大路 所以都易揀😌➷🪐 帶子他他新鮮既帶子刺身 配上我好鍾意既柚子醬汁🍊個種酸味同帶子真係好夾 愈食愈開胃🤤平時屋企都會長備一枝 估唔到出街都要掛住佢😆§🪐 椒鹽日本魷魚鬚唔算太肚餓 所以可以叫多個小食都唔怕😌 (藉口)🫣即炸既魷魚鬚炸得鬆脆 炸粉唔會落得太重👍🏼加上佢煙煙韌韌既口感的確令人食得好過癮🦑§🪐 甲羅燒薄餅講gimmic 呢個薄餅都算係我第一次見🫢將甲羅燒放係薄餅上面 我都好想試吓究竟係點既一回事用芝士做底🧀中間放上主角甲羅燒😍相機食完之後就可以將滿滿既飛魚籽蟹肉平均鋪係薄餅上連同蟹膏一齊食 啖啖既蟹香出咗黎😋我就建議可以用一隻淡味啲既芝士 就唔會影響蟹味發揮🦀§🪐 烏龍茶🪐 蜜瓜梳打今次真係要講一講佢既野飲🤣我都係第一次見玻璃樽版既Asahi烏龍茶🤩幾時都話 玻璃樽裝既野係特別好飲 唔知點解🫣🧸就揀咗有雪糕版既蜜瓜梳打 好有街