Terrace in seaside (海運大廈)

營業中

休息中

難怪這麼多女孩子光顧，菜式擺盤精緻，很適合喜歡影相打卡上傳到社交網站的人，味道也有水準，值得再三光顧。🥩🍳🍞🍚1️⃣烤牛肉蛋包飯 $125🍳侍應在食客面前把蛋切開，然後蛋漿四散，包着下面的飯。蛋煮得很滑，但淡茂茂，沒什麼味。🥩其實是一般香港火窩的肥牛，澆上濃郁的醬汁，有點鹹。🍚醬汁炒飯底，是淡淡的茄汁味，吃起來濃淡適中，味道最吸引。🥘這道菜，牛肉或蛋，單獨放進口的話，不是太濃就是太淡，都失色。只有飯味道ok，但總不可只吃飯沒有餸菜吧。把濃味的牛肉、適中的飯、淡味的蛋，混在一起同時品嘗，就是最佳搭配。💃🏻就似小花暖，眼睛被嫌分得太開👁️ 👁，鼻子👃🏼形狀被彈大又怪，只有心口車頭燈耀眼奪目。雖然局部欣賞有好有壞落差又大，不過，懂得欣賞她的整體，便會發掘出小花暖是一流的，與烤牛肉蛋包飯同理。🇰🇷💣🐔 - 🍯🧈2️⃣韓式炸雞 - 蜂蜜牛油味(有骨半份$118)整個菜式賣相很吸引，但第一口給我的感覺是雞肉不夠嫩滑，幸好也不至於乾柴的程度，何況蜂蜜牛油醬汁出色，是好吃的😋。炸雞配有年糕與薯條🍟，年糕摻有炒香了的白芝麻，香氣四溢，還沾到蜂蜜牛油醬，味道很棒👍🏾。薯條🍟香脆，吃起來好像有點酸酸甜甜的味道

之前見呢間韓國🇰🇷過江龍餐廳好hit尖沙咀同屯門都有分店🤣餐廳本店位於韓國仁川依家未去到旅行住🙈咁唯有係香港食過下癮先啦.呢日4點幾黎到尖沙咀分店因為唔係食飯時間所以唔洗等就入得🫶🏻餐廳位置唔算大 唔係好多位不過都坐得舒服.我哋叫咗🥚烤牛肉蛋包飯 $125🫓泡菜煎餅 $82🍗無骨炸雞（半份）$108 （醬油蒜頭味）本身仲想叫紫菜飯卷 但竟然賣晒🥹.🥚烤牛肉蛋包飯 $125一上枱就聞到好香燒牛肉味賣相好靚😍😍蛋包飯嘅蛋係就咁放喺飯上面並唔係用蛋包住啲飯個蛋整得好靚 不過就咁食個蛋就冇乜調味🙈要同牛肉一齊食就好啲👍🏻🫓泡菜煎餅 $82一開頭我以為係一塊好似pizza咁嘅大塊煎餅上到黎先知原來係3塊細嘅一塊大約有半隻手掌咁大入面都好多料 同埋食落都好飽可以當主食😛😛🍗無骨炸雞（半份）$108 （醬油蒜頭味）如果只係叫半份炸雞就只可以揀一隻味叫全份就可以揀2隻我哋2個人食 食唔晒咁多 就只係叫左半份炸雞底仲有啲薯條同韓式年糕無骨炸雞真係超方便超啱懶人唔洗lur骨啲雞都好入味好正☺️每舊都有滿滿嘅醬汁總括嚟講呢間過江龍餐廳超高質💕💕會encore!!

上星期週末，同男友拍拖經過，見到門口幾靚，見唔算太多排隊，就去試下🥰等左半個鐘終於入座✌🏻Menu上面睇落樣樣好似好吸引，最後點左以下3款：🍽卡邦尼年糕味道都唔錯，可惜年糕唔夠軟Q，我覺得以前嘅school food(已結業)整得好食啲🫣🍽烤牛肉蛋包飯：呢個又靚又好味，味道比較濃，好啱我呢啲重口味嘅人👍🏻好值得試！🍽濟洲柑橘炸雞：3樣之其中，我最鍾意呢個，因為酸酸甜甜好醒胃，同埋整得好靚，望住都已經好開心☺️🥤飲品：冇叫，因為見隔離枱嘅飲品係外賣膠杯裝，好唔吸引，慳返😂整體我覺得好ok啊😄食物影相呃like一流，不過好多人排隊等位，食完都唔好意思坐太耐就馬上埋單，其實應該要開大間d啦，座位又可以闊落就更好！p.s. 我地有海港城美食coupon仲減左$200，所以係好超值😎

🍳烤牛肉蛋包飯 $125（4.5/5）🤩賣相超靚既蛋包飯，上枱時仲有微煙冒出。用刀輕輕喺蛋皮中間𠝹開，滑溜溜既蛋漿即刻流出嚟包住成個飯😍 中間既蛋漿半熟有蛋香，炒飯略嫌唔夠味，但一配上旁邊既炒牛肉即刻唔同晒😳成個味道勁match又唔會搶晒個蛋香味，會話係昇華左成件事🙌🏼 懷疑炒牛肉先係主角😹🤭 整體都做得好出色 值得一試！！仲要影相效果好靚✨啱晒打卡！😚👍🏼🐔🍗半份無骨濟州柑橘炸雞 $108（3.8/5）未食過柑橘味炸雞，聽落幾特別所以就試下！😋 一入口甜味比較突出，之後就食到清新既柑橘味🍊肉質嫩滑，咬落啖啖肉啱晒懶人😛 仲有少少肉汁尚算juicy覺得炸雞外皮可以做得再酥脆啲😗薯條同炸年糕為配菜，個人覺得還好，薯條普通，炸年糕太過煙韌口感麻麻🍟 整體ok醬汁又唔會好膩，但未有蛋包飯咁驚喜，中意食韓式炸雞想試下新味既話都係唔錯既選擇！😏🍹濟州柑橘乳酪 跟餐+$40（3.5/5）好可愛有半個柑橘喺面😆 酸酸甜甜啱晒解膩解渴，柑橘同乳酪味都好夠，又唔會太甜！真係枱枱都有一杯喺度打卡🏖✨

星期日難得可以同老公出街去餐廳食午餐，叫左好多野食，好滿足。送上泡菜一小碟，甜甜辣辣的。烤牛肉蛋包飯賣相吸引，雞蛋口感嫩滑，包住既唔係白飯，有啲蔬菜粒同肉粒，有沙律伴碟，好味。甜辣果仁炸雞有骨半份上碟熱辣辣，附有手套。炸雞香脆可口，甜辣醬好似係韓國食到既味道，仲有年糕同薯條，勁邪惡。傳統紫菜包飯簡簡單單就是好味道。水果忌廉三文治三文治好鬆軟，忌廉又好幼滑，士多啤梨同無花果又甜，真係好好食。士多啤梨提拉米蘇蛋糕上層忌廉，跟住一層海綿蛋糕，一層士多啤梨忌廉，底層係海綿蛋糕，有提拉米蘇濕潤既口感，加上有唔少士多啤梨，真心唔錯。飲品叫左濟洲柑橘乳酪$68同韓式朱古力泡泡$48，前者幾乎每枱都有叫，造型特別，乳酪味好出，後者朱古力味屬於大人口味。