Amour Corner (已結業)

朋友訂左枱 , 呢間餐廳唔開揚 , 不過都唔難搵既 , 門面唔咁起眼 , 但望入餐廳就好有feel , 全是梳化椅 ,  暗暗既燈光 , 枱面仲有燭光添, 好啱情侶撐枱腳....我地三人叫一個二人套餐 , 另再散叫碟鵝肝意大利飯 , 各款食物都有水準......食食下見我朋友問喺佢身邊既侍應 , 我只聽到侍應答佢仲焗緊,  要D時間....幾分鐘後突然見侍應遞上生日甜品....我果刻好開心

為咗提早慶祝情人節，特登試吓呢間餐廳嘅經典二人晚餐。估唔到餐廳又幾有情調，每張枱放置一小盞蠟燭燈，食飯都零舍浪漫。-頭盤(3選2)今次揀咗青蘋果鵝肝多士同巴馬火腿蜜瓜。青蘋果鵝肝多士上嘅鵝肝唔算好厚身，入口離奇地帶點羊膻味。青蘋果有中和鵝肝油膩嘅作用，配上蘇除多士，味道都唔錯。薄切嘅巴馬火腿配爽甜蜜瓜，味道清爽又帶輕微鹹香，多汁蜜瓜好正。-湯&沙律分別係紅湯同凱撒沙律，味道冇咩特別，就唔多評論啦。-主菜(7選2)點選咗烤澳洲牛柳扒同菠菜汁煙三文魚意粉。三成熟嘅烤澳洲牛柳扒切開都唔會好生、血淋淋咁款，因為澳洲牛飼養方式同美國牛唔同，肉質會比較結實，味道上都幾唔同。雖然都有牛味，但個浸牛膻味比較清新，冇咁重口味，脂肪同肉汁相對上都較少。煙三文魚意粉嘅菠菜汁做得好出色，口感輕盈但又好夠creamy。煙三文魚份量都唔少，如果可以更嫩滑就更好。是日甜品：士多啤梨奶凍雖然咁講好似好誇張，但呢杯可能係我人生中食過最好食嘅一杯士多啤梨奶凍。奶凍口感超級嫩滑，完全冇魚膠粉嗰種啫喱膠質感，好驚喜，有種食緊特濃牛奶雪糕嘅感覺。士多啤梨醬份量恰到好處，為奶凍增添一份酸甜清爽。另外點選左一杯傳說中嘅long I

話說今個月係女朋友嘅生日我帶咗佢黎呢間叫Amour Corner見佢個格局好似幾適合兩個人黎我冇影底餐牌我地係食個二人餐嘅青蘋果鵝肝多士味道ok嘅青蘋果配鵝肝算ok la沙律係前菜黎嘅再黎個忌廉湯嘅餐湯Ok唔錯嘅黑松露意大利飯佢有少少黑松露味嘅唔太濃烈 味道ok嘅 不過不失唔算太濕煮到 烤澳洲牛柳扒呢個牛柳扒比想像好味不過佢肉汁唔算多肉汁比較少肉味ok嘅咬口都唔錯唔太靭嘅食落都好味嘅凍檸茶唔記得呢杯係咩二人餐有個甜品仔嘅預訂時叫咗佢落個心太軟都算唔錯有得生日字句

之前有朋友推介一間西餐廳【Amour Corner】，前個星期晚上提早了下班，跟男朋友便到此吃個Happy Friday Dinner。位於旺角砵蘭街，近朗豪坊附近...吃晚餐前到處逛逛，飯前先做腿部運動，走很多路到達不同的地方，餐廳由卡是在地舖的關係，不會讓人錯過，【Amour Corner】與眾不同的個人風格明顯突出。門口亦擺放了一些餐牌讓你考慮好後才入去品嚐。重點是見到精選生蠔，所以二話不說男朋友便帶我入去了。餐廳是長方形格局，一眼便觀看完畢，餐廳燈光整體都偏暗，我們坐在一邊梳化，一邊櫈子的位置。沒有太多人，可能我們較早入座，所以情調上會有回加分，【Amour Corner】都會提供檸檬水享用，感覺更加清新！除沙律不太給力外、頭盤、湯、主菜卻為這家餐廳挽回了不少分數。因為點套餐好像近符合這裡的氛圍。「二人套餐$328」, 有頭盤、餐湯、沙律、主菜2款、甜品以及餐飲。 🔹仲點左精選生蠔(六隻) $128好耐無食生蠔啦！生蠔套餐都只係$126(6隻)，真係好抵食，一啲都唔細細隻！原汁原味的吃用，因為每隻都好新鮮，沒有雪藏味和多餘腥味。6隻分別為「加拿大、美國、法國」各兩隻。一次過嗌晒

朋友喜歡吃生蠔，之前試過這間，覺得環境寧靜，價錢亦合理，便決定卜Amour Corner 再食。我們點了一份生蠔拼盤和經典二人餐。生蠔拼盤有加拿大，美國，和法國雖說不上非常肥美，但勝在夠新鮮，鮮甜而且creamy!頭盤就選了鵝肝多士和巴馬火腿蜜瓜多士香脆，鵝肝甘香，配上清新蘋果片，減去油膩感，哈蜜瓜很清甜爽脆，配上咸咸的巴馬火腿，味道真的很夾。每人還有一碗餐湯，今日是羅宋湯，熱辣辣，味道亦剛好，挺醒胃。凱撒沙律，蔬菜脆綠爽脆長通粉份量頗多，硬度適中，沾滿酸甜番茄醬和碎芝士，不錯👍🏼牛柳點了七成，看似過熟，但其實切開肉色呈粉嫩，火喉剛好，牛味濃郁，肉質腍滑。再加上伴菜和綿滑薯蓉，士多啤梨牛奶布甸，質感軟滑有奶香，加上士多啤梨醬，香甜又清新。

暑假終於可以輕鬆下，今晚同朋友嚟呢度傾下心事食好嘢我哋叫咗一份生蠔拼盤同經典二人套餐，大滿足呀店員都好貼心會逐樣食物上菜，見我哋食到差唔多先再上食物。第一輪嘅食物喺生蠔呀，我哋叫哂三款唔同嘅試下，朋友話鍾意加拿大中間個款，因為有淡淡嘅海水味，我就無食得咁講究，不過生蠔好大隻同好好味呀。而頭盤就喺青蘋果鵝肝多士同巴馬火腿蜜瓜，多士脆卜卜，好好味呀！蜜瓜都好甜呢！之後緊喺沙律同餐湯，有我鍾意嘅蘑菇湯HA跟住就到今日嘅主菜喺燒醬烤原味豬肋骨烤澳洲牛柳扒。最後仲有甜品呢！

平日偶然油麻地做facial, 認真逛一逛發現位於後街的砵蘭街簡單是條食街有一晚我同友人行入一間頗有情調的西餐廳Amour Corner，裡面約有數十個座位，有皮餐椅亦有沙發，不過個人認為沙發太軟塌了，不太喜歡一坐底，店員即上前推廣當特價生蠔HK$128/6隻，當晚有澳洲、美國以及法國生蠔做優惠價，我和友人決定每款兩隻試齊3款蠔的大細雖然不算大和十分肥美，但勝在新鮮，還是以質素取勝來看一下餐牌，Amour Corner推出兩款二人晚餐，分別都有頭盤、主菜和甜品，價錢都好經濟實惠頭盤是青蘋果鵝肝多士和巴馬火腿蜜瓜這是2人餐，食物的份量亦是x2，可是擺盤真的太遜色了，青蘋果切太薄，多士包亦有點硬，這令口感稍稍扣了分數沙律味道中等，有Cream Cheese同芝士碎，溝翠綠沙律蔬菜，清新爽脆我鍾意食牛，主菜柯打烤澳洲牛柳扒3成熟，牛柳肉嫩無筋，亦無雪藏味，表層烤香，但裡面仍透出粉紅色，讚!!看來Amour Corner的主菜比頭盤要好，水準穩定，連友人的香草煎封羊架同樣出色，不得不讚一下小店的主廚功架甜品是奶凍，不算太甜，入口奶滑，表現平穩過關^^

同小妹去旺角睇戲， 睇戲之前就從openrice搵到呢到有間不錯嘅西餐廳—「Amour Corner」， 見到佢二人套餐都幾抵，所以就試下！😏 我地仲額外點左個生蠔食， $128就有6隻3款不同國家嘅生蠔， 都抵喎！😎 是日生蠔有加拿大🇨🇦、美國🇺🇸、法國🇫🇷， 加拿大生蠔肉質清爽，比較淡嘅海水味， 美國嘅海水味相對比較重， 而法國的就較為Creamy， 雖然有提供調味料， 但生蠔都算新鮮嘅關係， 所以唔洗落任何調味，都可以品嘗到佢嘅鮮味，無多餘嘅怪腥味。😏 至於套餐，我地揀左比較實惠但性價比高嘅「經典二人晚餐」。 頭盤：巴馬火腿蜜瓜、青蘋果🍏鵝肝多士 湯、沙律：傳統凱撒沙律、是日餐湯 主菜：烤澳洲牛柳扒、黑松露菌意大利飯 兩位$328， 仲包甜品和餐飲，真係超值！👍🏾 巴馬火腿蜜瓜 蜜瓜都算鮮甜，巴馬火腿鹹香，不錯吃！ 青蘋果🍏鵝肝多士 多士烤得香脆可口，鵝肝肥美， 青蘋果嘅清爽剛好可以一解鵝肝嘅肥膩感。😉 傳統凱撒沙律，清甜爽脆， 麵包粒又夠脆！👍🏾 雜菜湯不過不失吧。 烤澳洲牛柳扒 叫左medium rare， 熟成度拿捏得剛好，還有肉汁滲透出來，不錯啊！😋

天氣開始轉凍，又時到換季的時候，朋友仔相約我去逛街吃飯，我們選了旺角區的Amour Cafe 🥂進入餐廳面，柔和偏暗的燈光，感覺甚有情調，加上環境寧静，正好合我們心意，可以静静地談天，這兒也非常適合情侣、知己良朋共聚，氣氛讓人感到放鬆店員先向我們介紹精選生蠔及二人餐，精選生蠔是優惠價，$128/6隻，朋友仔毫不猶疑的說要點生蠔，我也是很愛吃生蠔的， 所以很快我們就點了精選生蠔和經典二人餐頭盤: 青蘋果鹅肝多士及巴馬火腿蜜瓜鵝肝煎得帶點脆，味道清香不油膩，巴馬火腿的鹹香配上甜甜的蜜瓜，多美味啊！餐湯和凱撒沙律餐湯味道偏淡沙律菜很新鮮，還有我喜歡的麵包糠，份外脆口好吃生蠔我們選了南菲、美國及愛爾蘭各兩隻三款之中，南非的有海水味也帶厚身，美國的不過不失，至於愛爾蘭的比較其餘兩款相對感到鹹了些，我和朋友都較為喜歡南非的生蠔菠菜汁煙三文魚意大利粉除了感到creamy，材料實在是絕配，朋友仔邊食邊讚好🐮烤澳洲牛柳扒我們是要七成熟的牛柳扒，不要以為看似紅色會是很生的，吃下去便發現肉質很juicy，其實當我在砌牛柳扒時並不困難，吃時也不會感到難咬反而是容易入口的，也吃到一些牛的味道🍓士多啤梨奶凍這個

早前經朋友介紹，得知呢間西餐廳又平又抵食，於是決定今晚book枱試下!我同友人大概8點左右到達餐廳，估唔到原來真係咁多人食，這個時間來到還是座無虛席!餐廳有柔和既燈光，每枱枱上都有一個小蠟燭，非常浪漫。侍應熱情地安排我們到二人枱坐下，並且為我們倒了一杯冰水，還介紹了餐牌。我們最後決定叫了一個生蠔拼盤及經典二人晚餐!$128有6隻3款唔同既生蠔，侍應上菜時亦會介紹邊款是那個國家的生蠔。碟上還有茄汁、檸檬及會一同給予Tabasco。愛爾蘭生蠔帶有非常濃郁既海水味，而且非常甜味。加拿大生蠔亦是帶有海水味，有少少creamy既感覺。至於南非生蠔，是味道最濃郁的，食落去又甜又肥美又creamy，係咁多款裡面比較喜愛既一款!咁多款都不用再落任何調味便可以食到佢既鮮甜!經典二人晚餐-頭盤迷你芝士拼盤及巴馬火腿蜜瓜，迷你芝士拼盤共有3款芝士，包括有藍芝士、煙燻芝士及一隻軟芝士，當中我較喜歡藍芝士及煙燻芝士。前者芝士味非常濃郁，配上附有的餅乾一齊食，味道非常match!而煙燻芝士食落去有點煙肉味，咸咸地，層次豐富。另外巴馬火腿蜜瓜，巴馬火腿厚薄及咸度適中，配上鮮甜既蜜瓜一齊食，非常fresh!經典二人晚

今日又去咗旺角朗豪坊買嘢,買完野之後當然係依肚嘅時候啦.行吓行吓就俾啲一間鋪嘅poster$128有六隻生蠔吸引左入去.因為都好耐未食過生蠔,佢除咗生蠔之外主打二人套餐,三百幾蚊就有全套嘅晚餐,有頭盤又有餐湯沙律又有主菜又有甜品又有餐飲,好抵食!生蠔併盤佢主打美國南非同埋愛爾蘭既蠔,我自己就鍾意美國蠔,夠肥大厚肉有鮮味,其實另外兩隻好都好新鮮㗎,不錯!自己喺超級市場買返嚟都唔止呢個價錢.頭盤頭盤揀咗青蘋果鵝肝多士同埋巴馬火腿蜜瓜.鵝肝非常之香原件厚切大大件,在配返比較Fresh嘅青蘋果絕配!巴馬火腿都絕不遜色食得出係正宗野!餐湯/沙律餐湯係羅宋湯有少少辣不錯,用來刺激味覺就最好啦!沙律用咗新鮮嘅生菜亦都唔差.主菜主菜揀咗烤澳洲牛柳扒同埋香草煎封羊扒牛柳扒七成熟啱啱好有啲口感之餘又唔會太過生 牛肉有肉味,大大件,正!羊扒方面估唔到有三件,調未調得非常之好可以將羊嘅鮮味帶晒出來!再加上佢嘅特製醬汁同埋馬鈴薯加埋配菜,令到主菜更為完美.甜品,餐飲另外個餐仲送咗每人一份甜品同埋餐飲添,食完非常之滿足呀!估唔到喺啲一度都食到full set dinner,cool!

今晚另一半早收工, 佢話帶我去間情調唔錯嘅西餐廳食返個浪漫晚餐, 咁我又點可以拒絶呢?!就係呢間門口放置餐牌, 望落都幾唔錯二人枱放上蠟燭, 配合昏暗燈光, 確係幾有情調枱上見到呢個宣傳餐牌 精選生蠔套餐, 每日精選3款新鮮生蠔, 自選6隻都係$128, 超晒值, 自己去超市專櫃買都未必得啦, 仲要開埋比你又有晒醬汁, 怪唔之得差唔多每枱必叫!今晚分別要左2款, 呢款係美國蠔, 蠔身比較厚身, 食起黎比較滿足, 海水味偏淡, 口感幾滑身, 蠔味適中!另一款為南非蠔, 細隻同薄身D, 海水味比起美國蠔偏濃, 口感偏爽脆!  咁抵價錢絶對食得過!見佢有二人套餐, 有經典/尊貴, 分別在於多D食物選擇同多2杯餐酒, 本人鍾意D classic嘢, 就要呢個經典二人晚餐啦 ($328)套餐由頭盤食到去甜品, 成個全餐食晒就由頭盤開始 : 巴馬火腿蜜瓜及青蘋果鵝肝多士, 每款有2件, 可以互相分享巴馬火腿蜜瓜 - 清甜多汁嘅蜜瓜與咸香巴馬火腿一甜一咸, 呢個經典組合從來無令人失望過, 呢客都無例外!青蘋果鵝肝多士 - 香煎鵝肝雖然係薄切, 但為著健康著想淺嚐未嘗唔係一件好事; 鵝肝香軟幼滑配合脆

假日後既第一天工作，經過一天的辛勞，實在需要好好食返餐慰勞下自己，於旺角鬧市中發現有一間西餐廳Amour Corner ,今晚與好友相約來此晚膳。這裡環境寧靜座位舒適，加上柔和既燈光，讓人輕鬆自在,疲勞盡消，每枱擺設了小蠟燭更加潻幾分浪漫，眼前雖然唔係男朋友，但有這位知己良朋共晉晚餐，談談心事已然很滿足了先order半打生蠔，無食生蠔好耐啦，既然呢度有，更加唔會錯過，當中有南非、加拿大、愛爾蘭各兩隻，各有特色，鮮甜味美，但最喜歡係愛爾蘭，夠大隻嘛😄我地叫了個經典2人晚餐☆☆頭盤巴馬火腿蜜瓜~濃味的巴馬火腿配搭甜甜的蜜瓜，味道好夾。 迷你芝士拼盤，三款不同口味既芝士，滿足到我的味蕾是日餐湯，凱撒沙律主菜:烤澳洲牛柳扒,選擇七成熟剛好，雖然咁厚身，咬落好腍，又多肉汁黑松露菌意大利飯Risotto夠軟腍，口感夠煙韌意式奶凍，士多啤梨味🍓奶凍好滑又唔太甜有燭光既浪漫，柔和既情調，舒適既環境，共享二人經典晚餐+生蠔，人均消費都係二百幾，價錢十分相宜，但下次要同男朋友來食啦