生生市場 (永德大廈)

營業中

休息中

#MC帶你去灣仔.依間人氣韓式外賣店由元朗起家，主打韓式料理、韓式小菜、急凍食品等。近年更進駐灣仔開設分店。➖➖➖➖➖➖➖➖➖➖➖➖➖➖➖✨ 生生市場.外賣店主打韓式料理，包括人手製嘅韓式拌菜、醃製海鮮、熟食等，更有韓國直送韓牛、急凍食品等。➖➖➖➖➖➖➖➖➖➖➖➖➖➖➖🥢 P2.海鮮煎餅｜$58.餅邊煎至金黃香脆，餅身軟糯加上濃濃嘅韭菜香氣，鮮香惹味。配以韓國醋醬，酸酸甜甜，更加好食！➖➖➖➖➖➖➖➖➖➖➖➖➖➖➖🥢 T3.韓式海鮮嫩豆腐湯配白飯｜$68.配料十分豐富，嫩滑豆腐、8-9隻蜆仔、清爽翠肉瓜片、金針菇、溫泉蛋等，味道酸酸辣辣，將湯汁淋上白飯，吸滿海鮮湯汁嘅白飯，十分搭配。➖➖➖➖➖➖➖➖➖➖➖➖➖➖➖🥢 K1.烤牛肉紫菜飯卷｜$53.飯卷每日新鮮製造，飯卷切開了12件，每一件都十分足料，有烤牛肉、青瓜絲、醃漬黃蘿蔔、紅蘿蔔絲等，口感豐富，每一啖都有滿滿嘅滿足感。➖➖➖➖➖➖➖➖➖➖➖➖➖➖➖🥢 B2.新鮮辣泡菜（S）｜$38.經典韓菜嘅下飯菜，店鋪每日新新鮮製造，口感爽脆而且酸酸辣辣。➖➖➖➖➖➖➖➖➖➖➖➖➖➖➖🥢 B6.涼拌豆芽（S）｜$25.口感爽脆細嫩，

放學之後順便買外賣，經過呢間起鵝頸橋附近嘅韓國外賣店🇰🇷選擇多多，有韓式飯卷、鍋類、炸雞、炒粉絲、年糕、醃物小食等▶️ 烤牛肉紫菜飯卷 ($53)雖然係預製，但望落新鮮飯卷包得紮實材料多，尤其牛肉比例，飯唔會太厚另外有青瓜、紅蘿蔔絲、醃蘿蔔、蛋味道較淡😗自己起屋企加咗韓式烤牛肉汁就好食▶️ 雜菜煎蛋卷 ($55)最後一盒🥹啱啱整好，仲係暖笠笠份量比預期多，而且好厚身重手加入紫菜、紅蘿蔔粒、少少雜菜🥕有自家菜味道，簡單但餸飯自己落茄汁一齊食就完美▶️ 蘿蔔魚糕湯 ($68)即叫即製，配送一碗白飯有兩款魚糕：三角形扁身同圓柱體 (好似獅子狗卷咁)後者質感煙靭爽彈似魚蛋，好食😋另外仲有一嚿索湯入味白蘿蔔、一片魚蛋🍥一粒爆汁香菇🍄‍🟫湯底味道清清地但夠鹹味，啱啱好▶️ 醬煮黑豆 (S: $40)最鍾意呢個🖤黑豆好有質感，醬汁又鹹又甜撈白飯食一流🫣差唔多成兜我清晒▶️ 涼拌菠菜 (S:$25)健康之選🥬簡單醃製過，灑上白芝麻鍾意佢唔太油膩▶️ 韓國提子汁($7)入面有蘆薈粒㗎！-味道唔錯👍🏻醃製小食好食，推介醬煮黑豆同蛋卷❤️另外仲有好多款，鍾意食韓國前菜嘅話可以買返屋企慢慢食包裝好，好多都啤實咗，唔驚倒瀉，

一直都知新國華嘅存在 而一直都知佢地賣凍肉 急凍食品為主🥩估唔到而家佢地都有即叫即整嘅韓式外賣🥡仲要由韓國媽媽打理🇰🇷相比其他一定會正宗好多去開銅鑼灣灣仔個頭 久違無食韓國菜嘅我經過見到幾新奇下就外賣左😙順便益埋男朋友一齊試😏❣️甜辣無骨炸雞 S$48 L$78炸雞size大細岩岩好🐔做到一啖一口而個甜辣醬好地道 韓國風味仲有大份 細份叫💁🏻‍♀️💕❣️烤牛肉紫菜飯卷 $53紫菜飯卷包得好實 餡料十足👀飯卷嘅蔬菜好新鮮🥬食落去好多層次仲有好多唔同味道嘅選擇❣️韓式海鮮嫩豆腐湯 $68豆腐嫩滑又帶有鮮甜海鮮味🐟🥣就算唔配飯食當湯飲都夠曬正有叫埋紫菜飯卷可以學韓國人點豆腐湯一齊飯❣️泡菜煎餅 $48煎完都唔覺油膩 要點埋醬汁就係完美配搭就算外賣都仲可以保持到脆口😋❣️涼拌菠菜 S$25 M$50好多時好難靠自己整到韓國嘅味道🥺佢地都有唔少韓國小菜嘅選擇 我就揀左我鍾意食嘅菠菜菠菜入曬味 咬薄又爽口🤩🤩而蒜味同麻油兩者味道平衡岩岩好

係鵝頸橋附近有間隱藏著唔起眼嘅韓國食店，原來佢啲蛋卷呀，飯卷都幾好食。佢唔只熟食，仲有冷藏食物添。如果鐘意韓國食物，大家不防可以去逛呢間食店🤗以下望落簡單嘅食物要整得好食真係好考功夫。辣豬肉紫菜飯卷極力推介！辣醬汁配好豬肉令豬肉好juicy，唔會好辣，令飯卷有幾分野味。烤牛肉紫菜飯卷烤牛肉食落有啲質感，有啲甜甜味。雜菜煎蛋卷煎到金黃色嘅厚厚蛋卷好，中間有紫菜，再有野菜粒，口感層次豐富。魚餅串湯啖啖肉魚餅，有啲彈牙嘅口感，魚味十足。

門面係間凍肉店，有賣Dry-Aged牛肉同好多款唔同嘅凍肉，果然係韓牛專門店😍 而另一邊都有買韓式外賣即叫即走，亦有個廚房整炸雞、煎餅等等。紫菜飯卷、炒粉絲都放晒喺display櫃，因為每日新鮮製賣晒就冇，所以夜少少就要睇彩數先買到自己鍾意嘅味道喇烤牛肉紫菜飯卷 $53份量好多有幾層，一個人食得輕盈啲絕對夠飽，但當然食埋其他小食更開心☺️ 甜辣無骨炸雞 S $48炸雞只有原味同甜辣味，呢隻偏甜唔會太辣，外脆內軟好Juicy海鮮煎餅 $58剪好一塊塊放入盒，盒蓋都有開窿以防倒汗水，海鮮細細舊係煎餅上，有八爪魚、墨魚、蝦仁等等，煎餅質地好soft醬醃烤牛肉午餐盒 $78呢個午餐盒超級豐富！除咗有一件我本身都15/16好想叫嘅雜菜煎蛋卷，仲有個湯同有齊三款好受歡迎嘅韓式醃菜，佢哋自製嘅泡菜偏辣好開胃菠蘿汁 $10韓國牌子酸酸甜甜，襯口味偏濃嘅韓國菜就啱晒